रोमियां 8:33 - ओङ राजपूत

³³ नरीकारा चे चुणला आला उपर दोष कूण लावी? नरीकार ही छै जको वानु धर्मी ठहराणे आला छै।

रोमियां 8:33 ပူးပေါင်းရင်းမြစ်များ

मत्ती 24:24

कांकि कूड़े मसीह ते कूड़े भविष्यवक्‍ता उठती खड़े हुवे, ते बङे चैन्ह, ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

लूका 18:7

ऐवास्ते का नरीकार आपणे चुणले आला चा सच्‍चा न्यां नी चुकावी, जको रात-ङिओ ओची दुहाई ङिते रिहे? का ओ वांचे बारे मां देर करी?

रोमियां 3:26

बल्कि ऐ समय ओची धार्मिकता प्रकट हो, कि जाये मां ओ आप ही धर्मी ठहरो, ते जको ईशु उपर विश्‍वास करे, ओचा वी धर्मी ठहराणे आला हो।

रोमियां 8:1

ऐवास्ते हमा जको मसीह ईशु मां छी, वांचे उपर ङण्ड ची आज्ञा कोनी। कांकि वे शरीरा चे अनुसार ना बल्कि आत्मा चे अनुसार चली।

गलातियां 3:8

पवित्रशास्त्रा ने पेहले ही जाणती कर कि नरीकारा ने नेरीया जातिया नु विश्‍वास लारे ही धर्मी ठहरावी, पेहले कनु अब्राहम नु सुसमाचार सुणाती ङिला कि दुधे मां सारीया जातिया आशीष पावे।

1 थिस्सलुनीकियां 1:4

ते हे माये भऊ ब़ेहणीया, नरीकारा चे प्यारे लौक अम्ही जाणु, कि तम्ही चुणले आले छिवा।

तीतुस 1:1

हा चिठ्ठी पौलुस चे तरफु जको नरीकारा चा दास ते मसीह ईशु चा प्रेरित छै, नरीकारा चे चुणले आले लौक चा विश्‍वास ते वे सच्‍चाई ची पिछाण चे अनुसार जको भग़ती चे अनुसार छै,

1 पतरस 1:2

ते नरीकार ब़ा चे भविष्य ज्ञान चे अनुसार, पवित्र आत्मा चे पवित्र करने चे जरिये आज्ञा मनणे ते ईशु मसीह चे लुहींया चे छिड़कले जाणे चे वास्ते चुणले गेले। तम्हानु अनुग्रह ते शान्ति ब़ोहत मिलती रिहो।