रोमियां 5:5 - ओङ राजपूत

⁵ ते आस अम्हानु निराश ना हुं ङी, कांकि पवित्र आत्मा जको अम्हानु ङिला गेला ओचे जरिये नरीकारा चा प्रेम अम्चे मना मां नाखला गेला।

रोमियां 5:5 ပူးပေါင်းရင်းမြစ်များ

प्रेरितां चे काम 10:45

ते जितने यहूदी विश्‍वासी पतरस चे लारे आलते, वे सारे हैरान हुले कि नेरीया जातिया उपर वी पवित्र आत्मा उतरला।

प्रेरितां चे काम 2:17

“ ‘नरीकारा ने केहले कि आखरी ङिहां मां इसड़े हुवी कि मैं आपणी आत्मा सारे इन्साना उपर उतारती ङिही। बल्ति तम्चे पूत ते तम्चीया छुवेरीया भविष्यवाणी करे, ते तम्चे जवान दर्शन ङेखे ते तम्चे बुजर्ग खाब ङेखे।

प्रेरितां चे काम 2:33

यूं करती नरीकारा चे सज़्ज़े हाथा कनु ऊंची पद्दवी गेहती कर, ते ब़ा कनु वा पवित्र आत्मा गेहती कर जाया वायदा करला गेलता, ओणे हा उण्डेलती ङिला जको तम्ही ङेखा ते सुणा वी।

रोमियां 1:7

वां सारा चे नांवे जको रोम मां नरीकारा चे प्यारे ते पवित्र हुवणे वास्ते हकारले गेले। अम्चा ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलती रिहो।

रोमियां 8:28

ते अम्ही जाणु कि, जको लौक नरीकारा लारे प्रेम राखे, वांचे वास्ते सारीया बाता मिलती कर भलाई ही नु पैदा करी यानिकि वांचे ही वास्ते जको ओची इच्छा चे अनुसार हकारले गेले छै।

रोमियां 9:33

जिसड़े कि पवित्रशास्त्रा मां लिखले पले, “ङेखा, मैं सिय्योन मां ठोकर खाणे चा पत्थर, जको ठोकर खाणे ची चट्टान छै मेहले पला। ते जको ओचे उपर विश्‍वास करी, ऊं शर्मिन्दे नी हुवी।”

1 कुरिन्थियां 8:3

पर अगर कुई नरीकारा लारे प्रेम राखे, तां ओनु नरीकार पिछाणती गिहे।

2 कुरिन्थियां 1:22

ओही नरीकारा ने अम्चे उपर मौहर वी लाती ङिली, ते बयाने मां पवित्र आत्मा नु अम्चे दिला मां ङिला।

2 कुरिन्थियां 13:14

प्रभु ईशु मसीह चा अनुग्रह ते नरीकारा चा प्रेम ते पवित्र आत्मा ची सहभागिता तम्चे सब लारे हुती रिहो। आमीन।

2 कुरिन्थियां 3:18

पर जब अम्चे सब चे उघाड़े चेहरे कनु प्रभु ची महिमा यूं प्रकट हुवे, जिंवे करती शीशे मां हुवे। तां प्रभु चे जरिये जको आत्मा छै, अम्ही ओचे तेजस्वी रुप मां अंश-अंश करती बदलते जऊं पले।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

गलातियां 4:6

ऐवास्ते तम्ही ओचे पूत छिवा नरीकारा ने आपणे पूता ची आत्मा नु तम्चे दिला मां भेज़े ते वा “हे पिताजी, हे ब़ा केहती साङ मारे।”

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

इफिसियां 1:13

ते जिसे बेले तम्ही सच्‍चाई चा वचन सुणला ओ तम्चे उद्धार चा सुसमाचार हुता, जिसे ईशु मसीह उपर तम्ही विश्‍वास करला ते वायदा करले आले पवित्र आत्मा ची छाप लाली।

इफिसियां 4:30

ते नरीकारा ची पवित्र आत्मा नु ङुखी ना करा, जाये कनु तम्चे उपर छुटकारे चे ङिओ वास्ते छाप ङिली गेली छै,

फिलिप्पियां 1:20

मैं तां हाओ दिला ची लालसा ते आस राखे कि मैं कुई बाते मां शर्मिन्दा ना हुवे, पर जिंवे माई बङी हिम्मत चे जरिये मसीह ची बढ़ाई माये शरीरा चे जरिये सदा हुती रेहली, यूंही हमा वी हो, चाहे मैं जीता रिहे जा मरती जाये।

1 थिस्सलुनीकियां 4:8

ऐस वजह जको तोच्छ जाणे, ओ इन्साना नु कोनी, पर नरीकारा नु तोच्छ जाणे, जको आपणा पवित्र आत्मा तम्हानु ङिये।

2 थिस्सलुनीकियां 2:16

अम्चा प्रभु ईशु मसीह आप ही, ते अम्चा ब़ा नरीकार, जेह्णे अम्चे लारे प्रेम राखला ते अनुग्रह चे लारे हमेशा ची शान्ति ते आच्छी आस ङिली,

2 तीमुथियुस 1:12

येही वजह मैं ऐ कैदखाने चे ङुखा नु चवे पला, पर शर्म ना करी, कांकि मैं ओनु जाये उपर मैं विश्‍वास करला, जाणे पला, ते मनु पक्‍के छै कि जको मनु सोंपला गेला ओ आखरी ङिओ तक रखवाली करी।

1 यूहन्‍ना 4:19

अम्ही ऐवास्ते प्रेम करु, कि पेहले नरीकारा ने अम्चे लारे प्रेम करला।