रोमियां 8:28 - ओङ राजपूत

²⁸ ते अम्ही जाणु कि, जको लौक नरीकारा लारे प्रेम राखे, वांचे वास्ते सारीया बाता मिलती कर भलाई ही नु पैदा करी यानिकि वांचे ही वास्ते जको ओची इच्छा चे अनुसार हकारले गेले छै।

रोमियां 8:28 ပူးပေါင်းရင်းမြစ်များ

मरकुस 12:30

ते तु प्रभु आपणे नरीकारा लारे आपणे सारे मना लारे, ते आपणे सारे प्राण लारे, ते आपणी सारी ब़ुध्दि लारे, ते आपणी सारी ताकत लारे प्रेम राखा।’

प्रेरितां चे काम 13:48

ईं सुणती कर नेरीया जातिया आले खौश हुले, ते नरीकारा चे वचना ची बढ़ाई करु लाग़ले, ते जितने अनन्त जीवन वास्ते ठहराले गेले हुते, वाणे विश्‍वास करला।

रोमियां 11:29

कांकि नरीकार आपणे वरदाना कनु ते ब़ुलाहट कनु कङी भांसु ना हटी।

रोमियां 8:30

बल्ति जानु नरीकारा ने पेहले कनु ठहराले वानु हकारले वी। ते जानु हकारले वानु धर्मी वी ठहराले। ते जानु धर्मी ठहराले वानु महिमा वी ङिली।

रोमियां 9:11

ते हमा तक ना तां ब़ाले जमली हुती, ते ना ही वाणे कोच्छ भले जा बुरे करले हुते, ऐवास्ते कि नरीकार ची मनसा जको ओचे चुणती गेहणे चे अनुसार छै, कामा ची वजह कोनी, पर हकारने आला उपर बणली रिहो,

1 कुरिन्थियां 1:2

नरीकारा ची वे कलीसिया चे नांवे लिखली गेली, जको कुरिन्थुस शहरा मां छै, यानि वांचे नांवे जको मसीह ईशु मां पवित्र करले गेले, ते पवित्र हुवणे वास्ते हकारले गेले, ते वां सारा चे नांवे वी जको हर जग़हा अम्चे ते आपणे प्रभु ईशु चे नांवा लारे प्राथना करी।

1 कुरिन्थियां 1:24

पर जानु नरीकारा ने हकारले, का यहूदी, का यूनानी, वांचे वास्ते मसीह नरीकारा ची सामर्थ ते नरीकारा चा ज्ञान छै।

1 कुरिन्थियां 1:9

नरीकार विश्‍वास भरला छै, जेह्णे तम्हानु आपणे पूत अम्चे प्रभु ईशु मसीह ची संगति मां हकारले।

1 कुरिन्थियां 2:9

पर जिंवे पवित्रशास्त्रा मां लिखले पले, “जको आंखीया ने नी ङेखली, ते काना ने नी सुणली, ते जको बाता इन्साना चे चेत्त मां कोनी चढ़लीया वे ही छी, जको नरीकारा ने आपणे प्रेम राखणे आला वास्ते तियार करलीया छी।”

2 कुरिन्थियां 5:1

कांकि अम्ही जाणु कि, जिसे बेले अम्चे संसारिक देह नु धरती कनु ढाती ङिले जई तां अम्चे वास्ते नरीकारा ची ओर कनु स्वर्ग़ा मां हेक इसड़े घरा जिसड़ी देह तय करली गेली, जको इन्साना चे हाथा लारे बणाले आले कोनी छै पर स्वर्ग़ीय ते अनन्त काल चे छै।

गलातियां 1:15

पर नरीकारा ने जको मनु जनमा कनु पेहले चुणती गेले ते आपणे अनुग्रह लारे मनु हकारले, नरीकारा नु ईं भाले।

गलातियां 1:6

मनु अचम्भा हुवे पला कि जेह्णे तम्हानु ईशु मसीह चे अनुग्रह मां हकारले, ओकनु तम्ही इतनी जल्दी भूलती कर नेरे ही तरह चे सुसमाचार सनु झुकु लाग़ती गेले।

गलातियां 5:8

इसड़ी सीख जको तम्हानु नरीकारा ची सच्‍चाई कनु दूर करे पली, वा तम्हानु हकारने आले नरीकारा ची तरफा कनु कोनी।

इफिसियां 3:11

वे सनातन मनसा चे अनुसार जको ओणे अम्चे मसीह ईशु मां पुरी करली हुती।

इफिसियां 4:1

ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

फिलिप्पियां 3:14

निशाने सनु द्रोड़ता चाह्‍ला जाये, ताकि ओ इनाम गिहे जाये वास्ते नरीकारा ने मनु मसीह ईशु मां उपर स्वर्ग़ा सनु हकारले।

1 थिस्सलुनीकियां 5:9

कांकि नरीकारा ने अम्हानु आपणे गुस्से वास्ते कोनी, पर ऐवास्ते चुणले कि अम्ही आपणे प्रभु ईशु मसीह चे जरिये उद्धार पा सग़ु।

2 तीमुथियुस 1:9

जेह्णे अम्चा उद्धार करला, ते पवित्र बुलाहट लारे हकारले, ते हा अम्चे कामा चे अनुसार कोनी, पर आपणी मनसा ते ओ अनुग्रह चे अनुसार छै, जको ईशु मसीह मां शुरुआत कनु अम्चे उपर हुला।

2 तीमुथियुस 2:19

तां वी नरीकारा ची पक्‍की नीम बणली रिहे, ते ओचे उपर हा छाप लाग़ली पली, “प्रभु आपणा नु पिछाणे,” ते “जको कुई प्रभु चे नां गिहे, ऊं अधर्म कनु बचले रिहो।”

इब्रानियां 9:15

ऐवास्ते ओ हेक नवीं वाचा चा बिचोला छै, कि वे मौत चे जरिये जको पेहली वाचा चे समय चे अपराधा कनु छुटकारा गेहणे वास्ते हुली, हकारले आले लौक वायदे चे अनुसार अनन्त विरासत नु गिहो।

याकूब 1:12

धन्‍न छै ऊं बन्दे जको परीक्षा मां मजबूत रिहे कांकि ऊं खरे निकलती कर जीन्दगी चा ओ मुग़ट गिही जाया वायदा प्रभु ने आपणे प्रेम करने आला वास्ते करला।

याकूब 2:5

हे माये प्यारे भऊ, सुणा, का नरीकारा ने ऐ संसारा चे कंगाला नु कोनी चुणले कि विश्‍वासा मां अमीर ते ओ स्वर्ग़ राज़ चे अधिकारी हो जाया वायदा ओणे वांचे लारे करला जको ओचे लारे प्रेम राखे?

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

1 पतरस 3:9

तम्ही बुराई चे बदले मां बुराई ना करा। ते ना गालीया चे बदले गालीया काढ़ा, पर ऐचे बदले आशीष ही ङिया। कांकि तम्ही आशीष चे वारिस हुवणे चे वास्ते हकारले गेले।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

1 यूहन्‍ना 4:10

सच्‍चा प्रेम ऐचे मां कोनी कि अम्ही नरीकारा लारे प्रेम करला, पर ऐचे मां छै, कि ओणे अम्चे लारे प्रेम करला, ते अम्चे पापा चे प्रायश्‍चित चे वास्ते आपणे पूता नु भेज़ले।

1 यूहन्‍ना 4:19

अम्ही ऐवास्ते प्रेम करु, कि पेहले नरीकारा ने अम्चे लारे प्रेम करला।

प्रकाशितवाक्य 3:19

मैं जाये-जाये लारे प्रेम करे, वां सारा नु उलाहणा ते धमकाती ङिये। ऐवास्ते जोशिले हुते जावा ते मन फिरावा।