1 EEHAMBA 11:1 - Ombibeli Iyapuki

¹ Nohamba Salomo ya li i hole ovakainhu vahapu ovanailongo ponho yomona okakadona kaFarao, ovakainhu Ovamoab, Ovaammoni, Ovaedom, Ovasidoni nOvaheti,

1 EEHAMBA 11:1 ပူးပေါင်းရင်းမြစ်များ

1 EEHAMBA 11:8

Osho ngaha a ninga nokuwapalela ovalikadi vaye aveshe ovanailongo, ava va twiminina ndele va yambela oikalunga yavo.

1 EEHAMBA 14:21

Ndele Rehabeam yaSalomo okwa li ohamba muJuda. Omido daRehabeam da li di fike po omilongo nhee naumwe ye eshi a ninga ohamba, nokwa pangela omido omulongo naheyali muJerusalem, moshilando sha hoololwa kOmwene momapata aeshe aIsrael, opo edina laye li kale la kalelela mo. Nedina laina la li Naama, Omuammoni.

1 EEHAMBA 14:31

Opo nee Rehabeam a ya a ka nangala pooxe nokwa pakwa ponho yooxe moshilando shaDavid. Edina laina oNaama, Omuammoni. Nomona waye Abia, okwa ninga ohamba ponhele yaye.

1 EEHAMBA 16:31

Ndele sha li inashi mu wanena osho eshi a enda nondjila yaJerobeam yaNebat, ndelenee okwa hombola Isabel, omona waEtbaal, ohamba yaSidon nokwa fimaneka Baal nokwe shi linyongamena,

1 EEHAMBA 3:1

Ndele Salomo okwa ninga oshitenya shaFarao, ohamba yaEgipiti. Ye okwa hombola omona okakadona kaFarao nokwe ka twala mo moshilando shaDavid fiyo a mana okutunga ongulu yaye mwene notembeli yOmwene nohotekuma ya dingilila Jerusalem.

ESRA 10:44

Vo aveshe va hombola ovakainhu ovanailongo, ndele ovakainhu vamwe vomuvo va dala ounona.

ESRA 9:1

Eshi va mana ashishe osho, ovakulunhu ve uya kwaame ndele tava ti: “Ovanhu Ovaisraeli novapristeli nOvalevi inave litukula noiwana yomoilongo nomoilonga yavo ii, mOvakaanan, mOvaheti, mOvaperesi, mOvajebusi, mOvaammoni, mOvamoab, mOvaegipiti nomOvaamori.

ESRA 9:2

Osheshi va kufa mo movana vavo oukadona, va ninga ovalikadi vavo novovana vavo ovamati, onghee hano oludi liyapuki la lumbakanifwa kumwe novanhu vomoilongo. Novakulunhu novakomesho va tetekela meliteeko olo.”

EXODUS 34:16

novana voye oukadona novamati tava ka kala nokuhombolofana novana vavo oukadona tava ka longela oikalunga yavo moluhaelo novana voye ovamati tave va hongaula okulongela oikalunga yavo moluhaelo.

OMAYELETUMBULO 2:16

opo a xupifwe momukainhu wovanhu, omuholi woipala, ou te likwatele neendjovo daye,

OMAYELETUMBULO 22:14

Okanya komukainhu wovanhu oko elambo lile. Ou ta hangika kehandu lOmwene, ota wile mo mulo.

OMAYELETUMBULO 23:33

Omesho oye otaa ka mona oinima yoikumwifa, nomutima woye tau ka popya oinima inai yuka,

OMAYELETUMBULO 31:3

Eenghono doye ino di yandja kovakainhu, kwaava hava nyono po eehamba.

OMAYELETUMBULO 6:24

opo yo i ku amene komukainhu mwii, nokelaka lomufenhu lomukainhu wovanhu.

OMAYELETUMBULO 7:5

Opo do di ku amene komukainhu wovanhu, komuhaelwa, ou ta popi neendjovo delihalifo.

LEVITIKUS 18:18

Ino hombola nokudula mo eteta lomumwaina omukainhu womwalikadi woye fimbo ye e nomwenyo, osheshi taku eta oudjuu.

DEUTERONOMION 17:17

Nosho yo ihe likongele ovalikadi vahapu, omwenyo waye uhe liteeke po. Yo ihe liongelele oshisiliveli noshingoldo shihapu unene.