1 EEHAMBA 1:6 - Ombibeli Iyapuki

⁶ Mokukala kwaye akushe xe ine mu nyikifa oluhodi nande efiku limwe, e mu lombwele ngeno: “Shonhumba noshongadi we shi ningila shike?” Ye okwa li yo omulumenhu e nolupe liwa. Ye okwa shikula Absalom mokudalwa.

1 EEHAMBA 1:6 ပူးပေါင်းရင်းမြစ်များ

2 SAMUEL 14:25

Ndele muIsrael ashishe inamu kala omulumenhu nande umwe e nondjelo iwa nomutangwa ngaashi Absalom. Okudja koshififinwa fiyo opokati komutwe waye kamu nombudi yasha.

1 EEHAMBA 2:22

Opo nee ohamba Salomo tai nyamukula ndele tai ti kuina: “Ndelenee omolwashike to indilile Adonia Abisag Omushunemi? Mu indilila yo ouhamba, osheshi ye omumwatate omukulu wange, heeno, mu indilila ye mwene, nomupristeli Abjatar naJoab yaSeruja!”

1 OMAFIMBO 3:2

omutitatu oAbsalom, omona omumati waMaaka, omona waTalmai, ohamba yaGesur. Omutine oAdonia yaHaggit;

OMAYELETUMBULO 22:15

Oulai owa kanyatela momutima wokaana, ndelenee outekushiti tau u taataa mo.

OMAYELETUMBULO 29:15

Oshimwati nehanyeno tali yandje komunhu eendunge. Ndelenee omumati ehe noutekuduliko ta fifa ohoni ina.

1 SAMUEL 10:23

Opo va ya ko ndele ve mu eta ko. Ndele ye eshi a kala ofika mokati kovanhu, oule waye okudja komapepe aye, wa li u dule ovanhu aveshe.

1 SAMUEL 3:13

Ndele Ame ohandi ke mu hololela nokutya Ame ohandi tokola epata laye fiyo alushe omolwoulunde ou e u shii, osheshi ovana vaye ovamati ve lietela oshififohoni, ndelenee ye ine va handukila shili.

1 SAMUEL 9:2

Ndele ye okwa li e nomona omumati, edina laye Saul, omulumenhu omunyasha, muwa kolutu, heeno, mokati kovana vaIsrael inamu monika nande umwe e mu dule mouwa. Oule waye okudja komapepe aye, wa li u dule ovanhu aveshe.