रोमियां 7:25 - ओङ राजपूत

²⁵ अम्चे प्रभु ईशु मसीह चे जरिये नरीकारा चा धन्यवाद हो। ऐवास्ते मैं आपणी ब़ुध्दि लारे तां नरीकारा ची व्यवस्था ची सेवा करे, पर शरीरा लारे पाप ची व्यवस्था ची सेवा करे।

रोमियां 7:25 ပူးပေါင်းရင်းမြစ်များ

मत्ती 1:21

वा पूत जमावी ते तु ओचे नां ईशु राखीयो, कांकि ऊं आपणे लौका चा वांचे पापा कनु उद्धार करी।”

रोमियां 6:14

बल्ति तम्ही पापा चे अधीन नी हुवा, कांकि तम्ही व्यवस्था चे अधीन कोनी बल्कि अनुग्रह चे अधीन छिवा।

रोमियां 6:17

पर नरीकारा चा धन्यवाद हो कि, तम्ही जको पापा चे दास हुते, हमा आपणे सारे मना लारे ओ उपदेश नु मनणे आले हुती गेले, जको तम्हानु सोंपला गेला हुता।

रोमियां 8:2

कांकि जीवन ची आत्मा ची व्यवस्था ने मसीह ईशु मां मनु पाप ची ते मौत ची व्यवस्था कनु आजाद करती ङिले।

1 कुरिन्थियां 15:57

पर नरीकारा चा धन्यवाद हो, जको अम्चे प्रभु ईशु मसीह चे जरिये अम्हानु जयवन्त करे।

2 कुरिन्थियां 9:15

नरीकारा चा, ओचे ओ वरदाना वास्ते जको वर्णन कनु ब़ाहर छै, धन्यवाद हो।

इफिसियां 5:20

ते सदा सारीया बाता चे वास्ते अम्चे प्रभु ईशु मसीह चे नांवा लारे नरीकार ब़ा चा धन्यवाद करते रिहा।

फिलिप्पियां 3:3

कांकि सच्‍चे खतने आले तां अम्ही ही छिऊं जको नरीकारा ची आत्मा ची अगुवाई लारे उपासना करु, ते मसीह ईशु उपर गर्व करु, ते शरीरा चे खतने जिसड़ी बाता पर भरोसा ना राखु।

फिलिप्पियां 4:6

कुई बाता ची चिन्ता ना करा, बल्ति हर हेक बाते मां नरीकारा कनु प्राथना ते बिनती चे लारे धन्यवाद ङिती रिहा।

कुलुस्सियां 3:17

वचना मां जा कामा मां जको कोच्छ वी करा सब प्रभु ईशु चे नांवा लारे करा, ते ओचे जरिये नरीकार ब़ा चा धन्यवाद करा।

1 पतरस 2:5

तम्ही वी आप जीते पत्थरा आलीकर आत्मिक घर बणते जावा पले, जाये कनु याजका चा पवित्र समाज बणती कर, इसड़े आत्मिक बलिदान चढ़ावा, जको ईशु मसीह चे जरिये नरीकारा नु ग्रहण हो।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,