रोमियां 8:8 - ओङ राजपूत

⁸ ते जको शरीरा ची इच्छा चे अनुसार जिंवे, वे नरीकारा नु खौश ना कर सग़ी।

रोमियां 8:8 ပူးပေါင်းရင်းမြစ်များ

मत्ती 3:17

ओही बेले हा आकाशवाणी हुली, “हा माया प्यारा पूत छै। ऐकनु मैं ब़ोहत खौश छै।”

यूहन्‍ना 3:3

ईशु ने ओनु उत्तर ङिला, “मैं तनु सच्‍च-सच्‍च किहे पला, अगर कुई नवें सिरे कनु ना जमही तां नरीकारा चा राज़ ङेख ना सग़ी।”

यूहन्‍ना 8:29

ते माया भेज़णे आला माये लारे छै, ओणे मनु हेकले कोनी छोड़ले, कांकि मैं सदा ऊंही काम करे जाये कनु ओ खौश हुवे।”

रोमियां 1:21

ऐ वजह कनु कि नरीकारा नु जाणने उपर वी वाणे नरीकारा चे लायक बढ़ाई ते धन्यवाद कोनी करला, पर गलत सोच-विचार करु लाग़ले, इठे तक कि वांचे मूर्ख मन मां अन्धारे हुती गेले।

रोमियां 7:5

कांकि जिसे बेले अम्ही पुराणे इन्साना चे सुभाव मां हुते, तां पाप ची इच्छा जको व्यवस्था चे जरिये हुती, मौत चा फल पैदा करने वास्ते अम्चे शरीरा चे अंगा मां काम करती।

रोमियां 8:9

पर जबकि नरीकारा ची आत्मा तम्चे मां बसे, तां तम्ही शरीरिक हालती मां कोनी, पर आत्मिक हालती मां छिवा। अगर काये मां मसीह ची आत्मा कोनी तां ऊं ओचे जन कोनी।

1 कुरिन्थियां 7:32

मैं ईं चाहवे कि तम्हानु चिन्ता ना हो। अणपरनीले मर्द प्रभु चा बाता ची चिन्ता मां रिहे, कि प्रभु नु किवें खौश राखे।

फिलिप्पियां 4:18

माये कनु ब़ोहत कोच्छ छै, इपफ्रुदीतुस चे हाथु जको दान तम्ही भेज़ला हुता ओनु मैं गेहती कर ब़ोहत खौश छै, ओ दान जको दिला आली महक ओर मनणे लायक बलिदान छै जाकनु नरीकार खौश हुती जाये।

कुलुस्सियां 1:10

ताकि तम्चा चाल-चलन प्रभु चे लायक हो, ते ओह सारे प्रकार कनु खौश हो, ते तम्चे हर-प्रकार चे भले कामा चा फल लाग़ो, ते नरीकारा चे ज्ञान मां बढ़ते जावा।

कुलुस्सियां 3:20

हे ब़ाले, सारीया बाता मां आपणे-आपणे आई-ब़ा चे आज्ञाकारी बणा। कांकि प्रभु ऐचे कनु खौश हुवे।

1 थिस्सलुनीकियां 4:1

तां, हे माये भऊ ते ब़ेहणीया, अम्ही तम्हा कनु बिनती करु पले, ते तम्हानु प्रभु ईशु मां समझाऊं पले, कि जिंवे तम्ही अम्हा कनु काबिल चाल चलणी, ते नरीकारा नु खौश करने सिखले, ते जिंवे तम्ही चला वी हुवा, यूंही होर वी बधते जावा।

इब्रानियां 13:16

भलाई करने ते चीजा चा आपस मां मिलती कर बाटणे ना छोड़ा कांकि ये इसड़े बलिदान छै, जको नरीकारा नु खौश करे।

इब्रानियां 13:21

तम्हानु हर हेक भली बाते मां सेद्ध करो, जाये कनु तम्ही ओची इच्छा पुरी करा, ते जको कोच्छ ओनु भावे ऊं ईशु मसीह चे जरिये अम्चे मां पुरे करो, ओची महिमा युगानयुग हुती रिहो। आमीन।

1 यूहन्‍ना 3:22

ते जको कोच्छ अम्ही मांगु, ऊं अम्हानु ओचे कनु मिले, कांकि अम्ही नरीकारा ची आज्ञा नु मनु जको कोच्छ ओनु भावे, अम्ही ऊंही काम करु।