रोमियां 8:2 - ओङ राजपूत

² कांकि जीवन ची आत्मा ची व्यवस्था ने मसीह ईशु मां मनु पाप ची ते मौत ची व्यवस्था कनु आजाद करती ङिले।

रोमियां 8:2 ပူးပေါင်းရင်းမြစ်များ

यूहन्‍ना 4:10

ईशु ने विनु केहले, “अगर तु नरीकारा चे वरदाना नु जाणीया तां ईं वी जाणीया कि ऊं कूण छै जको तनु किहे ‘मनु पाणी पीला,’ तां तु ओकनु मांगीहा ते ओ तनु जीवन चे पाणी ङिया।”

यूहन्‍ना 4:14

पर जको कुई ओ पाणीया महु पिही जको मैं ओनु ङिही ओह बल्ति कङी तरसेला नी रिही। पर जको पाणी मैं ओनु ङिही ओचे महु हेक स्रोत बणती जई जको अनन्त जीवन तक उमड़ता रिही।”

यूहन्‍ना 6:63

नरीकारा ची आत्मा छै जको जीवन ङिये, शरीरा चे कामा लारे कुई फायदा कोनी। वचन जको मैं तम्हानु केहले, वे आत्मिक जीवन ङी।

यूहन्‍ना 8:32

तम्ही सच्‍च नु जाणा, ते सच्‍च तम्हानु आजाद करी।”

यूहन्‍ना 8:36

ऐवास्ते अगर पूत तम्हानु आजाद करी, तां सच्‍चमां ही तम्ही आजाद हुती जावा।

रोमियां 16:3

प्रिस्का ते अक्विला नु जको ईशु मसीह मां माये भईवाल हुले, वानु नमस्कार।

रोमियां 3:27

तां घमण्ड करने किठे रेहले? ओची तां जग़हा ही कोनी। किसी व्यवस्था ची वजह लारे? का कर्मा ची व्यवस्था लारे? ना, बल्कि विश्‍वास ची व्यवस्था चे वजह।

रोमियां 5:21

कि जिंवे पाप ने मौत नु फैलाते हुले राज़ करला, यूंही अम्चे प्रभु ईशु मसीह चे जरिये अनुग्रह वी अनन्त जीवन वास्ते धर्मी ठहराते हुले राज़ करो।

रोमियां 6:14

बल्ति तम्ही पापा चे अधीन नी हुवा, कांकि तम्ही व्यवस्था चे अधीन कोनी बल्कि अनुग्रह चे अधीन छिवा।

रोमियां 6:18

ते तम्हानु पापा कनु छुटकारा मिलती गेला ते तम्ही धार्मिकता चे दास बणती गेले।

रोमियां 6:22

पर हमा पाप कनु आजाद हुती कर ते नरीकारा चे दास बणती कर तम्हानु फल मिड़ला जाये कनु पवित्रता हांसिल हुवे, ते ओचा अन्त, अनन्त जीवन छै।

रोमियां 7:21

तां मैं हा व्यवस्था गिहे कि जिसे बेले भलाई करने ची इच्छा करे, तां बुराई माये गोढु आवे।

रोमियां 7:23

पर माये आपणे शरीरा चे अंगा मां ङुजे तरीके ची व्यवस्था ङिसे, ते जको माई ब़ुध्दि ची व्यवस्था लारे लड़ती रिहे, ते मनु पाप ची व्यवस्था चे बन्धन मां नाखे जको माये शरीरा चे अंगा मां छै।

रोमियां 7:4

तां हे माये भऊ, तम्ही वी मसीह ची देह चे जरिये व्यवस्था वास्ते मरले आले बणती गेले कि मसीह चे हुती जऊं, जको मरला आला महु जीता हुती गेला, ताकि अम्ही नरीकारा चे वास्ते फल आणु।

रोमियां 8:1

ऐवास्ते हमा जको मसीह ईशु मां छी, वांचे उपर ङण्ड ची आज्ञा कोनी। कांकि वे शरीरा चे अनुसार ना बल्कि आत्मा चे अनुसार चली।

1 कुरिन्थियां 15:45

जिंवे कि पवित्रशास्त्रा मां लिखले आले छै, “पेहले इन्सान यानि आदम, जीते-जी बणले” ते आखरी आदम, जीवनदायी आत्मा हुला।

2 कुरिन्थियां 3:17

प्रभु तां आत्मा छै, ते जिठे-किठी प्रभु चा आत्मा मौजुद छै, उठी आजादी छै।

2 कुरिन्थियां 3:6

ओणे अम्हानु नवें वायदे चे सेवक हुवणे चे लायक वी बणाले। हा वायदा लिखली आली व्यवस्था चा कोनी पर पवित्र आत्मा चा छै। कांकि लिखली आली व्यवस्था मौत नु पैदा करे, पर पवित्र आत्मा जीवन ङिये।

गलातियां 2:19

मैं तां व्यवस्था चे लारे व्यवस्था वास्ते मरती गेला, ताकि नरीकारा चे वास्ते जिंवे।

गलातियां 5:1

मसीह ने आजादी वास्ते अम्हानु आजाद करले, तां ऐचे मां आपणे विश्‍वास नु पक्‍के राखा ते बल्ति नियम विधान चे जूले चे रुप मां गुलामी चा वजन ना चवा।

गलातियां 6:2

ङुखा बेले हेके ङुजे ची सहायता करा तां मसीह चे व्यवस्था नु पुरे करा।

याकूब 1:25

पर जको बन्दे आजादी ची सेद्ध व्यवस्था उपर ध्यान करता रिहे, ओह आपणे कामा मां ऐवास्ते आशीष गिही कि सुणती कर भुली ना, पर उसड़े ही काम करे।

प्रकाशितवाक्य 11:11

ते साढे तीन ङिहां चे बाद नरीकारा ची ओर कनु जीवन ची आत्मा वांचे मां घिरती गेली, ते वे आपणे पग़्ग़ा चे दमा उपर भिले रेहती गेले, ते वानु जको ङेखी भिलते ले वे ब़ोहत घणे ङरती गेले।

प्रकाशितवाक्य 22:1

बल्ति ओ स्वर्ग़दूता ने मनु बिल्‍लौर जिसड़ी शीशे आलीकर झलकती हुली, जीवन चे पाणीया ची नदी ङिखाणली। जको नरीकार ते मैमणे चे सिंहासन कनु निकलती कर ओ शहरा ची सड़के चे आधी मां बेहती।