तीतुस 2:3 - ओङ राजपूत

³ यूं करती ब़ुढ़ीया असतरीया चा चाल-चलन पवित्र लौका आलीकर हो, वे दोष लावणे आलीया ते पियक्‍कड़ ना हो, पर आच्छीया बाता सिखावणे आलीया हो।

तीतुस 2:3 ပူးပေါင်းရင်းမြစ်များ

रोमियां 1:29

वे हर-तरहा चे अधर्म, ते दुष्टता, ते लोभ, ते बुराई, ते हत्या, ते झग़ड़े, ते छल, ते ईर्ष्या लारे भरीती गेले, ते चुग़लखौर,

रोमियां 16:2

तम्हानु जिसड़े कि नरीकारा चे लौका नु करने चाही छै, यूंही विनु प्रभु मां ग्रहण करा, ते जिसी कुई बाते मां विनु तम्चे कनु सहायता ची जरुरत हो, विची सहायता करा, कांकि खौद्द विणे कईयां ची सेवा करली ते माई वी सहायक हुली।

इफिसियां 5:3

जिंवे नरीकारा चे पवित्र लौका चे योग्य छै, यूंही तम्चे मां व्यभिचार ते किसी तरह चे अशुद्ध काम जा लोभ ची चर्चा तक ना हो।

1 तीमुथियुस 3:11

यूंही असतरीया नु वी इज्जतदार हुवणे चाही छै, दोष जा चुग़ली करने आली ना हो, पर होशियार ते सारीया बाता मां इमानदार हुवणी चाही छै।

1 तीमुथियुस 3:8

यूंही सेवका नु वी आच्छे विचारा चे हुवणे चाही छै, जाई बाता उपर भरोसा करला जाओ, ङोन रंगी ना हो, पीणे आला ना हो, ते नीच कमाई चा लोभी ना हो।

1 तीमुथियुस 5:23

भविष्य मां सेर्फ पाणी पीणे आला ही ना बण, पर आपणे ढिड्डा चे ते आपणे बार-बार बिमार हुवणे चे वजह थोड़ा थोड़ा दाखरस वी कामा मां गेहले कर।

तीतुस 1:7

कांकि मुखिया नु नरीकारा चा भण्डारी हुवणे चे वजह निर्दोष हुवणे चाही छै, ना हठी, ना क्रोधी, ना पियक्‍कड़, ना मार कुटाई करने आला, ते ना नीच कमाई चा लोभी।

तीतुस 2:4

ताकि वे जवान असतरीया नु सिखातीया रिहो, कि आपणे मुणसा ते ब़ाला लारे प्रेम राखो।

इब्रानियां 5:12

समय चे अनुसार तां तम्हानु गुरु हुती जाणे चाही हुते, तां वी ईं जरुरी छै कि कुई तम्हानु दुबारा नरीकारा चे वचना ची शुरु ची शिक्षा बल्ति कनु सिखाओ। तम्ही तां इसड़े हुती गेले कि तम्हानु अन्‍न चे बदले हमा तक ङूध ही चाही छै।

प्रकाशितवाक्य 2:20

पर मनु दुधे विरोध ईं केहणे कि तु वे असतरी इजेबेल नु रिहुं ङी, जको आपणे आप नु भविष्यवक्‍तनी किहे, ते माये दासा नु व्यभिचार करने ते मूर्तिया चे आग़ु चढ़ालीया गेलीया चीजा खाणे सिखाती कर भरमाती ङिये।