रोमियां 8:7 - ओङ राजपूत

⁷ शरीरा उपर मन लावणे तां नरीकारा चे लारे बैर राखणे छै, कांकि ना तां नरीकारा ची व्यवस्था अधीन छै, ते ना ही हो सग़े।

रोमियां 8:7 ပူးပေါင်းရင်းမြစ်များ

मत्ती 12:34

हे नाग़ा ची ब़ाले! तम्ही बुरे हुती कर किवें आच्छीया बाता केह सग़ा? कांकि जको मना मां भरले पले, ऊंही मुँहा उपर आवे।

मत्ती 5:19

ऐवास्ते जको कुई वी छोटी कनु छोटी आज्ञा नु तरोड़े, ते यूंही लौका नु सिखावे, ओह स्वर्ग़ चे राज़ मां सारा कनु छोटा करला जई, पर जको कुई आज्ञा चा पालन करी, ते वानु सिखावी, ओही स्वर्ग़ा चे राज़ मां महान हुवी।

यूहन्‍ना 7:7

संसार तम्चे लारे बैर ना राख सग़ी, पर ओ माये लारे बैर राखे कांकि मैं वांचे विरोध मां हा ग़वाही ङिये कि वांचे काम बुरे छै।

रोमियां 1:28

ते जिसे बेले वाणे नरीकारा नु सुजाणने ची कीमत ही ना जाणली, ऐवास्ते नरीकारा ने वी वानु वांचे निक्‍कमे मना उपर छोड़ती ङिले, कि अनुचित काम करो।

रोमियां 1:30

गन्दिया बाता करने आले, नरीकारा कनु नफरत करने आले, हिंसक, अभिमानी, डींगमार, गन्दिया-गन्दिया बाता बणावणे आले, आई-ब़ा ची आज्ञा नु ना मनणे आले,

रोमियां 3:31

तां का अम्ही व्यवस्था नु विश्‍वास चे जरिये बेकार ठहराऊ? कङी वी ना। पर व्यवस्था नु पक्‍के करु वी।

रोमियां 5:10

कांकि बैरी ची हुवणे दशा मां ओचे पूता ची मौत चे जरिये अम्चा मेल-मिलाप नरीकारा लारे हुला बल्ति मेल-मिलाप हुती जाणे लारे, ओचे जीवन ची वजह कनु अम्ही उद्धार कां नी गिहुं?

रोमियां 7:22

कांकि मैं भितरला मनुष्यत्व कनु तां नरीकारा चे व्यवस्था कनु ब़ोहत खौश रिहे।

रोमियां 8:4

जाये कनु व्यवस्था ची जरुरत नु पुरे करले जाओ, कांकि अम्ही देह चे अनुसार कोनी पर आत्मा चे अनुसार जीवन जिऊं।

1 कुरिन्थियां 2:14

पर शरीरिक इन्सान नरीकारा ची आत्मा ची बाता स्वीकार ना करी, कांकि वे ओची नजरी मां बेवकूफी चा बाता छी, ते ना ओ वानु जाण सग़े कांकि वांची परख आत्मिक रीति लारे हुवे।

1 कुरिन्थियां 9:21

जाये कनु व्यवस्था कोनी हुती वानु मसीह मां जीतणे वास्ते मैं वांचे आलीकर बणला। ऐचा मतलब हा कोनी कि मैं नरीकारा ची व्यवस्था नु ना मनी पर मैं तां मसीह ची व्यवस्था चे अधीन जीन्दगी जिंवे।

कुलुस्सियां 1:21

ओणे हमा ओची शरीरिक देह मां मौत चे जरिये तम्चा वी मेल करती गेहला कि तम्हानु आपणे सामणे पवित्र ते निष्कलंक, ते निर्दोष बणाती कर हाजिर करो।

कुलुस्सियां 2:18

कुई बन्दे दीनता चा ङिखावा करती स्वर्ग़दूता ची पुज़ा करती तम्हानु बेवकूफ ना बणाओ, तम्ची द्रोड़ने चे प्रतिफल कनु दूर ना करो। इसड़े बन्दे ङेखली आलीया बाता मां लाग़ले रिहे ते आपणे शरीरिक समझ उपर बेकार मां फुंडे।

2 तीमुथियुस 3:4

विश्‍वासघाती, ढीठ, घमण्डी, ते नरीकारा चे कोनी पर सोख-विलास नु ही चाहणे आले हुवे।

इब्रानियां 8:10

बल्ति प्रभु किहे, कि जको वाचा मैं वां ङिहां चे बाद, इस्राएल चे घराणे लारे ब़ांधी, वा हा छै कि, मैं आपणी व्यवस्था नु वांचे मना मां नाखी, ते विनु वांचे दिला उपर लिखी, ते मैं वांचा नरीकार हुवी, ते वे माये लौक हुवे।

याकूब 4:4

हे व्यभिचारी बन्दी, का तम्ही ना जाणा, कि संसारा लारे मित्रता नरीकारा चे लारे बैर राखणे छै? ऐवास्ते जको कुई संसारा चे मित्र हुवणे चाहवे, ऊं आपणे आप नु नरीकारा चे बैरी बणावे।

2 पतरस 2:14

वांचीया आंखीया मां व्यभिचार बसला आला छै ते पाप करले बगैर आलीकर ना सग़ी वे चंचल मना आला नु बकाती गिही वांचे मना नु लोभ करने ची आदत हुली भिली वे श्राप ची ऊलाद्ध छी।