1 EEHAMBA 15:4 - Ombibeli Iyapuki

⁴ Ndelenee omolwaDavid Omwene Kalunga kaye, e mu pa olamba muJerusalem eshi a nangekele mo omona, onaku mu shikula nokukwatelela Jerusalem,

1 EEHAMBA 15:4 ပူးပေါင်းရင်းမြစ်များ

GENESIS 12:2

Ndele Ame ohandi ku ningi oshiwana shinene, ndele handi ku nangeke noupuna ndele handi ku ningile edina linene, ndele ove to ka kala omunangeki noupuna.

GENESIS 19:29

Ndele eshi Kalunga a hanauna po oilando yomefilu laJordan, okwa dimbulukwa Abraham, ndele a pitifa mo Lot mehanauno, eshi Ye a hanauna po oilando omo mwa li Lot.

GENESIS 26:5

Osheshi Abraham okwa pwilikina ondaka yange nokwa diinina omalombwelo ange noipango yange neenghedimhango dange neemhango dange.”

2 SAMUEL 21:17

Ndelenee Abisai yaSeruja okwe mu kwafa, nokwa denga Omufilisti nokwe mu dipaa. Opo nee ovalumenhu vaDavid ve mu anifa ndele tava ti: “Ino ya vali pamwe nafye koita, uha dime po olamba yomuIsrael.”

1 EEHAMBA 11:12

Ndelenee momafiku oye Ame itandi shi ningi omolwaxo David. Meke lomumwoye Ame ohandi ke u kufa mo.

1 EEHAMBA 11:32

Ndelenee epata limwe tali ningi laye omolwomupiya wange David nomolwaJerusalem, oshilando, Ame nde shi hoolola mo momapata aeshe aIsrael,

1 EEHAMBA 11:36

Nomona waye omulumenhu Ame ohandi ke mu pa epata limwe, opo omupiya wange David, a kale alushe e nolamba moipafi yange muJerusalem, oshilando Ame nde shi hoololela edina lange, opo li kale mo.

2 OMAFIMBO 21:7

Ndelenee Omwene ina hala okuhanauna po epata laDavid omolwehangano e li ninga naDavid, omaudaneko okuyandja kuye nokovana vaye ovamati olamba i kale yavo alushe.

OMAPSALOME 132:17

Omo onda hala okukulifila mo eenghono daDavid, nonda longekidila mo omuvaekwa wange oshiminikilifo.

OMAPSALOME 18:28

Osheshi Ove to efele olamba yange okuminikila; Omwene Kalunga kange ota minikile momulaulu wange.

OMAPSALOME 87:5

Ndelenee okutonga Sion otaku tiwa: “Shamha omunhu, omo a dalelwa musho, naau wOkombadambada Ye mwene ote shi pameke.”

JESAJA 14:32

Ovatumwa voiwana otava nyamukukulwa shike? Omwene Oye mwene a tunga Sion, nomo tuu omo ovafyoona vovanhu vaye otava ka amenwa.

JESAJA 37:35

Ndele onda hala ndi amene oshilando eshi nondi shi xupife, ndi shi xupife molwange mwene nomolwomupiya wange David.’ ”

JESAJA 62:7

ndele inamu mu efa a tulumukwe fiyo a tungulula Jerusalem nosha ninga ehambelelo kombada yedu.

JESAJA 9:7

Epangelo laye tali ningi linene, nombili itai xulu po okolukalwapangelo laDavid nomouhamba waye, opo Ye e u kanghameke noku u pameka netokolo nouyuki okefiku eli nofiyo alushe. Ouladi waKalunga, Omwene womatanga ovakwaita otau ke shi ninga.

JEREMIA 33:2

Omwene, naku shi wanifa, osho ta popi, Omwene ou te shi longekida noku shi pameka, edina laye Omwene.

MATEUS 16:18

Naame yo ohandi ku lombwele: oove Petrus, nokemanya tuu eli handi tungile ko eongalo lange, ndele itali ka dulika koivelo yoshovafi.

LUKAS 2:32

ouyelele okuminikila ovapaani nefimano loshiwana shoye Israel.”

JOHANNES 8:12

Ndele Jesus okwe va lombwela vali, ta ti: “Aame ouyelele wounyuni; ou ta shikula nge, ita ende momulaulu, ndele ota kala e nouyelele womwenyo.”

OVAROMA 11:28

Pavaengeli, ovo ovanaita molweni, ndelenee pahoololo, ovo ovaholike omolwootate.

DEUTERONOMION 4:37

Ndele Ye eshi kwa li e hole ooxo nokwa hoolola oludalo lavo komesho yavo, ndele Ye mwene e mu pitifa mo muEgipiti neenghono daye dinene,

EHOLOLO 22:16

“Ame, Jesus, onda tuma omweengeli wange e mu hepaululile oinima ei momaongalo. Aame oshitutuma shomoludalo laDavid, onyofi yongula tai vilima.”