रोमियां 7:21 - ओङ राजपूत

²¹ तां मैं हा व्यवस्था गिहे कि जिसे बेले भलाई करने ची इच्छा करे, तां बुराई माये गोढु आवे।

रोमियां 7:21 ပူးပေါင်းရင်းမြစ်များ

लूका 4:1

बल्ति ईशु पवित्र आत्मा लारे भरीती कर, यरदन कनु वापिस आला, ते चालीस ङिहां तक पवित्र आत्मा चे सिखावणे लारे बरब्याना मां फिरता रेहला,

यूहन्‍ना 8:34

ईशु ने वानु उत्तर ङिला, “मैं तम्हानु सच्‍च-सच्‍च किहे पला, हर बन्दे जको पाप करे ऊं पाप चे गुलाम छै।

रोमियां 6:12

ऐवास्ते पाप तम्चे नाशवान शरीरा मां राज़ ना करो, कि तम्ही पाप ची इच्छा चे अधीन रिहा।

रोमियां 6:14

बल्ति तम्ही पापा चे अधीन नी हुवा, कांकि तम्ही व्यवस्था चे अधीन कोनी बल्कि अनुग्रह चे अधीन छिवा।

रोमियां 7:23

पर माये आपणे शरीरा चे अंगा मां ङुजे तरीके ची व्यवस्था ङिसे, ते जको माई ब़ुध्दि ची व्यवस्था लारे लड़ती रिहे, ते मनु पाप ची व्यवस्था चे बन्धन मां नाखे जको माये शरीरा चे अंगा मां छै।

रोमियां 7:25

अम्चे प्रभु ईशु मसीह चे जरिये नरीकारा चा धन्यवाद हो। ऐवास्ते मैं आपणी ब़ुध्दि लारे तां नरीकारा ची व्यवस्था ची सेवा करे, पर शरीरा लारे पाप ची व्यवस्था ची सेवा करे।

रोमियां 8:2

कांकि जीवन ची आत्मा ची व्यवस्था ने मसीह ईशु मां मनु पाप ची ते मौत ची व्यवस्था कनु आजाद करती ङिले।

इब्रानियां 2:17

ऐवास्ते ओनु जरुरी हुते, कि सब बाता मां आपणे भावां आलीकर बणो, जाये कनु ओ वां बाता मां जको नरीकारा लारे मेल खई, हेक दया करने आला ते भरोसेमन्द महायाजक बणो, कि लौका चे पापा वास्ते प्रायश्‍चित करो।

इब्रानियां 4:15

कांकि अम्चा महायाजक इसड़ा कोनी जको अम्ची कमजोरीया मां अम्चे लारे ङुखी ना हो सग़ो। बल्कि ओ सब बाता मां अम्चे आलीकर परखला गेला, तां वी निष्पाप रेहला।

2 पतरस 2:19

वे वानु आजाद करने चा वायदा तां करी पर आप ही सड़ाहट चे गुलाम छी, कांकि जको बन्दे जाकनु हारती गेले, ऊं ओचे गुलाम बणती जाये।