रोमियां 9:23 - ओङ राजपूत

²³ जाये कनु जको दया चे ठां छै जानु ओणे आपणी महिमा वास्ते पेहले कनु तियार करले हुते, वांचे उपर आपणी महिमा चे धन्‍न नु प्रकट करो?

रोमियां 9:23 ပူးပေါင်းရင်းမြစ်များ

लूका 1:17

ओ एलिय्याह ची शक्‍ति ते आत्मा मां हुती कर प्रभु चे आग़ु-आग़ु टुरी। ओ ब़ा चे दिला नु ऊलाद्धी सनु मोड़ती ङिही ते ओ आज्ञा ना मनणे अाला नु इसड़े सोच विचारा मां प्रेरित करी। वानु समझावी ते वे धर्मीया जिसड़े सोच-विचार राखे। बल्ति प्रभु चे वास्ते हेक आच्छी प्रजा तियार करी।”

प्रेरितां चे काम 9:15

पर प्रभु ने ओनु केहले, “तु चाह्‍ला जा, कांकि हा तां नेरीया जातिया ते वांचे राजे ते इस्राएलीया चे सामणे माये नां उजागर करने वास्ते माये चुणले आले जन छै।

रोमियां 2:4

का तु बङी भलाई ते सहनशीलता, ते धीरजरुपी धन्‍न नु तोच्छ समझी? ते का ईं ना समझी कि नरीकारा ची भलाई तनु मन फिरावणे ची ओर गेहती जाये?

रोमियां 8:29

कांकि जानु ओणे पेहले कनु ही चुणती गेले वानु पेहले कनु ठहराले वी छै कि ओचे पूता चे स्वरूप मां हो ताकि ओ घणे भावां मां पलेठी चा ठहरो।

रोमियां 8:30

बल्ति जानु नरीकारा ने पेहले कनु ठहराले वानु हकारले वी। ते जानु हकारले वानु धर्मी वी ठहराले। ते जानु धर्मी ठहराले वानु महिमा वी ङिली।

इफिसियां 1:18

मैं ये बाते वास्ते वी प्राथना करे कि तम्चे मना ची आंख सोज़ले मां हो, तम्ही जाणती गिहा कि ओचे हकारने ची किसड़ी आस रिहे, ते नरीकारा चे पवित्र लौका मां ओची वसीयत ची महिमा ची किसड़ी दौलत छै।

इफिसियां 2:10

कांकि अम्ही ओचे बणाले आले छिऊं, ईशु मसीह मां भले कामा वास्ते बणाले गेले छिऊं। नरीकारा ने अम्हानु पेहले कनु तियार करले। के अम्ही ऊं करते हुले आपणी जीन्दगी बिताऊं।

इफिसियां 2:7

कि ओ आपणी वे कृपा लारे जको मसीह ईशु मां अम्चे उपर छै, आणे आले समय मां आपणे अनुग्रह चा आसीम धन ङिखाणो।

इफिसियां 3:16

मैं प्राथना करे कि ओ आपणी महिमा ची दौलत चे अनुसार तम्हानु हा दान ङियो कि तम्ही ओचे पवित्र आत्मा कनु आपणे दिला मां सामर्थ गेहती कर ताकतवार बणते जावा।

इफिसियां 3:8

मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे।

कुलुस्सियां 1:12

ते ब़ा चा धन्यवाद करते रिहा, जेह्णे अम्हानु ऐस लायक बणाले कि ज्योति मां पवित्र लौका चे लारे वसीयत मां भईवाल हुले।

कुलुस्सियां 1:27

जाये उपर नरीकारा ने प्रकट करने चाह्‍ले, कि वानु पता लाग़ो कि सारे लौका मां ओ भेदा ची कीमत चा धन का छै? ते वा हाओ छै, कि मसीह जको महिमा ची उम्मीद छै वा तम्चे मां बणली रिहो।

1 थिस्सलुनीकियां 5:9

कांकि नरीकारा ने अम्हानु आपणे गुस्से वास्ते कोनी, पर ऐवास्ते चुणले कि अम्ही आपणे प्रभु ईशु मसीह चे जरिये उद्धार पा सग़ु।

2 तीमुथियुस 2:21

अगर कुई आपणे आप नु बुराईया कनु शोद्ध करी, ते ऊं कद्दर चे ठां, ते पवित्र बणले रिही, ते मालिका चे कामे आवी, ते हर भले कामा चे वास्ते तियार हुवी।