रोमियां 8:10 - ओङ राजपूत

¹⁰ अगर मसीह तम्चे मां छै, तां तम्ची देह पापा ची वजह कनु मरणे उपर वी, आत्मा धार्मिकता ची वजह जीती छै।

रोमियां 8:10 ပူးပေါင်းရင်းမြစ်များ

यूहन्‍ना 14:23

ईशु ने केहले, “अगर कुई माये लारे प्रेम राखी, तां ऊं माये वचना नु मनी। ते माया ब़ा ओचे लारे प्रेम राखी, ते अम्ही ओचे गोढु आऊं ते ओचे लारे रिहुं।

यूहन्‍ना 15:5

“मैं अंगूरा ची बल्ह छै, तम्ही लड़ीया छिवा। अगर तम्ही माये मां बणले रिहा ते मैं तम्चे मां, ते ओ घणा फल फले। कांकि तम्ही माये कनु अलग़ हुती कहीं वी ना कर सग़ा।

यूहन्‍ना 17:23

मैं वांचे मां ते तु माये मां जाये कनु वे सेद्ध हुती कर हेक हुती जाओ। बल्ति संसार ईं जाणो कि तु मनु भेज़ले ते जिसड़ा तु माये लारे प्रेम राखला उसड़ा ही वांचे लारे प्रेम राखला।

यूहन्‍ना 4:14

पर जको कुई ओ पाणीया महु पिही जको मैं ओनु ङिही ओह बल्ति कङी तरसेला नी रिही। पर जको पाणी मैं ओनु ङिही ओचे महु हेक स्रोत बणती जई जको अनन्त जीवन तक उमड़ता रिही।”

यूहन्‍ना 6:54

जको माये शरीरा नु खाते रिही ते माये लुहीं पीते रिही अनन्त जीवन ओचा छै, अन्त चे समय पे मैं ओनु बल्ति जीते करी।

यूहन्‍ना 6:56

जको माये शरीरा नु खाते रिही ते माये लुहींया नु पीते रिही ऊं माये मां बणले रिही, ते मैं ओचे मां बणला रिही।

रोमियां 5:12

ऐवास्ते जिंवे कि हेक इन्सान आदम चे जरिये संसारा मां पाप आला, ते पापा चे जरिये मौत आली, ते ये रीति लारे मौत सब इन्साना मां फैलती गेली, कांकि सारा ने पाप करला।

रोमियां 5:21

कि जिंवे पाप ने मौत नु फैलाते हुले राज़ करला, यूंही अम्चे प्रभु ईशु मसीह चे जरिये अनुग्रह वी अनन्त जीवन वास्ते धर्मी ठहराते हुले राज़ करो।

रोमियां 8:11

ते अगर ओचा ही आत्मा जेह्णे मसीह ईशु नु मरला आला महु जीते करले तम्चे मां बसला आला छै, ओही तम्चीया मरणहार देह नु वी आपणी आत्मा चे जरिये जको तम्चे मां बसला आला छै जीते करी।

1 कुरिन्थियां 15:45

जिंवे कि पवित्रशास्त्रा मां लिखले आले छै, “पेहले इन्सान यानि आदम, जीते-जी बणले” ते आखरी आदम, जीवनदायी आत्मा हुला।

2 कुरिन्थियां 13:5

आपणे आप नु परखा कि विश्‍वास मां छिवा जा कोनी, आपणे आप नु जांचा। का तम्ही आपणे बारे मां ईं ना जाणा कि ईशु मसीह तम्चे मां छै? ना तां तम्ही जांच मां निक्‍कमे निकड़ले छिवा।

2 कुरिन्थियां 4:11

कांकि अम्ही जीते-जी सदा ईशु चे वजह मौत चे हाथा मां सोंपले जऊं कि ईशु चा जीवन वी अम्चे मरणे आले शरीरा मां प्रकट हो।

2 कुरिन्थियां 5:21

मसीह जको पापा कनु निष्पाप हुता, ओनु ही नरीकारा ने अम्चे वास्ते पाप ठहराला, कि अम्ही ओचे मां हुती कर नरीकारा ची धार्मिकता चे भाग़ी हुती जऊं।

गलातियां 2:20

मैं मसीह चे लारे क्रूसा उपर चढ़ाला गेला, हमा मैं जीता ना रेहला, पर मसीह माये मां जीता छै, मैं शरीरा मां जको हमा जीता छै, तां सेर्फ ओ विश्‍वास लारे जीता छै जको नरीकारा चे पूता उपर छै जेह्णे मनु प्रेम करला, ते आपणे आप नु माये वास्ते ङिती ङिले।

इफिसियां 3:17

ते विश्‍वास लारे मसीह तम्चे मना मां बसो कि तम्ही प्रेम मां ज़हड़ पकड़ती ते नीम चे उपर टिकले रिहा ।

फिलिप्पियां 1:23

कांकि मैं ङुंहु चे आधे मां अधर लटकला पला, जी तां चाहवे कि आपणे जीवना कनु विदा हुती कर मसीह चे गोढु चाह्‍ला जाये। कांकि ईं माये वास्ते घणे आच्छे छै।

फिलिप्पियां 3:9

ते ओचे मां ही लाभे माई वे धार्मिकता ची वजह कनु ना जको व्यवस्था चे विधान उपर टिकली हुती, बल्कि वे धार्मिकता ची वजह कनु जको मसीह मां विश्‍वास ची वजह कनु मिले, जको नरीकारा कनु मिले ते जाया अधार विश्‍वास छै।

कुलुस्सियां 1:27

जाये उपर नरीकारा ने प्रकट करने चाह्‍ले, कि वानु पता लाग़ो कि सारे लौका मां ओ भेदा ची कीमत चा धन का छै? ते वा हाओ छै, कि मसीह जको महिमा ची उम्मीद छै वा तम्चे मां बणली रिहो।

1 थिस्सलुनीकियां 4:16

कांकि प्रभु आप ही स्वर्ग़ा कनु उतरी ते ओ बेले ललकार, ते प्रधान दूता चा साङ सुणीजी, ते नरीकारा ची तुरही फूकली जई, ते जको मसीह मां विश्‍वास करने आले मरले, वे पेहले जीते हुती जाये।

इब्रानियां 12:23

तम्ही नरीकारा ची वां पलेठी आला ची कलीसिया चे गोढु आती गेले, जाये नां स्वर्ग़ा मां लिखले गेले छै। तम्ही नरीकारा चे गोढु आती गेले जको सब चा न्यांयी छै, ते वां धर्मीया ची आत्मा चे गोढु आती गेले जको सेद्ध बणले हुते।

इब्रानियां 9:27

ते जिंवे इन्साना वास्ते हेक वारी मरणे ते ओचे बाद न्यां चे हुवणे तय छै,

प्रकाशितवाक्य 14:13

ते मैं स्वर्ग़ कनु हा शब्द सुणला कि, “लिखती गे, जको बन्दी प्रभु मां मरली, वे हमा कनु धन्‍न छी।” आत्मा किहे, “हां, हाओ ठीक छै। वानु आपणी मेहनत करने उपर हमा आराम मिली कांकि वांचे कर्म, वांचे लारे छी।”