1 EEHAMBA 13:6 - Ombibeli Iyapuki

⁶ Opo nee ohamba ya hovela okulombwela omulumenhu waKalunga, tai ti: “Handukululifa Omwene, Kalunga koye, u indilile nge onghenda, opo ndi dule okwaalula okwooko kwange.” Nomulumenhu waKalunga okwa handukululifa Omwene, nohamba ya dula okwaalula okwooko kwayo ndele kwa li ngaashi shito.

1 EEHAMBA 13:6 ပူးပေါင်းရင်းမြစ်များ

1 EEHAMBA 13:5

Noaltari ya tenda pokati, nomute ou wa li koaltari wa tikila poshi padidiliko loshikumwifa, omulumenhu waKalunga e li udifa pandjovo yOmwene.

OMAPSALOME 119:58

Ohandi ku ilikana nomutima aushe; file nge onghenda paudaneko loye.

EXODUS 10:17

Dimeni po okunyona kwange oku natango, ndele indileni kOmwene Kalunga keni, a kufe po efyo eli.”

EXODUS 12:32

Kufeni yo oimuna yeni neengobe mu ye nado ngaashi mwa tile, indeni ndele ilikanenei nge yo, ndi nangekwe noupuna.”

EXODUS 8:28

Opo nee Farao okwa tya: “Ame ohandi mu lekele, mu ye, opo mu shiive okuningila Omwene Kalunga keni exwikilo mombuwa. Ndelenee inamu ya kokule. Ilikanenei nge.”

EXODUS 8:4

nomafuma otaa ka nhukila kombada yovanhu voye nokombada yovapiya voye aveshe.’ ”

EXODUS 8:8

Opo nee Farao okwa ifana Moses naAron ndele te va lombwele: “Indileni kOmwene, a kufe po omafuma pwaame nopovanhu vange. Opo nee ame handi lekele ovanhu va dje mo va ka ningile Omwene exwikilo.”

EXODUS 9:28

Ilikaneni Omwene, osheshi endundumo laKalunga neemhawe da ninga dihapu unene. Opo nee handi mu lekele, itamu pumbwa okukala po vali.”

JEREMIA 37:3

Ohamba Sedekia okwa tuma Jukal yaSelemja nomupristeli Sefania yaMaasea komuxunganeki Jeremia ndele ta ti: Tu ilikanena Omwene Kalunga ketu.

SAKARIA 7:2

Betel a tumine Shareser naRegem-Melek novanhu vaye okwiindila va mone onghenda koshipala shOmwene

NUMERI 12:13

Ndele Moses okwa ifana pombada Omwene, ndee ta ti: “Akutu, Kalunga! Mu velula!”

NUMERI 21:7

Novanhu ove uya kuMoses ndee tava ti: “Fye otwa nyona eshi twa popya nokupa Kalunga naave oushima. Tu indilila kOmwene, Ye a kufe po pufye omayoka.” Ndele Moses okwa ilikanena ovanhu.

MATEUS 5:44

Ndelenee Ame ohandi mu lombwele: Holeni ovatondi veni, ilikaneneni ovahepeki veni;

LUKAS 23:34

Ndele Jesus okwa tya: “Tate, va dimina po, osheshi kave shi shii eshi tava ningi.” Vo ova tukulilafana oikutu yaye ndele tave i nyanekele.

OILONGA YOVAYAPOSTOLI 7:60

Ndele ye okwa twa eengolo ndele ta ingida mokule unene: “Omwene, etimba eli ino li va valulila”. Ndele eshi e di tya, okwa kofa po nee.

OILONGA YOVAYAPOSTOLI 8:24

Opo nee Simon okwa nyamukula ta ti: “Ilikanenei nge kOmwene, oshinima eshi mwe shi popya shiha hange nge nande okanini.”

OVAROMA 12:14

Nangekeni noupuna ava tave mu taataa. Nangekeni noupuna, nye inamu finga.

OVAROMA 12:21

Ino findwa kowii, dula owii onouwa.

EHOLOLO 3:9

Tala, ohandi ku pe vamwe vomongudu yaSatana, ovo have liti, ovo Ovajuda, ndele havo, ohava fufya ashike. Tala, ohandi ke va ninga, ve ke uye kwoove, ndele tave linyongamene keemhadi doye, ndele tava ka shiiva, nokutya, ondi ku hole.

1 SAMUEL 12:19

Onghee hano ovanhu aveshe va lombwela Samuel: Indila kOmwene Kalunga koye molwovapiya voye tuha fye, shaashi komanyonauno aeshe etu twa weda ko vali owii ou eshi twe lihalela ohamba.

1 SAMUEL 12:23

Naame yo nashi kale nge kokule ndi nyone kOmwene ndi efe ngeno oku mu ilikanena. Ndelenee ame ohandi ke mu longa ouwa nondjila ya yuka.