रोमियां 5:2 - ओङ राजपूत

² ते ओचे ही जरिये विश्‍वासा चे वजह ओ अनुग्रह तक जाये मां अम्ही बणले आले छिऊं, पोंहच वी हुली। ते अम्ही नरीकारा ची महिमा ची आस उपर घमण्ड करु।

रोमियां 5:2 ပူးပေါင်းရင်းမြစ်များ

मत्ती 25:21

“ओचे मालिका ने ओनु केहले, ‘धन्‍न छी, हे आच्छा ते भरोसेमन्द दास, तु थोड़े मां भरोसेमन्द रेहला, मैं तनु घणीया चीजा चा अधिकारी बणावी। आपणे मालिका ची खुशी मां शामिल हो।’

यूहन्‍ना 10:7

तब ईशु ने वानु बल्ति केहले, “मैं तम्हानु सच्‍च-सच्‍च किहे, भेङा चे दरवाजे मैं छै।

यूहन्‍ना 10:9

दरवाजे मैं छै, अगर कुई माये लारे भीतर आवे तां ऊं बचाले जई। ऊं भीतर ब़ाहर आवी जई ते चर्रा मिली।

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

यूहन्‍ना 5:24

“मैं तम्हानु सच्‍च-सच्‍च किहे पला, जको माया वचन सुणती कर माये भेज़णे आले उपर विश्‍वास करे अनन्त जीवन ओचा छै ते ओचे उपर सजा ची आज्ञा नी हुवी पर ओ मौत कनु पार हुती कर हमेशा ची जीन्दगी मां घिरती चुकला।

प्रेरितां चे काम 14:27

ओठे पुज़ती कर वाणे कलीसिया नु भेले करले ते वानु बावड़ले कि, “नरीकारा ने अम्चे लारे हुती कर किसड़ी बङी-बङी कामे करली, ते नेरीया जातिया चे वास्ते विश्‍वास चे दरवाजे खोलती नाखले।”

रोमियां 11:20

हा सच्‍च बात छै, कि वे तां अविश्‍वास चे वजह भांलीया गेलीया, पर तु विश्‍वासा मां बणला रिही। ऐवास्ते घमण्डी ना हो, पर भय राख।

रोमियां 12:12

आपणी आस चे बारे मां खौश रिहा, क्लेश चे बारे मां तसल्‍ली राखा ते प्राथना चे बारे मां मजबूत रिहा।

रोमियां 14:4

तु कूण छी जको ङुजे चे सेवक उपर दोष लावी? ओचे मजबूत रेहणे जा ढेती जाणे ओचे मालिका कनु ही सम्बन्ध राखे। बल्कि ओ मजबूत ही करला जई, कांकि प्रभु ओनु मजबूत कर सग़े।

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

रोमियां 3:23

कांकि सब ने पाप करला ते नरीकारा ची महिमा कनु दूर हुती गेले,

रोमियां 5:5

ते आस अम्हानु निराश ना हुं ङी, कांकि पवित्र आत्मा जको अम्हानु ङिला गेला ओचे जरिये नरीकारा चा प्रेम अम्चे मना मां नाखला गेला।

रोमियां 8:1

ऐवास्ते हमा जको मसीह ईशु मां छी, वांचे उपर ङण्ड ची आज्ञा कोनी। कांकि वे शरीरा चे अनुसार ना बल्कि आत्मा चे अनुसार चली।

रोमियां 8:24

अम्ची आस चे जरिये तां अम्चा उद्धार हुला। पर जिसी चीजे ची आस करली जाये जिसे बेले वा ङेखणे मां आवे, तां बल्ति आस किठे रेहली? कांकि जिसी चीजे नु कुई ङेखती गिहो ओची आस कूण करी?

1 कुरिन्थियां 15:1

हे माये भऊ, मैं तम्हानु ओही सुसमाचार बावड़े पला जको पेहले सुणाती चुकला जको तम्ही मनती वी चुकले हुते, ते जाये मां तम्ही मजबूत वी छिवा।

2 कुरिन्थियां 3:18

पर जब अम्चे सब चे उघाड़े चेहरे कनु प्रभु ची महिमा यूं प्रकट हुवे, जिंवे करती शीशे मां हुवे। तां प्रभु चे जरिये जको आत्मा छै, अम्ही ओचे तेजस्वी रुप मां अंश-अंश करती बदलते जऊं पले।

2 कुरिन्थियां 4:17

कांकि अम्चा पल भर चा हल्का जा क्लेश अम्हानु हमेशा वास्ते अपार महिमा ङिवावे, जाई बराबरी काये लारे ना करली जा सग़े,

इफिसियां 2:18

कांकि मसीह चे वजह हेको ही पवित्र आत्मा मां अम्ही ङोनी यहूदी, नेरीया जातिया ची पोंहच ब़ा नरीकारा तक हुवे।

इफिसियां 3:12

मसीह मां हुती कर ओचे उपर विश्‍वास करने लारे अम्हानु हिम्मत ते भरोसा हुला कि अम्ही नरीकारा चे गोढु जा सग़ु।

इफिसियां 6:13

ऐवास्ते नरीकारा चे सारे हथियार ब़ांथी गिहा कि तम्ही बुरे ङिहां मां दुष्टता चा सामना कर सग़ा, ते सब कोच्छ पुरे करती कर अन्त तक टिकले रिहा।

2 थिस्सलुनीकियां 2:16

अम्चा प्रभु ईशु मसीह आप ही, ते अम्चा ब़ा नरीकार, जेह्णे अम्चे लारे प्रेम राखला ते अनुग्रह चे लारे हमेशा ची शान्ति ते आच्छी आस ङिली,

इब्रानियां 3:6

पर मसीह पूता आलीकर नरीकारा चे घरा चा अधिकारी छै। अगर अम्ही मजबूत विश्‍वासा उपर ते आपणी आस चे गर्व उपर अन्त तक मजबूती लारे बणले रिहुं, तां अम्ही ओचे घराणे छिऊं।

इब्रानियां 6:18

इठे कङी ना बदलने आलीया ङोन बाता छी, हेक ओचा वायदा ते हेक ओची कसम जाये बारे मां नरीकार कूड़ा साबित हो ही ना सग़ी। अम्ची मजबूती लारे हिम्मत ब़झती जाओ, जको आसरा गेहणे वास्ते ऐवास्ते द्रोड़ले कि वे आस नु जको सामणे पली आली छै गे सग़ु।

1 पतरस 3:18

कांकि मसीह ने वी अम्चे पापा चे वास्ते ङोख भोग़ले। यानिकि ओ बेकसूर हुता। अम्चे पापा चे वास्ते हेक वारी मरती गेला कि अम्हानु नरीकारा चे गोढु गेहती जाओ। शरीरा चे जरिये तां ओ मारला गेला, पर आत्मा चे जरिये जिवाला गेला।

प्रकाशितवाक्य 21:11

नरीकारा ची महिमा ओचे मां हुती, ते ओचे सोज़ले घणे बेशकीमती पत्थरा आलीकर हुते, यानिकि बिल्‍लौर चे आलीकर यशब आलीकर साफ-सुथरी हुती।

प्रकाशितवाक्य 21:23

ते ओ शहरा मां सूरज ते चाँदा चे सोज़ले ची जरुरत कोनी। कांकि नरीकारा चे तेज लारे ओचे मां सोज़ले हुवे पले, ते मैमणे ओचा ङीवा छै।

प्रकाशितवाक्य 21:3

बल्ति मैं सिंहासन महु कानु ऊंची अवाजी मां हा केहते हुले सुणले कि, “ङेखा, नरीकारा चा डेरा लौका चे बीच मां छै, ओ वांचे लारे डेरा करी, ते वे ओचे लौक हुवे, ते नरीकार आप वांचे लारे रिही, ते वांचा नरीकार हुवी।

प्रकाशितवाक्य 3:21

जको जीतती जई, मैं ओनु आपणे लारे आपणे सिंहासना उपर ब़िसाणी, जिंवे मैं वी जीतती कर आपणे ब़ा चे लारे ओचे सिंहासना उपर ब़ेसती रेहला।