1 EEHAMBA 13:2 - Ombibeli Iyapuki

² Ndele ye okwa popya pombada, ta lombwele oaltari pandjovo yOmwene ndele ta ti: “Oaltari, oaltari Omwene ta ti ngaha: ‘Tala, omumati ta ka dalelwa mepata laDavid, edina laye Josia, ye ota ka toma kombada yoye ovapristeli vokoikulundu yeealtari, ovo hava ambe omayambo kombada yoye, ndele kombada yoye omakipa ovanhu taa ka xwikwa po.’ ”

1 EEHAMBA 13:2 ပူးပေါင်းရင်းမြစ်များ

1 EEHAMBA 13:32

Osheshi ondjovo yOmwene tai ka wanifwa shili, oyo e i lombwela oaltari yomuBetel neetembeli adishe doikulundu i li moilando yomuSamaria.”

2 OMAFIMBO 34:1

Omido daJosia da li hetatu, ye eshi a ninga ohamba. Nokwa pangela omido omilongo nhatu naumwe muJerusalem.

2 OMAFIMBO 34:3

Ndele momudo omutihetatu wepangelo laye, fimbo ye omunyasha natango, okwa hovela okukonga Kalunga kaxe David, ndele momudo omutimulongo nomutivali okwa hovela okuyapula Juda naJerusalem nokukufa mo oikulundu yokuyambela nomiti omalupwelele aAsera noihongwafano noitelekwafano.

JESAJA 1:2

Akutu omaulu, udeni, nedu ove, tula momatwi oye, osheshi Omwene ota popi: “Ame onda tekula ounona nonde va kulifa, ndele vo ova twa ondubo naame.

JESAJA 42:9

Tala, ei ikulu oya wanifwa, ndele ei ipe ohandi i holola; fimbo inai twiyuka, ohandi i mu shiivifile.”

JESAJA 46:10

Ame ou nda holola kehovelo inya tai ke uya, oikulu ei yonale fimbo inai ningwa; Ame ou handi ti: Omhangela yange otai ka kala po, nakeshe eshi nda hala ohandi shi wanifa.

JESAJA 58:1

Ingida mokule momunino, ino lifitika, ondaka yoye nai kuwaane ngaashi enghuma. Novanhu vange va shiivifila etauluko lavo, neumbo laJakob omatimba avo.

JEREMIA 1:2

ou a hangika kondjovo yOmwene momafiku aJosia yaAmon, ohamba yaJuda momudo omutimulongo nomutitatu wepangelo laye,

JEREMIA 22:29

Akutu, oshilongo, oshilongo, oshilongo! Uda ondjovo yOmwene!

HESEKIEL 36:1

Ndele oove, kaana komunhu, xunganekela eemhunda daIsrael u tye: “Eemhunda daIsrael, udeni ondjovo yOmwene.

HESEKIEL 36:4

onghee hano, eemhunda nye daIsrael, udeni ondjovo yOmwene Kalunga. Omwene Kalunga ta ti ngaha keemhunda nokoikulundudu, komakololo nokomalufilu, komakulukuma nokoilando ya efiwa ya ninga oihakanwa noya ninga esheko koixupe yoiwana tai va dingilile.

HESEKIEL 38:4

Ndele Ame ohandi ke ku heka u dje mo nohandi tula ongona meehamama doye nohandi ku fikamifa pamwe nomatanga oye aeshe neenghambe novalondi vado, aveshe va dililwa nawa, eemhunda dinene pamwe noikelelifo inene noikelelifo inini, vo aveshe ve nomaongamukonda.

LUKAS 19:40

Ndele Ye okwe va nyamukula ta ti: “Ohandi mu lombwele: Ava ngeenge tava mwena, omamanya otaa ingida.”

DEUTERONOMION 32:1

“Pwilikineni, omaulu, ame eshi handi popi, nedu nali ude eendjovo domokanya kange.