रोमियां 7:23 - ओङ राजपूत

²³ पर माये आपणे शरीरा चे अंगा मां ङुजे तरीके ची व्यवस्था ङिसे, ते जको माई ब़ुध्दि ची व्यवस्था लारे लड़ती रिहे, ते मनु पाप ची व्यवस्था चे बन्धन मां नाखे जको माये शरीरा चे अंगा मां छै।

रोमियां 7:23 ပူးပေါင်းရင်းမြစ်များ

रोमियां 6:13

ते ना ही आपणे शरीरा चे अंगा नु अधर्म चे हथियार हुवणे वास्ते पाप नु सोंपा, पर आपणे आप नु मरला आला महु जीते हुवणे जाणती कर आपणे शरीरा चे अंगा नु धार्मिकता चे हथियार हुवणे वास्ते नरीकारा नु सोंपा।

रोमियां 6:19

मैं तम्ची शरीरिक दुर्बलता ची वजह इन्साना ची रीति उपर किहे। जिंवे तम्ही आपणे शरीरा चे अंगा नु कुकर्म चे वास्ते अशोद्धता ते कुकर्म चे दास बणाती कर सोंपले हुते, यूंही ही हमा आपणे शरीरा चे अंगा नु पवित्रता चे वास्ते धार्मिकता चे दास करती कर सोंपती ङिया।

रोमियां 7:14

कांकि अम्ही जाणु कि व्यवस्था तां आत्मिक छै, पर मैं शरीरिक छै ते पाप चे हाथा मां बिकला आला छै।

रोमियां 7:21

तां मैं हा व्यवस्था गिहे कि जिसे बेले भलाई करने ची इच्छा करे, तां बुराई माये गोढु आवे।

रोमियां 7:25

अम्चे प्रभु ईशु मसीह चे जरिये नरीकारा चा धन्यवाद हो। ऐवास्ते मैं आपणी ब़ुध्दि लारे तां नरीकारा ची व्यवस्था ची सेवा करे, पर शरीरा लारे पाप ची व्यवस्था ची सेवा करे।

रोमियां 7:5

कांकि जिसे बेले अम्ही पुराणे इन्साना चे सुभाव मां हुते, तां पाप ची इच्छा जको व्यवस्था चे जरिये हुती, मौत चा फल पैदा करने वास्ते अम्चे शरीरा चे अंगा मां काम करती।

रोमियां 8:2

कांकि जीवन ची आत्मा ची व्यवस्था ने मसीह ईशु मां मनु पाप ची ते मौत ची व्यवस्था कनु आजाद करती ङिले।

गलातियां 5:17

कांकि पाप चा शरीर ची बुरी लालसा पवित्र आत्मा चे विरोध मां, ते पवित्र आत्मा शरीरा ची बुरी लालसा चे विरोध मां इच्छा करे ये हेके ङुजे चे विरोधी छी, कांकि जको तम्ही करना चाहवा ऊं ना कर सग़ा।

इब्रानियां 12:4

पाप चे खिलाप आपणे संघर्ष मां तम्ही हमा तक वे हद्दी तक प्रतिरोध कोनी करला कि तम्हानु लुहीं बाहवणे पड़ो।

याकूब 3:2

ऐवास्ते कि अम्ही सारे घणा वारी चुकती जऊं : जको कुई बन्दे ब़ोलणे मां ना चुकी, ऊंही तां पक्‍के बन्दे छै, ते पुरे शरीरा नु वी वशा मां कर सग़े।

याकूब 4:1

तम्चे बीच मां लड़ाई झग़ड़े कां हुवी? का सोख-विलास कनु कोनी जको तम्चे शरीरा चे अंगा मां लड़ते-भिड़ते रिही?

1 पतरस 2:11

हे प्यारे, मैं तम्हा कनु बिनती करे पला, कि तम्ही संसारा मां प्रदेसीया चे रूपा मां छिवा, जको तम्ची आत्मा लारे योद्ध करतीया रिही वा शरीरा चा इच्छा कनु तम्ही बचले रिहा।