रोमियां 7:14 - ओङ राजपूत

¹⁴ कांकि अम्ही जाणु कि व्यवस्था तां आत्मिक छै, पर मैं शरीरिक छै ते पाप चे हाथा मां बिकला आला छै।

रोमियां 7:14 ပူးပေါင်းရင်းမြစ်များ

मत्ती 16:23

ईशु ने मुड़ती कर पतरस नु केहले, “हे शैतान, माये सामणे कनु दूर हो! तु माये वास्ते ठोकर ची वजह छी। कांकि तु नरीकारा चीया बाता उपर ना, पर तु इन्साना चीया बाता उपर मन लावी।”

मत्ती 18:25

जबकि कर्जा चुकाणे वास्ते ओकनु कहीं वी कोनी हुते, ते ओचे स्वामीया ने केहले, ‘हा ते ऐची घराआली ते ब़ाले-ब़च्‍ची ते जको कोच्छ ऐचे छै सारे बेचले जाओ, ते कर्जा चुकाती ङिला जाओ।’

मत्ती 5:22

पर मैं तम्हानु किहे कि जको कुई आपणे भावां उपर गुस्सा करे, ऊं कचेहरी मां ङण्ड चे लायक हुवी, ते जको कुई आपणे भावां नु निक्‍कमा किही, ऊं महासभा मां ङण्ड चे लायक हुवी। ते जको कुई आपणे भावां नु किहे अरे मूर्ख, नरीकार ओनु नर्क चे जाखते मां नाखती ङिही।

मत्ती 5:28

पर मैं तम्हानु ईं किहे पला, कि जको कुई पराई असतरी नु बुरी नजरी लारे ङेखे, ओह आपणे मना मां ही विचे लारे व्यभिचार करती चुकला।

लूका 5:8

ईं ङेखती कर शमौन पतरस ईशु चे पग़्ग़ा मां ढेती कर केहले, “हे प्रभु, माये कनु जा, मैं पापी बन्दे छै।”

लूका 7:6

ईशु वांचे लारे गेला, पर जब ओह घरा चे दूर कोनी हुता, तां रोमी सूबेदारा ने ओचे गोढु आपणे कई साथीया चे जरिये केहती भेज़ले, “हे प्रभु, ङोख ना चा, कांकि मैं ऐस लायक कोनी कि तु माई छत्ते तले आ।

रोमियां 3:9

ते बल्ति का हुले? का अम्ही वांचे कनु आच्छे छिऊं? कङी वी ना, कांकि अम्ही यहूदिया ते यूनानिया उपर ईं बावड़ती चुकले कि वे सारे चे सारे पाप चे वशा मां छी।

रोमियां 6:6

कांकि अम्ही जाणु कि अम्चा पुराणा सुभाव ईशु चे लारे क्रूसा उपर चढ़ाला गेला, ताकि पाप चे शरीर नाश हुती जाओ, कि आग़ु कनु अम्ही पाप चे गुलाम ना बणु।

रोमियां 7:18

कांकि मैं जाणे, कि माये मां यानिकि माये शरीरा मां कुई आच्छी चीज वास ना करी। इच्छा तां माये मां छै, पर भले काम माये कनु हुवी ना।

गलातियां 4:3

अम्ची वी उसड़ी दशा हुती अम्ही वी जिसे बेले ब़ाला चे समान हुते तां दुनिया ची व्यवस्था गुलामी मां हुते।

इफिसियां 3:8

मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे।

इब्रानियां 4:12

कांकि नरीकारा चा वचन जीता, प्रबल, ते ङुंहु धारी तलवारी कनु वी तेज छै, जको अम्चे भीतर जती कर अम्ची आत्मा, प्राण नु जोड़ा नु ते गूदे-गूदे नु अलग़ करती कर, आर-पार छैदती ङिये ते मना चे भावना ते विचारा नु जांचे।