1 EEHAMBA 14:9 - Ombibeli Iyapuki

⁹ Ndelenee ove wa longa owii muhapu u dule aveshe venya ve ku tetekela. Ove wa ya ndele we li ningila oikalunga imwe, oitelekwafano, ndele wa handukifa nge nokweekelashi nge konima yombuda yoye.

1 EEHAMBA 14:9 ပူးပေါင်းရင်းမြစ်များ

1 EEHAMBA 12:28

Onghee hano ohamba, eshi ya diladila oshinima eshi, ya ninga eenhana mbali doshingoldo ndele tai ti kovanhu: “Efimbo lile nokuli mwa ile kuJerusalem, ndele taleni, Ovaisraeli, oikalunga yeni oyei, ye mu pitifa mo medu laEgipiti!”

1 EEHAMBA 14:16

Ndele Ye ota ka ekelashi Israel omolwomatimba aa Jerobeam e a ninga, ndele okwe a twalifa Israel okulonga oulunde.”

1 EEHAMBA 14:22

Ndele Juda sha ninga osho shii momesho Omwene, ndele she mu handukifa shi dule oilonga aishe ii yooxe omolwomatimba avo ve a ninga.

1 EEHAMBA 15:29

Ndele ye eshi a ninga ohamba, okwa dipaa epata alishe laJerobeam. Ndele keshe umwe ou a li e nomwenyo womepata laJerobeam, ine mu xupifa, okwa hanauna po aveshe pandjovo yOmwene, Ye e i lombwela omupiya waye Ahia, Omusilo

1 EEHAMBA 15:30

omolwomatimba oo Jerobeam a ninga nokwa hongaula Ovaisraeli okunyona, onghee hano a handukifa Omwene, Kalunga kaIsrael.

1 EEHAMBA 15:34

Ndele ye okwa ninga osho inashi yuka momesho Omwene nokwa enda nondjila yaJerobeam nomomatimba oo ye a hongaulifa Israel okunyona.

1 EEHAMBA 16:25

Ndele Omri okwa ninga osho inashi yuka momesho Omwene nokwa longa owii u dule owii wovatetekeli vaye aveshe.

1 EEHAMBA 16:30

Ndele Ahab yaOmri okwa ninga osho inashi yuka momesho Omwene, e dule aveshe ovo ve mu tetekela.

1 EEHAMBA 16:31

Ndele sha li inashi mu wanena osho eshi a enda nondjila yaJerobeam yaNebat, ndelenee okwa hombola Isabel, omona waEtbaal, ohamba yaSidon nokwa fimaneka Baal nokwe shi linyongamena,

1 EEHAMBA 16:33

Ahab okwa ninga yo omuti wolupwelele laAsera, ndele Ahab okwa longa owii uhapu unene nokwa handukifa Omwene, Kalunga kaIsrael, e dule eehamba adishe de mu tetekela.

2 EEHAMBA 21:3

Ye okwa tungulula vali oikulundu inya, xe Hiskia a ngumauna po. Nokwa dikila Baal eealtari, nokwa ninga olupwelele laAsera ngaashi Ahab, ohamba yaIsrael, a ninga, ndele te linyongamene koshipala sheengudu adishe dokeulu ndele te di fimaneke.

2 EEHAMBA 23:26

Ndelenee Omwene ina handukuluka nande koupyuhandu waye munene nao ehandu laye la xwamena Juda omolwomahandukifo aeshe Manasse e mu handukifa.

2 EEHAMBA 3:3

Ndelenee okwa kanyatela momatimba aJerobeam yaNebat, nao winya a hongaulifa Israel okunyona. Ye ine a efa.

2 OMAFIMBO 11:15

Ndele ye okwe likongela ovapristeli va kalela oikulundu neendemoni domofuka neenhana deemhedi, e di ningifa.

2 OMAFIMBO 33:6

Naye mwene yo okwa endifa ovana vaye ovamati momundilo mefilu lomona waHinnom. Nokwa xunganeka omadidiliko ndele ta nyanekele nokwa tula po ovo hava pula keemhepo dovafi ndele tava mono kokule. Okwa ninga shihapu osho inashi yuka momesho Omwene, a handukifa Omwene.

NEHEMIA 9:25

Ndele va nangala oilando i neehotekuma nedu liwa, nova tinha eengulu di yadi oinima iwa i lili nai lili, eendungu da pandwa memanya, oikokola yomiviinyu nomiti domalumono nomiti dihapu doiimati. Ova lya ndele va kuta ndele va ondoka nova kala ve noshishipo omolwouwa woye munene.

NEHEMIA 9:26

Ndele inava dulika vo ve ku twila ondubo nova ekela omhango yoye kombuda yavo. Novaxunganeki voye ovo ve va londwela, ve va alulile kwoove, ve va dipaa ndele va ninga oinima inene yoixuna yokusheka Kalunga.

OMAPSALOME 106:29

ndele tave mu tondifa noilonga yavo. Opo nee eshi pa tukuluka eefya mokati kavo,

OMAPSALOME 50:17

Ove mwene manga to dini outeku wange, neendjovo dange oto di pe ombuda;

OMAPSALOME 78:40

Omapa e fike peni, aa va twa ondubo naye mombuwa, naa ve mu lilifa mofuka!

OMAPSALOME 78:56

Ndelenee vo ova yelekela Kalunga ou wOkombadambada, va twa ondubo naye, ndele itava diinine omahepaululo aye.

OMAPSALOME 78:58

Otave mu handukifa momiulu davo, omo va fiyawila, ndele tave mu shindifa oikalunga yavo.

EXODUS 34:17

“Ino liningila oikalunga ya telekwa monhelekelo.

JEREMIA 32:18

Ove oho file omayovi onghenda, nomanyonauno ootatekulu oto a shuna momakolo ovatekulu vavo, ve va shikula. Oove omunene nomunaenghono, Kalunga Omwene womatanga ovakwaita, olo edina loye,

JEREMIA 7:18

Ovana ohava tyava oikuni, ooxe ohava tema omundilo, ovakainhu ohava pilula ondobo, va yofele ohamba yomukainhu yomeulu omingome, ndele hava yambele oikalunga oikunwayambo, va handukife nge.

JEREMIA 7:26

Ndelenee inava uda nge nongaashi inava ameka omatwi avo kwaame, vo ova li ve noshityani ve dule ooxekulu yavo owii.

HESEKIEL 23:35

Onghee hano, Omwene Kalunga ta ti ngaha: “Ove eshi wa dimbwa nge, ndele wa ekelashi nge konima yoye, humbata hano oififahoni yoye nokuhaelwa kwoye.”

HESEKIEL 8:17

Ndele Ye okwa lombwela nge: “Kaana komunhu, u shi wete tuu? Eshi inashi wanena mbela eumbo laJuda eshi tali ningi oixuna i fike apa, ei ve i ninga apa, osheshi otava yadifa oshilongo oukolokoshi, ndele tava hapupalifa ehandu lange? Ndele tala, nhumbi hava kwatele oshitai shomuviinyu pomayulu avo!

HESEKIEL 8:3

Opo nee okwa yelula shimwe sha fa eke, ndele a kwata nge koluxwiki lokomutwe wange. NOmhepo ya yelula nge pokati keulu nedu, ndele ya twala nge memoniko laKalunga kuJerusalem, komhito yokoshivelo shomeni eshi sha taalela koumbangalanhu, apa pa li ongudi yoshikalunga tai xwameke ehandu lOmwene.

LEVITIKUS 19:4

Inamu ama koikalunga no inamu li ningila oitelekwakalunga. Aame Omwene, Kalunga keni.

1 OVAKORINTO 10:22

Ile otwa hala okuhandukifa Omwene? Ofye otu mu dule?

DEUTERONOMION 32:21

Vo ova pendula ouladi wange mwaashi shihe fi Kalunga. Vo va handukifa nge molwoikalunga yavo yongaho. Opo nee Ame ohandi ka pendula ouladi wavo molwoshiwana shihe fi oshiwana, noshiwana shihe neendunge, ohandi va handukifa.

DEUTERONOMION 9:24

Mwa li omhinge nOmwene okefiku tuu linya ame ndi mu shii.

OVATOKOLIPANGELI 5:8

Vo eshi va hoolola oikalunga ipe, oita ye uya peenhu davo. Mwa monika tuu oshikelelifo neonga mokati komayovi omilongo nhee muIsrael?