रोमियां 7:5 - ओङ राजपूत

⁵ कांकि जिसे बेले अम्ही पुराणे इन्साना चे सुभाव मां हुते, तां पाप ची इच्छा जको व्यवस्था चे जरिये हुती, मौत चा फल पैदा करने वास्ते अम्चे शरीरा चे अंगा मां काम करती।

रोमियां 7:5 ပူးပေါင်းရင်းမြစ်များ

मत्ती 15:19

कांकि बुरे विचार, हत्या, परअसतरी गमन, व्यभिचार, चोरी, कूड़ी ग़वाही ते निन्दा मना कनु ही निकले।

यूहन्‍ना 3:6

कांकि जको शरीरा लारे जमले, ऊं शरीर छै, ते जको आत्मा लारे जमले ऊं आत्मा छै।

रोमियां 1:26

ऐवास्ते नरीकारा ने वानु नीच कामना चे वशा मां छोड़ती ङिले। इठे तक कि वांचीया असतरीया वी सुभाविक यौन सम्बन्धा नु छोड़ती कर असुभाविक यौन सम्बन्ध करु लाग़लीया।

रोमियां 3:20

व्यवस्था चे कामा लारे कुई वी इन्सान नरीकारा चे सामणे धर्मी ना ठहरी, कांकि सेर्फ व्यवस्था चे जरिये पापा ची पिछाण हुवे।

रोमियां 4:15

कांकि व्यवस्था तां नरीकारा चा क्रोध पैदा करे। जिठे व्यवस्था कोनी ओठे विचा उलंघन वी कोनी।

रोमियां 5:20

व्यवस्था, आधे मां आती गेली कि अपराध ब़ोहत हो, पर जिठे पाप ब़ोहत हुला, ओठे नरीकारा चा अनुग्रह ओचे कनु वी कहीं ज्यादा हुला।

रोमियां 6:13

ते ना ही आपणे शरीरा चे अंगा नु अधर्म चे हथियार हुवणे वास्ते पाप नु सोंपा, पर आपणे आप नु मरला आला महु जीते हुवणे जाणती कर आपणे शरीरा चे अंगा नु धार्मिकता चे हथियार हुवणे वास्ते नरीकारा नु सोंपा।

रोमियां 6:19

मैं तम्ची शरीरिक दुर्बलता ची वजह इन्साना ची रीति उपर किहे। जिंवे तम्ही आपणे शरीरा चे अंगा नु कुकर्म चे वास्ते अशोद्धता ते कुकर्म चे दास बणाती कर सोंपले हुते, यूंही ही हमा आपणे शरीरा चे अंगा नु पवित्रता चे वास्ते धार्मिकता चे दास करती कर सोंपती ङिया।

रोमियां 6:21

ते जिसा बाता लारे हमा तम्ही शर्मिन्दे छिवा, वांचे कनु ओ समय तम्ही का फल पाते? कांकि वांचा अन्त तां मौत छै।

रोमियां 6:23

कांकि पाप ची मजदूरी तां मौत छै, पर नरीकारा चा सेंत मेंत चा वरदान अम्चे प्रभु मसीह ईशु मां अनन्त जीवन छै।

रोमियां 7:23

पर माये आपणे शरीरा चे अंगा मां ङुजे तरीके ची व्यवस्था ङिसे, ते जको माई ब़ुध्दि ची व्यवस्था लारे लड़ती रिहे, ते मनु पाप ची व्यवस्था चे बन्धन मां नाखे जको माये शरीरा चे अंगा मां छै।

1 कुरिन्थियां 15:56

मौत चा ङंग पाप छै, ते पाप ची ताकत व्यवस्था छै।

2 कुरिन्थियां 10:3

हालांकि अम्ही संसारा मां रिहुं अगर अम्ही योद्ध यूं ना करु जिंवे संसार करे।

गलातियां 3:10

ऐवास्ते जितने लौक व्यवस्था चे कामा उपर भरोसा राखी वे श्राप चे गुलाम छी कांकि लिखले आले छै कि “जको कुई व्यवस्था चीया सारीया बाता पुरीया करने मां मजबूत ना रिही ऊं श्रापित छै। ”

गलातियां 5:24

ते जको मसीह ईशु चे छै, वाणे आपणे पापी शरीरा चा बुरा सुभाव ते बुरी लालसा ते अभिलाषा समेत क्रूसा उपर चढ़ाती ङिले

इफिसियां 2:11

ऐवास्ते याद राखा कि तम्ही शरीरा ची रीति लारे नेरीया जातिया छिवा ते जको लौक शरीरा मां हाथा चे करले हुले खतने लारे खतने आले किहवावी, वे तम्हानु बिना खतने ची किही।

इफिसियां 2:3

यांचे मां अम्ही वी सब चे सब पेहले आपणे शरीरा ची लालसा मां ङिहें गुजारते, ते शरीर ते मना ची इच्छा पुरी करते, ते नेरे लौका आलीकर सुभाव ही कनु क्रोध ची ऊलाद्ध हुते।

कुलुस्सियां 3:5

ऐवास्ते आपणे-आपणे अंगा नु मारती नाखा, जको धरती उपर छी, यानि गन्दे काम अपवित्र, बुरी इच्छा, गन्दी आदत, लोभ जको मूर्ति चे बराबर छै।

तीतुस 3:3

कांकि अम्ही वी पेहले, बेअक्‍कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते।

याकूब 1:15

बल्ति इच्छा भरले गर्भवती हुती कर पापा नु जणती ङिये ते पाप जिसे बेले बधती जाये तां मौत नु पैदा करे।

याकूब 4:1

तम्चे बीच मां लड़ाई झग़ड़े कां हुवी? का सोख-विलास कनु कोनी जको तम्चे शरीरा चे अंगा मां लड़ते-भिड़ते रिही?

1 यूहन्‍ना 3:4

जको कुई पाप करे, ऊं व्यवस्था नु ना मनी ते व्यवस्था नु ना मनणे ही पाप छै।