रोमियां 8:39 - ओङ राजपूत

³⁹ ना ऊचाई, ना गहराई, ते ना कुई नेरी सृष्टि, अम्हानु नरीकारा चे प्रेम कनु, जको अम्चे प्रभु ईशु मसीह मां छै, अलग़ कर सग़ी।

रोमियां 8:39 ပူးပေါင်းရင်းမြစ်များ

मत्ती 24:24

कांकि कूड़े मसीह ते कूड़े भविष्यवक्‍ता उठती खड़े हुवे, ते बङे चैन्ह, ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

यूहन्‍ना 16:27

माया ब़ा तां आप ही तम्चे लारे प्रेम करे कांकि तम्ही माये लारे प्रेम करला ते हा वी विश्‍वास करला कि मैं नरीकारा ची तरफु आला।

यूहन्‍ना 17:26

मैं दुधे महिमा भरले नां, वानु बावड़ले, ते बावड़ता रिही कि जको प्रेम तनु माये लारे हुता ओ वांचे लारे रिहो ते मैं वांचे मां रिहे।”

यूहन्‍ना 3:16

कांकि नरीकारा ने संसारा लारे इसड़ा प्रेम राखला कि ओणे आपणा हिकड़ाता चा पूत ङिती ङिला, कि जको कुई ओचे उपर विश्‍वास करे ऊं नाश ना हो पर अनन्त जीवन गिहो।

रोमियां 1:7

वां सारा चे नांवे जको रोम मां नरीकारा चे प्यारे ते पवित्र हुवणे वास्ते हकारले गेले। अम्चा ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलती रिहो।

रोमियां 11:33

आहा, नरीकारा चा धन्‍न ते ब़ुध्दि ते ज्ञान का ही गम्भीर छै। ते ओचा न्यां किसड़ा अथाह, ते किसड़ा निराला छै ओचा काम करने चा तरीका।

रोमियां 5:8

पर नरीकार अम्चे उपर आपणे प्रेम ची भलाई ये रीति लारे प्रकट करे, कि जिसे बेले अम्ही पापी ही हुते, ओही बेले मसीह अम्चे वास्ते मरणे वास्ते भेज़ला गेला।

रोमियां 6:23

कांकि पाप ची मजदूरी तां मौत छै, पर नरीकारा चा सेंत मेंत चा वरदान अम्चे प्रभु मसीह ईशु मां अनन्त जीवन छै।

रोमियां 8:1

ऐवास्ते हमा जको मसीह ईशु मां छी, वांचे उपर ङण्ड ची आज्ञा कोनी। कांकि वे शरीरा चे अनुसार ना बल्कि आत्मा चे अनुसार चली।

रोमियां 8:35

कूण छै जको अम्हानु मसीह चे प्रेम कनु अलग़ करी? का क्लेश, जा संकट, जा उपद्रव, जा अकाल, जा ऊघाड़ापन, जा जोखिम, जा तलवार?

2 कुरिन्थियां 11:3

पर मैं ङरे कि जिंवे नाग़ा ने आपणी चलाकी लारे हवा नु भरमाती ङिले, कङी इसड़े ना हो कि तम्चे मन मसीह चे प्रति पवित्रता ते भग़ती कनु भटकती ना जाओ।

2 कुरिन्थियां 2:11

कि शैताना चा अम्चे उपर दाह ना चलो। कांकि अम्ही ओची चाल कनु अणजाण कोनी।

इफिसियां 1:4

जिंवे नरीकारा ने अम्हानु संसारा ची उत्पत्ति कनु पेहले ओचे महु चुणती गेहले कि अम्ही ओचे गोढु, प्रेम मां पवित्र ते निर्दोष हुं,

फिलिप्पियां 3:12

हा मतलब कोनी कि मैं गेहती चुकला, जा सेद्ध हुती चुकला पर मैं वे उपलब्धि नु गेहणे वास्ते लगातार यतन करे पला। जाये वास्ते मसीह ईशु ने मनु हकारले हुते।

फिलिप्पियां 3:3

कांकि सच्‍चे खतने आले तां अम्ही ही छिऊं जको नरीकारा ची आत्मा ची अगुवाई लारे उपासना करु, ते मसीह ईशु उपर गर्व करु, ते शरीरा चे खतने जिसड़ी बाता पर भरोसा ना राखु।

फिलिप्पियां 3:8

ऐकनु वी बङी बात हा छै कि मैं आपणे प्रभु ईशु मसीह चे ज्ञान ची श्रेष्टता ची वजह कनु आज़ तक सब चीजा नु फायदा चीया ना समझी। ओचे वास्ते मैं सब कोच्छ त्याग़ती ङिले ते मैं सब चीजा कनु नफरत करु लाग़ला। ताकि मसीह नु गे सग़े।

2 थिस्सलुनीकियां 2:4

जको विरोध करे, ते हर हेक कनु जको ईश्‍वर जा पूजनीये किहवावे, आपणे आप नु बङे ठहरावे, इठे तक कि ओ नरीकारा चे मन्दरा मां ब़ेसती कर आपणे आप नु ईश्‍वर ठहरावे।

1 यूहन्‍ना 4:16

जको प्रेम नरीकार अम्चे लारे राखे, ओनु अम्ही जाणती गेले, ते अम्हानु ओचा विश्‍वास छै। नरीकार प्रेम छै, ते जको प्रेम मां बणले रिहे, ऊं नरीकारा मां बणले रिहे, ते नरीकार ओचे मां बणला रिहे।

1 यूहन्‍ना 4:19

अम्ही ऐवास्ते प्रेम करु, कि पेहले नरीकारा ने अम्चे लारे प्रेम करला।

प्रकाशितवाक्य 12:9

ते ओ बङा अजगर यानिकि ओही पुराणा नाग़, जको इबलीस शैतान किहवावे, ते सारे संसारा नु भरमावे, धरती उपर ढाती ङिला गेला, ते ओचे दूत ओचे लारे तले भुकाती ङिले गेले।

प्रकाशितवाक्य 13:14

ओ धरती चे बन्दा नु भरमाता गेला कांकि ओचे कनु पेहले ङरावणे ढौरा ची मौजुदगी मां चमत्कार ङिखाणने ची शक्‍ति हुती। ङुजे ङरावणे ढौरा ने धरती उपर रेहणे आला बन्दा कनु ओ पेहले ढौरा नु आदर ङेणे वास्ते जाये उपर तलवार लाग़ली हुती ओ जीता हुती गेलता, ओची मूर्ति बणावणे चे वास्ते केहले।

प्रकाशितवाक्य 19:20

ते ऊं ङरावणे ढौर ते ओचे लारे ओ कूड़ा भविष्यवक्‍ता पकड़ीला गेला, जेह्णे ओचे सामणे इसड़े चैन्ह ङिखाणले हुते, जाये जरिये ओणे वानु भरमाले हुते, जाणे ओ ङरावणे ढौरा ची मौहर लवाली हुती, ते जको वे मूर्ति ची पूजा करते। ऊं ङरावणे ढौर ते कूड़े भविष्यवक्‍ता नु जीते-जी ओ जाखते ची झील मां जको गन्धक लारे ब़लती रिहे, नाखती ङिले गेले।

प्रकाशितवाक्य 2:24

“पर तम्हानु थुआतीरा चे बाकि लौका नु जितने ये शिक्षा नु ना मनी ते वां बाता नु जानु शैताना चीया गेहरीया बाता किही ना जाणी, ईं किहे पला कि मैं तम्चे उपर नेरा बोझ नी नाखी।

प्रकाशितवाक्य 20:3

ते ओनु पताला मां नाखती कर ते ओचे उपर मौहर लाती ङिली, कि जब-तक हजार साल पुरे ना हुती जाओ ओ जाति-जाति चे लौका नु बल्ति कनु भरमा ना सग़ो, हजार साल पुरे हुवणे चे बाद थोड़ी जा देरी वास्ते ओनु बल्ति छोड़ले जई।

प्रकाशितवाक्य 20:7

ते जिसे बेले हजार साल पुरे हुती जाये। तां शैताना नु कैदी महु छोड़ती ङिले जई।