रोमियां 9:3 - ओङ राजपूत

³ कांकि माई हा मनसा हुती कि, आपणे यहूदी भावां वास्ते ते आपणे देशा चे लौका वास्ते आप श्रापित हुती मसीह कनु अंज हुती जईया।

रोमियां 9:3 ပူးပေါင်းရင်းမြစ်များ

प्रेरितां चे काम 13:26

“हे माये भऊ, तम्ही जको अब्राहम ची ऊलाद्ध छिवा ते जको नरीकारा कनु ङरा, तम्चे गोढु हाओ उद्धार चा वचन भेज़ला गेला।

प्रेरितां चे काम 22:5

“ये बाते चे वास्ते महायाजक ते सारे बङके ग़वाह छी, कि वांचे कनु, मैं भावां चे नांवा उपर चिठ्ठीया गेहती कर दमिश्क नु जाये पलता, कि जको ओठे हो वानु वी ङण्ड ङिवाणे चे वास्ते ब़ांथी कर यरुशलेम गेहती आवे।

प्रेरितां चे काम 28:21

वाणे पौलुस नु केहले कि, “ना ते अम्हानु दुधे बारे मां कुई चिठ्ठी मिड़ली, ते ना ही यहूदी प्रधाना महु इठे आती कर दुधे बारे मां कोच्छ बावड़ले, ते ना ही दुधी कुई बुराई करली।

रोमियां 1:3

आपणे पूता अम्चे प्रभु ईशु मसीह चे बारे मां प्रतिज्ञा करली हुती, ओ शरीरा चे तौरा पे तां दाऊद चे वंश महु पैदा हुला,

रोमियां 11:1

ऐवास्ते मैं किहे कि, “का नरीकारा ने आपणी प्रजा नु छोड़ती ङिले?” कङी वी कोनी! मैं वी तां इस्राएली छै, अब्राहम चे वंश ते बिन्यामीन चे गोत्र महु छै।

रोमियां 11:14

ताकि कुई तरह लारे मैं आपणे कुणम्बे मां रीस पैदा करवाती कर वांचे महु कई जणा चा उद्धार करवावे।

रोमियां 16:11

माये कुणम्बे चे हेरोदियोन नु नमस्कार। नरकिस्सुस चे घराणे चे लौक जको प्रभु मां छी, वानु नमस्कार।

रोमियां 16:21

माये भईवाल तीमुथियुस चा, ते माये यहूदी कुणम्बे चे लूकियुस ते यासोन ते सोसिपत्रुस चा तम्हानु नमस्कार।

रोमियां 16:7

अन्द्रनीकुस ते यूनियास नु जको माये कुणम्बे चे छी, ते माये लारे कैद हुले हुते, ते प्रेरितां मां मनले आले छी, ते माये कनु पेहले मसीही हुले हुते, नमस्कार।

रोमियां 9:2

कि मनु बङी उदासी छै, ते माये मन हमेशा ङुखते रिहे।

1 कुरिन्थियां 12:3

ऐवास्ते मैं तम्हानु चिताती ङिये कि जको कुई नरीकारा ची आत्मा ची अगुवाई लारे ब़ोले ऊं ना किही कि, “ईशु श्रापित छै,” ते ना कुई पवित्र आत्मा चे बिना केह सग़े कि, “ईशु प्रभु छै।”

1 कुरिन्थियां 16:22

अगर कुई प्रभु लारे प्रेम ना राखो तां ऊं श्रापित हो। अम्चा प्रभु आणे आला छै।

2 कुरिन्थियां 12:15

मैं तम्चे वास्ते घणी खुशी लारे खर्च करी बल्कि आपणे आप नु वी ङिती ङी। का जितना बधती कर मैं तम्चे लारे प्रेम राखे, ओचे कनु घटातीकर तम्ही माये लारे प्रेम राखा?

गलातियां 1:8

अगर अम्चे महु जा स्वर्ग़ा महु कुई दूत उतरती, ते ऐ सुसमाचार कनु अलावा जको अम्ही तम्हानु सुणाला, कुई नेरा सुसमाचार तम्हानु सुणावे, तां श्रापित हो।

गलातियां 1:9

जको मैं पेहले केहती ङिले यूंही मैं हमा बल्ति किहे पला, ओ सुसमाचार नु छोड़ती जानु तम्ही ग्रहण करला, अगर कुई नेरा सुसमाचार सुणावे तां श्रापित हो।

गलातियां 3:10

ऐवास्ते जितने लौक व्यवस्था चे कामा उपर भरोसा राखी वे श्राप चे गुलाम छी कांकि लिखले आले छै कि “जको कुई व्यवस्था चीया सारीया बाता पुरीया करने मां मजबूत ना रिही ऊं श्रापित छै। ”

गलातियां 3:13

मसीह अम्चे वास्ते श्रापित बणला, अम्हानु मोल गेहती व्यवस्था चे श्राप कनु छुड़ाले, कांकि लिखले पले, “जको कुई काठ चे उपर लटकाले जाये ओ श्रापित छै।”

इफिसियां 6:5

हे सेवक, तम्चे जको मालिक छी, आपणे सच्‍चे मना लारे कद्दर ते आज्ञा मनते हुले, जिंवे मसीह ची आज्ञा मना यूंही वांची आज्ञा वी मना।