रोमियां 8:29 - ओङ राजपूत

²⁹ कांकि जानु ओणे पेहले कनु ही चुणती गेले वानु पेहले कनु ठहराले वी छै कि ओचे पूता चे स्वरूप मां हो ताकि ओ घणे भावां मां पलेठी चा ठहरो।

रोमियां 8:29 ပူးပေါင်းရင်းမြစ်များ

मत्ती 12:50

कांकि जको कुई माये ब़ा ची जको स्वर्ग़ा मां छै, ओची इच्छा उपर चले, वे ही माये भऊ, ते ब़ेहण, ते माई आई छै।”

मत्ती 25:40

“तब राजा वानु उत्तर ङी, ‘मैं तम्हानु सच्‍च किहे पला कि तम्ही जको माये यां छोटे कनु छोटे भावां महु कुई हेके लारे करले, ऊं माये ही लारे करले।’

मत्ती 28:10

ओ बेले ईशु ने वानु केहले, “ङरा ना। माये भावां नु जती कर किहा कि गलील नु चाह्‍ले जाओ, ओठे मनु ङेखे।”

मत्ती 7:23

बल्ति मैं वानु खुलती कर केहती ङिही, ‘मैं तम्हानु कङी वी कोनी जाणले। हे गन्दे काम करने आले, माये कनु चाह्‍ले जावा।’

यूहन्‍ना 17:16

जिंवे मैं संसारा चा कोनी, यूंही वे वी संसारा चे कोनी।

यूहन्‍ना 17:19

वांचे वास्ते मैं आपणे आप नु पवित्र करती कर दुधी सेवा मां ङिये पला, कि वे वी सच्‍चाई लारे पवित्र हुती कर दुधी सेवा करो।

यूहन्‍ना 17:26

मैं दुधे महिमा भरले नां, वानु बावड़ले, ते बावड़ता रिही कि जको प्रेम तनु माये लारे हुता ओ वांचे लारे रिहो ते मैं वांचे मां रिहे।”

यूहन्‍ना 20:17

ईशु ने विनु केहले, “मनु हाथ ना ला, कांकि मैं हालि तक ब़ा नरीकारा सनु उपर कोनी गेला। पर माये भावां कनु जती कर वानु केहती ङे कि, ‘मैं आपणे ब़ा ते तम्चे ब़ा, आपणे नरीकार ते तम्चे नरीकारा चे गोढु उपर जाये पला।’ ”

रोमियां 11:2

नरीकारा ने आपणी वे प्रजा नु कोनी छोड़ले, जानु ओणे पेहले कनु ही जाणले। का तम्ही ना जाणा कि, पवित्रशास्त्र एलिय्याह चे बारे मां का किहे, ओ इस्राएल चे विरोध मां नरीकारा कनु बिनती करे?

रोमियां 13:14

बल्कि ईशु मसीह चे सुभाव नु धारण करती गिहा, ते शरीरा चीया इच्छा नु पुरीया करने मां ही ना लाग़ले रिहा।

रोमियां 9:23

जाये कनु जको दया चे ठां छै जानु ओणे आपणी महिमा वास्ते पेहले कनु तियार करले हुते, वांचे उपर आपणी महिमा चे धन्‍न नु प्रकट करो?

1 कुरिन्थियां 15:49

ते जिंवे अम्ही इन्साना चा शरीरिक रुप धारण करला जको माटी चे हुते, ते यूंही ओ स्वर्ग़ीय इन्साना चा रुप वी धारण करु।

1 कुरिन्थियां 2:7

पर अम्ही नरीकारा चा गुप्त ज्ञान, भेद ची रीति चे अनुसार बावड़ु, जको नरीकारा ने युगा कनु पेहले अम्ची महिमा वास्ते तय करला हुता।

1 कुरिन्थियां 8:3

पर अगर कुई नरीकारा लारे प्रेम राखे, तां ओनु नरीकार पिछाणती गिहे।

2 कुरिन्थियां 3:18

पर जब अम्चे सब चे उघाड़े चेहरे कनु प्रभु ची महिमा यूं प्रकट हुवे, जिंवे करती शीशे मां हुवे। तां प्रभु चे जरिये जको आत्मा छै, अम्ही ओचे तेजस्वी रुप मां अंश-अंश करती बदलते जऊं पले।

इफिसियां 1:11

मसीह मां बणले आले जको आपणी इच्छा चे भली समझ चे अनुसार सब कोच्छ करी, ओणे आपणी योजना चे अनुसार अम्हानु पेहले कनु ठहराले कि उत्तरा अधिकारी बणने चा अधिकार मिलो।

इफिसियां 4:24

ते नवें सुभाव नु घालती गिहा, जको नरीकारा चे प्रति सच्‍च ची धार्मिकता ते पवित्रता मां सृजला गेला।

फिलिप्पियां 3:21

ओ आपणी ताकत चे ओ प्रभाव लारे, जाये जरिये ओ सारीया चीजा नु आपणे वशा मां कर सग़े, अम्ची देह नु बदलती कर, आपणी महिमा ची देह जिसड़े बणाती ङी।

कुलुस्सियां 3:10

ते नवें सुभाव नु घाले जती, जको आपणे सृजनहार चे सुभाव चे अनुसार ज्ञान प्राप्त करने वास्ते नवें बणते जाये।

2 तीमुथियुस 1:9

जेह्णे अम्चा उद्धार करला, ते पवित्र बुलाहट लारे हकारले, ते हा अम्चे कामा चे अनुसार कोनी, पर आपणी मनसा ते ओ अनुग्रह चे अनुसार छै, जको ईशु मसीह मां शुरुआत कनु अम्चे उपर हुला।

2 तीमुथियुस 2:19

तां वी नरीकारा ची पक्‍की नीम बणली रिहे, ते ओचे उपर हा छाप लाग़ली पली, “प्रभु आपणा नु पिछाणे,” ते “जको कुई प्रभु चे नां गिहे, ऊं अधर्म कनु बचले रिहो।”

1 पतरस 1:2

ते नरीकार ब़ा चे भविष्य ज्ञान चे अनुसार, पवित्र आत्मा चे पवित्र करने चे जरिये आज्ञा मनणे ते ईशु मसीह चे लुहींया चे छिड़कले जाणे चे वास्ते चुणले गेले। तम्हानु अनुग्रह ते शान्ति ब़ोहत मिलती रिहो।

1 पतरस 1:20

ऐ संसारा ची शुरुआत कनु ही पेहले ओनु चुणती गेलते ले, पर तम्चे वास्ते ओनु यां आखरी ङिहां मां ओणे उजागर करले।

1 यूहन्‍ना 3:2

हे प्यारे, हमा वी अम्ही नरीकारा ची ऊलाद्ध छिऊं, ते हमा तक हा प्रकट कोनी हुले कि आणे आले समय मां अम्ही का कोच्छ हुं! इतने जाणु कि जिसे बेले ईशु मसीह प्रकट हुवी ते अम्ही ओचे समान हुती जऊं, कांकि ओनु उसड़े ही ङेखु जिसड़ा ओ छै।

प्रकाशितवाक्य 13:8

धरती चे सब रेहणे आले, जाई नांवे ओ मैमणे ची जीवन ची किताबे मां लिखली कोनी गेली, जको संसारा ची शुरुआत चे समय कनु ही बलिदान हुला, ओ ढौरा ची पूजा करे।