रोमियां 6:6 - ओङ राजपूत

⁶ कांकि अम्ही जाणु कि अम्चा पुराणा सुभाव ईशु चे लारे क्रूसा उपर चढ़ाला गेला, ताकि पाप चे शरीर नाश हुती जाओ, कि आग़ु कनु अम्ही पाप चे गुलाम ना बणु।

रोमियां 6:6 ပူးပေါင်းရင်းမြစ်များ

रोमियां 6:12

ऐवास्ते पाप तम्चे नाशवान शरीरा मां राज़ ना करो, कि तम्ही पाप ची इच्छा चे अधीन रिहा।

रोमियां 6:22

पर हमा पाप कनु आजाद हुती कर ते नरीकारा चे दास बणती कर तम्हानु फल मिड़ला जाये कनु पवित्रता हांसिल हुवे, ते ओचा अन्त, अनन्त जीवन छै।

रोमियां 7:14

कांकि अम्ही जाणु कि व्यवस्था तां आत्मिक छै, पर मैं शरीरिक छै ते पाप चे हाथा मां बिकला आला छै।

रोमियां 8:13

कांकि अगर तम्ही शरीरा चे अनुसार ङिहें कटा तां, मरती जावा, अगर पवित्र आत्मा देह चे कामा नु मारा, तां जीते रिहा।

2 कुरिन्थियां 5:14

कांकि मसीह चा प्रेम अम्हानु बेबस करती नाखे, ऐवास्ते कि अम्ही ईं समझु कि, जिसे बेले हेक सब वास्ते मरला तां सारे मरती गेले।

गलातियां 2:20

मैं मसीह चे लारे क्रूसा उपर चढ़ाला गेला, हमा मैं जीता ना रेहला, पर मसीह माये मां जीता छै, मैं शरीरा मां जको हमा जीता छै, तां सेर्फ ओ विश्‍वास लारे जीता छै जको नरीकारा चे पूता उपर छै जेह्णे मनु प्रेम करला, ते आपणे आप नु माये वास्ते ङिती ङिले।

गलातियां 5:24

ते जको मसीह ईशु चे छै, वाणे आपणे पापी शरीरा चा बुरा सुभाव ते बुरी लालसा ते अभिलाषा समेत क्रूसा उपर चढ़ाती ङिले

गलातियां 6:14

पर यूं ना हो कि मैं नेरी कुई बाते चा घमण्ड करे, सेर्फ अम्चे प्रभु ईशु मसीह चे क्रूसा चा, जाये जरिये संसार माई नजरी मां ते मैं संसारा ची नजरी मां क्रूसा उपर चढ़ाला गेला

इफिसियां 4:22

कि तम्ही पेहले चाल-चलन चे पुराणे सुभाव नु जको भरमाणे आली लालसा चे अनुसार भ्रष्ट हुता जाये, उतारती नाखा।

कुलुस्सियां 3:5

ऐवास्ते आपणे-आपणे अंगा नु मारती नाखा, जको धरती उपर छी, यानि गन्दे काम अपवित्र, बुरी इच्छा, गन्दी आदत, लोभ जको मूर्ति चे बराबर छै।

तीतुस 3:3

कांकि अम्ही वी पेहले, बेअक्‍कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते।