रोमियां 7:13 - ओङ राजपूत

¹³ ते का वा जको आच्छी हुती, माये वास्ते मौत ठहरली? कङी वी कोनी। पर पाप वे आच्छी चीजे चे जरिये, माये वास्ते मौत नु पैदा करने आला हुला कि ओचे पाप हुवणे प्रकट हो, ते आज्ञा जरिये पाप ब़ोहत ही पापमय ठहरे।

रोमियां 7:13 ပူးပေါင်းရင်းမြစ်များ

मत्ती 28:8

वे भय ते बङी खुशी लारे कब्री कनु जल्दी पुठे आती कर ओचे चैला नु समाचार ङेणे चे वास्ते द्रोड़ती पलीया।

लूका 20:16

ओ आती कर वां जमींदारा नु नाश करी, ते अंगूरा ची बाड़ी नेरा नु सोंपती ङी।” ईं सुणती कर वाणे केहले, “नरीकार करो इसड़े ना हो।”

रोमियां 5:20

व्यवस्था, आधे मां आती गेली कि अपराध ब़ोहत हो, पर जिठे पाप ब़ोहत हुला, ओठे नरीकारा चा अनुग्रह ओचे कनु वी कहीं ज्यादा हुला।

रोमियां 8:3

कांकि जको काम व्यवस्था, शरीरा चे वजह दुर्बल हुती कर ना कर सग़ली, ओनु नरीकारा ने करले, यानिकि आपणे ही पूता नु पापमय शरीरा ची समानता मां, ते पाप चे बलिदान हुवणे चे वास्ते भेज़ती कर, शरीरा मां पापा उपर ङण्ड ची आज्ञा ङिली।

गलातियां 3:21

तां कां व्यवस्था नरीकारा चे वायदे चे विरोध मां छै? कङी वी ना हो, कांकि अगर नियम इसड़ा ङिला जईया जको जीवन ङे सग़ीया तां सच्‍चमां धार्मिकता व्यवस्था लारे ही हुवीया,