रोमियां 8:27 - ओङ राजपूत

²⁷ ते मना नु परखणे आला ईं जाणे कि, पवित्र आत्मा ची मनसा का छै। कांकि ओ पवित्र लौका वास्ते नरीकारा ची इच्छा चे अनुसार बिनती करे।

रोमियां 8:27 ပူးပေါင်းရင်းမြစ်များ

मत्ती 6:8

ऐवास्ते तम्ही वांचे आलीकर ना बणा, कांकि तम्चा ब़ा तम्चे मांगणे कनु पेहले जाणे, कि तम्ची का जरुरत छै।

लूका 16:15

ईशु ने वानु केहले, “तम्ही तां लौका चे सामणे आपणे आप नु धर्मी बणावा, पर नरीकार तां तम्चे मना नु जाणे, कांकि जको चीजा लौका चे नजरी मां महान छी, वे नरीकारा चे नजरी मां नफरत चा छी।

यूहन्‍ना 14:13

जको कोच्छ तम्ही माये नांवा लारे मांगा ऊंही मैं ङिही, कि पूता चे जरिये ब़ा ची महिमा हो।

यूहन्‍ना 21:17

ओणे तीजी वारी ओनु केहले, “हे शमौन यूहन्‍ना चा पूत, का तु माये लारे प्रीत राखी?” पतरस उदास हुला कि ओणे तीजी वारी इसड़े केहले कि, “का तु माये लारे प्रीत राखी?” तां पतरस ने केहले, “हे प्रभु, तु तां सब कोच्छ जाणी, तु ईं जाणी कि मैं दुधे लारे प्रीत राखे।” ईशु ने ओनु केहले, “माया भेङा नु चर्रा।

प्रेरितां चे काम 1:24

ते हा केहती कर प्राथना करली, “हे प्रभु, तु जको सारा चे मना नु जाणी, ईं उजागर कर कि जा ङुंहु महु तु कानु चुणले।

प्रेरितां चे काम 15:8

ते मना नु परखणे आले नरीकारा ने वानु वी अम्चे आलीकर पवित्र आत्मा ङिती कर ऐची ग़वाही ङिली।

रोमियां 8:34

बल्ति कूण छै जको ङण्ड ची आज्ञा ङिही? मसीह ईशु ही छै जको मरती गेला बल्कि मरला आला महु जीता वी हुती गेला, ते नरीकारा चे सज़्ज़े पासु ब़ेहला, ते अम्चे वास्ते बिनती वी करे।

रोमियां 8:6

शरीरा उपर मन लावणे तां मौत छै, पर आत्मा उपर मन लावणे जीवन ते शान्ति छै।

इफिसियां 2:18

कांकि मसीह चे वजह हेको ही पवित्र आत्मा मां अम्ही ङोनी यहूदी, नेरीया जातिया ची पोंहच ब़ा नरीकारा तक हुवे।

1 थिस्सलुनीकियां 2:4

पर जिसड़ा नरीकारा ने अम्हानु काबिल ठहराती सुसमाचार सोंपला, अम्ही यूंही वर्णन करु, ते ऐचे मां बन्दा नु ना, पर नरीकारा नु, जको अम्चे मना नु परखे, खौश करने चे वास्ते प्रचार करु।

इब्रानियां 4:13

ते सृष्टि ची कुई चीज नरीकारा कनु लुकली आली कोनी, जानु अम्ही लेखा ङेणा। सारीया चीजा ओचे सामणे साफ ते खुड़लीया आलीया छी।

याकूब 5:16

ऐवास्ते तम्ही आपस मां हेके ङुजे चे सामणे आपणे–आपणे पापा नु मनती गिहा, ते हेके ङुजे चे वास्ते प्राथना करा, कि जाये कनु तम्ही ठीक हुती जावा। धर्मी बन्दे ची प्राथना चे लारे ब़ोहत कोच्छ हो सग़े।

प्रकाशितवाक्य 2:23

मैं विचे ब़ाला नु मारती नाखी। बल्ति सारीया कलीसिया जाणती गिहे कि देल ते मना नु परखणे आला मैं ही छै। ते मैं तम्चे महु हर-हेक नु ओचे कामा चे अनुसार बदला ङी।