रोमियां 4:17 - ओङ राजपूत

¹⁷ जिसड़े कि पवित्रशास्त्र मां लिखले आले छै, “मैं तनु ब़ोहत सारीया जातिया चा ब़ा ठहराला।” नरीकारा चे सामणे अब्राहम अम्चा ब़ा छै, जेह्णे ओ नरीकारा उपर विश्‍वास करला, जको मरला आला नु जीते करे ते जको बाता छी ही कोनी, वांचे नां इसड़े गिहे, कि मनती गिहा कि वे छी।

रोमियां 4:17 ပူးပေါင်းရင်းမြစ်များ

मत्ती 3:9

ते आपणे-आपणे मना मां ईं ना सोचा, ‘अम्चा ब़ा अब्राहम छै,’ कांकि मैं तम्हानु किहे पला कि नरीकार यां पत्थरा महु अब्राहम वास्ते ऊलाद्ध पैदा कर सग़े।

यूहन्‍ना 5:21

कांकि जिंवे ब़ा मरले आला नु उठाणे ते जीते करे, यूं करती पूत वी जानु चाहो ओनु जिवावे।

यूहन्‍ना 5:25

मैं तम्हानु सच्‍च-सच्‍च किहे पला, ओह समय आवे पला ते हमा छै, जाये मां मरले आले नरीकारा चे पूता ची अवाज सुणे ते जको सुणे वे जिंवे।

यूहन्‍ना 6:63

नरीकारा ची आत्मा छै जको जीवन ङिये, शरीरा चे कामा लारे कुई फायदा कोनी। वचन जको मैं तम्हानु केहले, वे आत्मिक जीवन ङी।

प्रेरितां चे काम 15:18

हा ओही प्रभु किहे जको जग़त ची शुरुआत कनु यां बाता चा समाचार ङिता आला।’

रोमियां 3:29

का नरीकार सेर्फ यहूदिया चा ही छै? का नेरीया जातिया चा कोनी? हव्वे, नेरीया जातिया चा वी छै।

रोमियां 4:18

अब्राहम ने कुई आस ची जग़हा ना हुवणे उपर वी आपणे मना मां आस राखती कर विश्‍वास करला। ऐवास्ते वचन चे अनुसार ओ ब़ोहत सारीया जातिया चा ब़ा बणला। जिंवे कि पवित्रशास्त्र मां लिखले पले, “दुधा वंश इसड़ा हुवी।”

रोमियां 4:2

कांकि अगर अब्राहम कामा लारे धर्मी ठहराला जाये हा, तां ओनु घमण्ड करने ची वजह हुवे हा, पर नरीकारा चे गोढु कोनी।

रोमियां 8:11

ते अगर ओचा ही आत्मा जेह्णे मसीह ईशु नु मरला आला महु जीते करले तम्चे मां बसला आला छै, ओही तम्चीया मरणहार देह नु वी आपणी आत्मा चे जरिये जको तम्चे मां बसला आला छै जीते करी।

रोमियां 9:11

ते हमा तक ना तां ब़ाले जमली हुती, ते ना ही वाणे कोच्छ भले जा बुरे करले हुते, ऐवास्ते कि नरीकार ची मनसा जको ओचे चुणती गेहणे चे अनुसार छै, कामा ची वजह कोनी, पर हकारने आला उपर बणली रिहो,

रोमियां 9:26

ते, “इसड़े हुवी कि जिसी जग़हा मां वानु केहले गेले हुते, कि ‘तम्ही माई प्रजा कोनी छिवा,’ वेही जग़हा मां वे जीते नरीकारा ची ऊलाद्ध किहवावे।”

1 कुरिन्थियां 1:28

ते नरीकारा ने जग़त चे नीच ते तुच्छा नु, यानि जको छी वी कोनी वानु वी चुणती गेले कि वानु जको छी, बेकार ठहराओ,

1 कुरिन्थियां 15:45

जिंवे कि पवित्रशास्त्रा मां लिखले आले छै, “पेहले इन्सान यानि आदम, जीते-जी बणले” ते आखरी आदम, जीवनदायी आत्मा हुला।

1 तीमुथियुस 6:13

मैं तनु नरीकारा मां जको सारा नु जीवन ङिये, ते ईशु मसीह नु ग़वाह करती कर जेह्णे पुन्तियुस पिलातुस चे सामणे आच्छी ग़वाही ङिली, मैं वांची मौजुदगी मां तनु हा आज्ञा ङिये पला,

इब्रानियां 11:12

ऐ वजह कनु हेक ही अब्राहम कनु जको मरले आले जिसड़ा हुता, इतने वंश पैदा हुले, जितने आसमाना मां तारे ते समुन्दरा चे किनारे उपर रेता चे कण छी।

इब्रानियां 11:3

विश्‍वासा लारे ही अम्ही जाणती जऊं, कि सारी रचना नरीकारा चे वचना चे जरिये हुली। पर ईं कोनी कि जको कोच्छ ङेखणे मां आवे, ऊं ङेखली आली चीजा लारे बणले हो।

इब्रानियां 11:7

विश्‍वासा लारे ही नूह ने वां बाता चे बारे मां जको ओ बेले कोनी ङिसी पलतीया, चितावनी मिलणे उपर भग़ती लारे आपणे घराणे चे बचाव वास्ते जहाज बणाला। ऐचा नतीजा हा हुला कि संसारा दोषी ठहराला गेला ते नूह धार्मिकता चा वारिस हुला, जको विश्‍वासा लारे हुवे।

1 पतरस 2:10

“तम्ही पेहले तां कहीं वी कोनी हुते, पर हमा नरीकारा चा वंश छिवा। तम्चे उपर दया कोनी हुली हुती, पर हमा तम्चे उपर नरीकारा ची दया हुली।”

2 पतरस 3:8

हे प्यारे, हा बात तम्हा कनु लुकली ना रिहो कि प्रभु चे इठे हेक ङिओ हजार साला चे बराबर छै, ते हजार साल हेके ङिओ चे बराबर छै।