तीतुस 3:2 - ओङ राजपूत

² कानु वी बदनाम ना करो, झग़ड़ालु ना हो, पर नर्म सुभाव चे हो, ते सारे इन्साना लारे बङी नरमाई लारे रिहो।

तीतुस 3:2 ပူးပေါင်းရင်းမြစ်များ

मत्ती 11:29

माये जूले नु आपणे उपर चती गिहा ते माये कनु सिखा, कांकि मैं नर्म ते मना मां दीन छै, ते तम्ही आपणे मना मां आराम गिहा।

प्रेरितां चे काम 23:5

पौलुस ने केहले, “हे भऊ, मनु तां पता कोनी हुता कि हा महायाजक छै पवित्रशास्त्र मां लिखले पले कि, ‘आपणे बन्दा चे प्रधान नु बुरे ना केह।’ ”

1 कुरिन्थियां 6:10

ना चोर, ना लोभी, ना शराबी, ना चुग़लखौर, ना ठग़्ग़ी करने आले नरीकारा चे राज़ चे वारिस नी हुवे।

1 कुरिन्थियां 9:19

कांकि मैं काये अधीन कोनी फेर वी मैं खौद्द नु सारा चा दास बणाती गेले कि मैं ज्यादा कनु ज्यादा लौका नु मसीह वास्ते जीत सग़े।

2 कुरिन्थियां 10:1

मैं पौलुस तम्हानु मसीह ची नरमाई, ते दयालुता चे वजह निवेदन करे पला। पर कोच्छ लौक किहे कि, मैं तम्चे सामणे नरमाई लारे बर्ताव करे, पर तम्चे कनु दूर हुवणे पर सख्ताई लारे बर्ताव करे।

2 कुरिन्थियां 12:20

कांकि मनु ङर छै कि, कङी इसड़े ना हो कि, मैं आती कर जिसड़े चाहवे, उसड़े तम्ही ना लाभा, ते मनु वी जिसड़े तम्ही ना चाहवा उसड़े ही ङेखा कि, तम्चे मां झग़ड़ा, डाह, गुस्सा, विरोध, ईर्ष्या, चुग़ली, अंहकार ते व्यवस्था ठीक ना हो।

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

गलातियां 6:1

हे माये भऊ, तम्चे कुई बन्दे अगर कुई पापा मां पकड़ीती वी जाये तां, तम्ही जको आत्मिक छिवा ओनु नरमाई लारे सम्भाला ते जाये कनु बल्ति ओ विश्‍वास मां आती जाओ, ते आपणी वी चौकसी राखा ताकि तम्ही परीक्षा मां ना पड़ा।

गलातियां 6:10

ऐवास्ते जिठे तक मौका मिले अम्ही सारा लारे भलाई करु इठे तक कि खास करती आपणे विश्‍वास करने आला भावां लारे।

इफिसियां 4:2

यानिकि सारी दीनता ते नरमाई समेत, ते सब्र करती कर प्रेम मां हेके ङुजे ची सेहती गिहा।

इफिसियां 4:31

सब तरह ची कड़वाहट, ते प्रकोप ते क्रोध, ते क्लेश, ते निन्दा, सब बैरभाव समेत तम्चे कनु दूर करले जाओ।

फिलिप्पियां 4:5

तम्ची नरमाई लारे भरीली आली आत्मा चा ज्ञान सारा बन्दा उपर हो प्रभु चे आणे गोढु छै।

1 तीमुथियुस 3:11

यूंही असतरीया नु वी इज्जतदार हुवणे चाही छै, दोष जा चुग़ली करने आली ना हो, पर होशियार ते सारीया बाता मां इमानदार हुवणी चाही छै।

1 तीमुथियुस 3:3

पीणे आला ते मारपीट करने आला ना हो, बल्कि ओ तां दयालु ते शान्ति लारे रेहणे आला नर्म हो, ते ना लालची हो।

याकूब 3:17

पर जको ज्ञान उपरु आवे पेहले तां ओ पवित्र रिहे बल्ति मेल-मिलाप, मुलायम ते मन-भावना ते दया, ते आच्छे फला लारे लङला आला ते बिना पक्षपात ते बिना कप्पट लारे हुवे।

याकूब 4:11

हे माये भऊ, हेके ङुजे ची बदनामी ना करा। जको आपणे भावां ची बदनामी करे, जा ते बल्ति आपणे भावां उपर दोष लावे, ऊं व्यवस्था ची बदनामी करे। ते ऊं व्यवस्था उपर दोष लावे, ते तम्ही व्यवस्था उपर टुरणे आले कोनी, पर न्यां करने आले बणती जावा।

1 पतरस 2:1

ऐवास्ते हर-तरहा चा बैरभाव ते छल ते कप्पट ते डाह ते बदनामी नु दूर करती कर,

1 पतरस 3:10

कांकि शास्त्र मां लिखले पले, “जको कुई जीवन ची इच्छा राखे, ते आच्छी ङिहें ङेखणे चाहवे, ऊं आपणी जुबानी नु गन्दिया बाता करने कनु रोकली रिहो। ते आपणे होठा नु छल चा बाता कनु रोकली रिहो।

1 पतरस 3:8

ऐचा मतलब हा छै कि तम्ही सारे चे सारे हेक मन हुती कर, दयालु, ते भाईचारे ची प्रीति राखणे आले, ते दयावन्त ते नर्म बणा।

1 पतरस 4:4

ऐचे कनु वे हैरान हुवी कि तम्ही इसड़े भारी लोचपण मां वांचा साथ ना ङिया, ते ऐवास्ते वे बुरे-भले किही।

2 पतरस 2:10

नरीकार खास करती वानु ङण्ड ङिये जको अशुद्ध अभिलाषा चे भांसु शरीर चे अनुसार चली ते प्रभु ची सामर्थ नु तोच्छ जाणी। वे ढीठ छी, ते हठी छी, ते ऊंचे ओहदे आला नु बुरे-भले केहणे कनु ना ङरी।

यहूदा 1:10

पर ईं लौक जिसीया बाता नु ना जाणी, वानु बुरे-भले किही। पर जिसीया बाता नु बेसमझ ढौरा आलीकर सुभाव कनु ही जाणी वांचे मां आपणे आप नु नाश करी।

यहूदा 1:8

ठीक यूंही कोच्छ लौक तम्चे मां घिरती आले ते वे गन्दे खाब पुरे करने वास्ते आपणे शरीरा नु अशुद्ध करी, ते प्रभु ची सामर्थ नु तोच्छ जाणी, ते ऊंचे ओहदे आला नु बुरे-भले किही।