रोमियां 6:21 - ओङ राजपूत

²¹ ते जिसा बाता लारे हमा तम्ही शर्मिन्दे छिवा, वांचे कनु ओ समय तम्ही का फल पाते? कांकि वांचा अन्त तां मौत छै।

रोमियां 6:21 ပူးပေါင်းရင်းမြစ်များ

रोमियां 1:32

वे तां नरीकारा ची ये विधि नु जाणी कि इसड़े-इसड़े काम करने आले मौत चे ङण्ड चे लायक छी, पर खौद्द वी करी ते इसड़े काम करने आला चे लारे सहमत वी हुवी।

रोमियां 5:12

ऐवास्ते जिंवे कि हेक इन्सान आदम चे जरिये संसारा मां पाप आला, ते पापा चे जरिये मौत आली, ते ये रीति लारे मौत सब इन्साना मां फैलती गेली, कांकि सारा ने पाप करला।

रोमियां 6:16

का तम्ही ना जाणा कि जाई आज्ञा मनणे चे वास्ते तम्ही आपणे-आप नु दासा आलीकर सोंपती ङिया, तां तम्ही ओचे दास छिवा, चाहे पाप चे, जाया अन्त मौत छै, चाहे आज्ञा मनणे चे, जाया अन्त धार्मिकता छै?

रोमियां 6:23

कांकि पाप ची मजदूरी तां मौत छै, पर नरीकारा चा सेंत मेंत चा वरदान अम्चे प्रभु मसीह ईशु मां अनन्त जीवन छै।

रोमियां 7:5

कांकि जिसे बेले अम्ही पुराणे इन्साना चे सुभाव मां हुते, तां पाप ची इच्छा जको व्यवस्था चे जरिये हुती, मौत चा फल पैदा करने वास्ते अम्चे शरीरा चे अंगा मां काम करती।

रोमियां 8:13

कांकि अगर तम्ही शरीरा चे अनुसार ङिहें कटा तां, मरती जावा, अगर पवित्र आत्मा देह चे कामा नु मारा, तां जीते रिहा।

रोमियां 8:6

शरीरा उपर मन लावणे तां मौत छै, पर आत्मा उपर मन लावणे जीवन ते शान्ति छै।

2 कुरिन्थियां 4:2

पर अम्ही लज़्ज़ा चे गुप्त कामा नु त्याग़ती ङिले, ते ना ही चतराई लारे टुरु, ते ना ही नरीकारा चे वचना मां मिलावट करु, पर सच्‍चाई नु उजागर करु, नरीकारा चे सामणे हर हेक इन्सान चे विवेक मां आपणी भलाई ब़िसाणु।

2 कुरिन्थियां 7:11

तां ङेखा, ईं ङोख जको नरीकारा ने ङिले, ओणे तम्चे मां कितनी इच्छा जग़ाती ङिली, ते प्रत्युतर, रीस, ङर, इच्छा, धोन्‍न ते बदला गेहणे चा विचार पैदा करती ङिला। तम्ही सारीया बाता मां हा साबित करती ङिले, कि तम्ही ये बाते मां बेकसूर छिवा।

फिलिप्पियां 3:19

वांचा नाश वांची नियत छै। वांचे ढेड्ड ही ईश्‍वर छै। वे लज़्ज़ा ची बाता उपर घमण्ड करी, ते धरती चे बाता उपर मन लाली रिही।

इब्रानियां 10:29

तां सोचती गिहा कि ओ कितने भारी ङण्ड चा भाग़ी बणी, जेह्णे नरीकारा चे पूता चा अनादर करला ते वाचा चे लुहींया नु जाये जरिये ओ पवित्र ठहराला गेलता, अपवित्र जाणले ते अनुग्रह ची आत्मा चा अपमान करला।

इब्रानियां 6:8

पर वाहो भोंये अगर झाड़ ते ऊंठकटारे उग़ावे तां वा कुई कामा ची कोनी ते श्रापित हुवणे उपर छै। जाखते मां ब़ालती नाखणे विचा अन्त छै।

याकूब 1:15

बल्ति इच्छा भरले गर्भवती हुती कर पापा नु जणती ङिये ते पाप जिसे बेले बधती जाये तां मौत नु पैदा करे।

याकूब 5:20

तां ओ ईं जाणती गिहो कि जको कुई भटकले आले पापीया नु पुठे फेरती आणी, ओ हेक आत्मा नु हमेशा ची मौत कनु बचावी ते ओचे कई पाप माफ करले जाये।

1 पतरस 4:17

कांकि ओ समय आती गेला, कि पेहले नरीकारा चे लौका चा न्यां करला जई, ते जबकि न्यां ची शुरुआत अम्चे ही कनु हुवी। ते वा लौका चा का अन्त हुवी जको नरीकारा चे सुसमाचार नु ना मनी? जिंवे शास्त्र मां लिखले पले,

1 यूहन्‍ना 2:28

हे माई प्यारी ब़ाले, ईशु मां बणले रिहा कि जिसे बेले ओ प्रकट हो, तां अम्हानु हिम्मत हो। ते अम्ही ओचे आणे उपर ओचे सामणे आणे कनु शर्माऊं ना।

प्रकाशितवाक्य 16:6

कांकि यांणे पवित्र लौका चे, ते भविष्यवक्‍ता चे लुहीं बाहले हुते, ऐवास्ते तु वानु लुहीं पिलाले। कांकि वे ऐचे लायक छी।”

प्रकाशितवाक्य 20:14

ते मौत ते पताल वी जाखते ची झील मां नाखले गेले। हा जाखते ची झील ही ङुजी मौत छै।