तीतुस 3:6 - ओङ राजपूत

⁶ हा पवित्र आत्मा जानु नरीकारा ने अम्चे मुक्‍तिदाता ईशु मसीह चे जरिये अम्चे उपर भरपूर रेड़ला।

तीतुस 3:6 ပူးပေါင်းရင်းမြစ်များ

यूहन्‍ना 1:16

कांकि ओची दया ची भरपूरी महु अम्ही किरपा हांसिल करली यानिकि अनुग्रह उपर अनुग्रह।

यूहन्‍ना 16:7

तां वी मैं तम्हानु सच्‍च किहे कि, माये जाणे तम्चे वास्ते आच्छे छै। कांकि अगर मैं ना जई तां, ओह सहायक तम्चे गोढु कोनी आवे। पर अगर मैं जई तां, ओनु तम्चे गोढु भेज़ी।

यूहन्‍ना 4:10

ईशु ने विनु केहले, “अगर तु नरीकारा चे वरदाना नु जाणीया तां ईं वी जाणीया कि ऊं कूण छै जको तनु किहे ‘मनु पाणी पीला,’ तां तु ओकनु मांगीहा ते ओ तनु जीवन चे पाणी ङिया।”

यूहन्‍ना 7:37

तेंहवारा चे आखरी ङिओ जको खास ङिओ छै, ईशु भिला रेहती ते ऊंची अवाजी मां केहले, “अगर कुई तरसेले छै तां माये कनु आती कर पीयो।

प्रेरितां चे काम 10:45

ते जितने यहूदी विश्‍वासी पतरस चे लारे आलते, वे सारे हैरान हुले कि नेरीया जातिया उपर वी पवित्र आत्मा उतरला।

प्रेरितां चे काम 2:33

यूं करती नरीकारा चे सज़्ज़े हाथा कनु ऊंची पद्दवी गेहती कर, ते ब़ा कनु वा पवित्र आत्मा गेहती कर जाया वायदा करला गेलता, ओणे हा उण्डेलती ङिला जको तम्ही ङेखा ते सुणा वी।

रोमियां 2:4

का तु बङी भलाई ते सहनशीलता, ते धीरजरुपी धन्‍न नु तोच्छ समझी? ते का ईं ना समझी कि नरीकारा ची भलाई तनु मन फिरावणे ची ओर गेहती जाये?

रोमियां 5:5

ते आस अम्हानु निराश ना हुं ङी, कांकि पवित्र आत्मा जको अम्हानु ङिला गेला ओचे जरिये नरीकारा चा प्रेम अम्चे मना मां नाखला गेला।

रोमियां 8:2

कांकि जीवन ची आत्मा ची व्यवस्था ने मसीह ईशु मां मनु पाप ची ते मौत ची व्यवस्था कनु आजाद करती ङिले।

इफिसियां 3:8

मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे।

इफिसियां 4:2

यानिकि सारी दीनता ते नरमाई समेत, ते सब्र करती कर प्रेम मां हेके ङुजे ची सेहती गिहा।

1 तीमुथियुस 6:17

ऐ संसारा चे धनवाना नु हा आज्ञा ङे, कि वे अंहकारी ना हो ते चंचल धन उपर आस ना राखो, पर नरीकारा उपर आस राखो जको अम्चे सुखा चे वास्ते सारे कोच्छ ब़ोहत ज्यादा ङिये।

तीतुस 1:4

तीतुस चे नांवे, जको विश्‍वास ची भईवाली चे विचारा लारे माया सच्‍चा पूत छै। नरीकार ब़ा ते अम्चे उद्धारकर्ता मसीह ईशु ची ओर कनु तनु अनुग्रह ते शान्ति मिलती रिहो।