रोमियां 9:16 - ओङ राजपूत

¹⁶ ऐवास्ते हा बात ना तां काई इच्छा लारे हुवे, ना ही द्रोक-भज करने लारे, पर दया करने आले नरीकारा ची इच्छा लारे हुवे।

रोमियां 9:16 ပူးပေါင်းရင်းမြစ်များ

मत्ती 11:27

“माये ब़ा ने मनु सब कोच्छ सोंपती ङिले, ते कुई पूता नु ना जाणी, सेर्फ ब़ा, ते कुई ब़ा नु ना जाणी सेर्फ पूत, ते ओ जाये उपर पूत ओनु प्रकट करना चाहवे।

मत्ती 4:8

बल्ति शैतान ओनु हेक ब़ोहत बङे पहाड़ा उपर गेहती गेला ते सारे जग़त चे राज़ ते वांची शोहरत ङिखाणती कर,

लूका 10:21

ओही बेले ईशु पवित्र आत्मा मां हुती कर खुशी लारे भरीती गेला, ते केहले, “हे ब़ा, स्वर्ग़ ते धरती चा प्रभु, मैं दुधा धन्यवाद करे पला कि तु यां बाता नु ज्ञानीया ते समझदारा कनु लुकाती राखलीया, ते ब़ाला उपर प्रकट करलीया। हव्वे, हे ब़ा, कांकि तनु ईं आच्छे लाग़ले।

यूहन्‍ना 3:8

हवा जिठे चाहवे ऊंगी चले। ते तु विची अवाज सुणी, पर ना जाणी कि वा किठु आवे ते किंघा नु जाये। जको कुई आत्मा लारे जमले ऊं इसड़े छै।”

रोमियां 9:11

ते हमा तक ना तां ब़ाले जमली हुती, ते ना ही वाणे कोच्छ भले जा बुरे करले हुते, ऐवास्ते कि नरीकार ची मनसा जको ओचे चुणती गेहणे चे अनुसार छै, कामा ची वजह कोनी, पर हकारने आला उपर बणली रिहो,

गलातियां 2:2

माये जाणे इसड़े दर्शन चे तरफु हुले, जको सुसमाचार मां नेरीया जातिया मां प्रचार करे, ओ वानु मैं बावड़ती ङिले, पर एकान्त मां वानु जको बङे समझले जते ताकि इसड़े ना कि माई ऐ समय ची ते भांसली द्रोक भज़ बेकार ना चाह्‍ली जाओ,

इफिसियां 2:8

कांकि तम्ही विश्‍वास करला ते नरीकारा ची दया लारे तम्चा उद्धार हुला। हा तम्चे तरफु कोनी, बल्कि नरीकारा चा दान छै।

फिलिप्पियां 2:13

कांकि ओ नरीकारा ही छै जको वां कामा ची इच्छा ते वानु पूरा करने चा कर्म, जको नरीकारा नु भावी, तम्चे मां पैदा करे।

याकूब 1:18

ओणे आपणी ही इच्छा लारे अम्हानु सच्‍च चे वचना चे जरिये पैदा करले कि अम्ही ओची सृष्टि करली हुली चीजा महु हेक तरह चे पेहला फल छिऊं।