1 EEHAMBA 1:34 - Ombibeli Iyapuki

³⁴ Nomupristeli Sadok nomuxunganeki Natan nave mu vaeke a ninge ohamba yaIsrael. Ndele nye mu nokushika enghuma nokutya: ‘Ohamba Salomo nai kale nomwenyo!’

1 EEHAMBA 1:34 ပူးပေါင်းရင်းမြစ်များ

2 SAMUEL 15:10

Absalom okwa tuma vali ovahongauli komapata aeshe aIsrael va tye: “Nye ngeenge tamu udu enghuma loluvinga lodi yomhedi, tyeni: ‘Absalom a ninga ohamba muHebron!’ ”

2 SAMUEL 2:4

Opo nee ovalumenhu Ovajuda ve uya ndele va vaeka David a ninge ohamba yepata laJuda. Eshi va shiivifila David nokutya, ovalumenhu ovaJabes muGilead va paka Saul,

2 SAMUEL 5:3

Osho ngaha hano ovakulunhu aveshe vaIsrael ve uya kohamba muHebron. Nohamba David ya ninga ehangano navo muHebron koshipala shOmwene. Ndele va vaeka David a ninga ehangano navo muHebron koshipala shOmwene. Ndele va vaeka David a ninga ohamba yOvaisraeli.

1 EEHAMBA 1:25

Osheshi ye a ya nena a ka tome eengobe neemhunya da ondoka needi dihapu, nokwa ifana ko ovana aveshe ovamati vohamba novakulunhu vovakwaita nomupristeli Abjatar, ndele tala, otava li notava nu moipafi yaye, ndele tava ti: ‘Ohamba Adonia na kale nomwenyo!’

1 EEHAMBA 1:35

“Opo nee mu shikuleni eshi te uya tamu uya mo, ye e uye mo ndele ta kala omutumba kolukalwapangelo lange. Osheshi ye e nokukala ohamba ponhele yange, ndele ame nde mu tula po, a ninge ohamba yOvaisraeli noyOvajuda.”

1 EEHAMBA 1:39

Nomupristeli Sadok okwa kufa oshanga yomaadi metwali ndele ta vaeke Salomo, ndele va shika enghuma novanhu aveshe va tya: “Ohamba Salomo nai kale nomwenyo!”

1 EEHAMBA 19:16

Ndele Jehu yaNimsi, u noku mu vaeka ohamba yOvaisraeli. Ndele Elisa yaSafat wokuAbel-Mehola, u noku mu vaeka omuxunganeki ponhele yoye.

2 EEHAMBA 11:12

Opo nee Jehoiada okwa eta Joas pondje, nde te mu dike oshishani nokwe mu pa embo lomhango youhamba. Ndele ve mu vaeka, nove mu ninga ohamba. Ndele ovanhu ova pandula nomake avo ndele tava ti: “Ohamba nai kale nomwenyo!”

2 EEHAMBA 11:14

Ye eshi a mona ohamba tai kala ofika pongudi panghedi yoshilongo, pamwe novakulunhu novashiki vomanghuma pohamba, fimbo ovanhu aveshe vomoshilongo va hafa ndele va shika ouxumba, Atalia okwa pombaula oikutu yaye ndele ta ti: “Ekengelelo! Ekengelelo!”

2 EEHAMBA 9:13

Opo nee va kufa diva, keshe umwe, oshikutu shaye ndele ve i yala peemhadi daye meendodo. Ndele va shika enghuma ndele tava ti: “Jehu oye ohamba!”

2 EEHAMBA 9:3

Kufa hano oshanga yomaadi u a tile komutwe waye ndele to ti: ‘Omwene osho ta ti: Ame ohandi ku vaeke, u ninge ohamba yaIsrael.’ Opo nee to yeulula oshivelo ndele to faduka po, ino ongaonga.”

2 EEHAMBA 9:6

Nokwa fikama ndele ta i meumbo. Opo nee winya ta tile omaadi komutwe waye ndele ta ti kuye: “Omwene Kalunga kaIsrael osho ta ti: ‘Ame ohandi ku vaeke u ninge ohamba yovanhu vOmwene Ovaisraeli.

2 OMAFIMBO 23:11

Opo nee Jehoiada okwa eta Joas pondje, nde te mu dike oshishani nokwe mu pa embo lomhango youhamba. Ndele ve mu ninga ohamba. Ndele Jehoiada novana vaye ovalumenhu ve i vaeka ndele tava ti: “Ohamba nai kale nomwenyo!”

OMAPSALOME 45:7

Ove u hole ouyuki ndele to tondo oumbudi; onghee hano Kalunga, Kalunga koye, e ku vaeka nomaadi ehafo u dule oovakweni.

OMAPSALOME 89:20

Onda mona David, omupiya wange, nde mu vaeka nomaadi ange mayapuki,

OMAPSALOME 89:36

Oludalo laye nali kale po alushe, nolukalwapangelo laye li faafane netango koshipala shange;

JESAJA 45:1

Omwene ota lombwele omuvaekwa waye Kores, ou nde mu kwata kolulyo laye, ndi hanaune po oiwana moipafi yaye, nondi kufe eehamba omakwamo moiya yado; oivelo opo i yeuluke moipafi yaye, ndele yo itai ka idilwa po:

OILONGA YOVAYAPOSTOLI 10:38

Mu shi shii, Jesus Omunasareti, Kalunga nhumbi e mu vaekifa Omhepo Iyapuki neenghono, Ye ta endaenda, ta longo ouwa ndele a velula aveshe venya va li mepangelo laSatana, osheshi Kalunga okwa li pamwe naye.

1 SAMUEL 10:1

Ndele Samuel okwa kufa oshanga yomaadi nokwe a tila komutwe waye nokwe mu fipa komilungu ndele ta ti: “Omwene e ku vaeka u ninge ohamba yovanhu vaye Ovaisraeli.

1 SAMUEL 10:24

Ndele Samuel ta lombwele ovanhu aveshe ta ti: “Taleni ou a hoololwa kOmwene! Osheshi movanhu aveshe muhe na nande umwe e fike puye.” Opo nee ovanhu aveshe va hafa ndele tava ti: “Ohamba nai kale nomwenyo!”

1 SAMUEL 16:3

Ifana Isai e uye koshitelekela sheyambo, ndele Ame ohandi ke ku shiivifila osho u noku shi ninga, ndele u nokuvaekela nge umwe, ou handi ke ku ulikila.”