तीतुस 1:7 - ओङ राजपूत

⁷ कांकि मुखिया नु नरीकारा चा भण्डारी हुवणे चे वजह निर्दोष हुवणे चाही छै, ना हठी, ना क्रोधी, ना पियक्‍कड़, ना मार कुटाई करने आला, ते ना नीच कमाई चा लोभी।

तीतुस 1:7 ပူးပေါင်းရင်းမြစ်များ

मत्ती 24:45

“तां ओ भरोसेमन्द ते ब़ुध्दिमान दास कूण छै जाया मालिक ओनु आपणे नौकरा चाकरा उपर सरदार बणाओ कि समय उपर वानु खाणे ङियो?

लूका 12:42

प्रभु ने केहले, “ओ भरोसेमन्द ते ब़ुध्दिमान भण्डारी कूण छै, जाया मालिक ओनु नौकरा चाकरा उपर सरदार बणाओ कि समय उपर वानु खाणे चा समान ङियो?

इफिसियां 5:18

दारु पीती कर मतवाले ना बणा, कांकि ऐचे लारे लोचपण हुवे, ऐकनु दूर रिहा, ते पवित्र आत्मा लारे भरीते जावा,

फिलिप्पियां 1:1

मसीह ईशु चा दास पौलुस ते तीमुथियुस ची तरफु, सब पवित्र लौका चे नांवे जको मसीह ईशु मां हुती कर फिलिप्पी मां रिही, मुखिया ते सेवका समेत।

तीतुस 1:5

मैं ऐवास्ते तनु क्रेते मां छोड़ली आलता, कि तु बाकि रेहले आले कामा नु सुधार, ते माई आज्ञा चे अनुसार शहरा शहरा मां अग़ुवा नु नियुक्‍त कर।

तीतुस 2:3

यूं करती ब़ुढ़ीया असतरीया चा चाल-चलन पवित्र लौका आलीकर हो, वे दोष लावणे आलीया ते पियक्‍कड़ ना हो, पर आच्छीया बाता सिखावणे आलीया हो।

1 पतरस 4:10

जानु जको वरदान मिड़ला आला छै, ऊं वानु नरीकारा चे हर-तरहा चे अनुग्रह चे भले भण्डारी आलीकर हेके ङुजे ची सेवा मां लाओ।

1 पतरस 5:2

कि नरीकारा चे लौका ची रखवाली करा जको तम्चे आधे मां छी, ते ईं दब़ाव लारे ना ते नरीकारा ची इच्छा चे अनुसार, खुशी लारे, ते नीच कमाई वास्ते ना, पर मन लाती कर।

2 पतरस 2:10

नरीकार खास करती वानु ङण्ड ङिये जको अशुद्ध अभिलाषा चे भांसु शरीर चे अनुसार चली ते प्रभु ची सामर्थ नु तोच्छ जाणी। वे ढीठ छी, ते हठी छी, ते ऊंचे ओहदे आला नु बुरे-भले केहणे कनु ना ङरी।