रोमियां 4:11 - ओङ राजपूत

¹¹ ते ओणे खतने चा चैन्ह पाला, जको विश्‍वास चे जरिये धार्मिकता ची छाप छै, जको ओणे बिना खतने दशा मां गेहली हुती। ऐवास्ते ओ वां सब चा ब़ा ठहरला, जको बिना खतने ची दशा मां विश्‍वास राखी, ताकि वे वी धर्मी ठहरो।

रोमियां 4:11 ပူးပေါင်းရင်းမြစ်များ

मत्ती 16:16

शमौन पतरस ने उत्तर ङिला, “तु जीते नरीकारा चा पूत मसीह छी।”

मत्ती 8:11

ते मैं तम्हानु किहे पला कि पूरब ते पक्षिम कनु ब़ोहत से लौक आती कर अब्राहम ते इसहाक ते याकूब चे लारे स्वर्ग़ चे राज़ मां ब़ेसे।

लूका 19:9

बल्ति ईशु ने ओनु केहले, “आज़ ऐ घरा मां उद्धार आला, ऐवास्ते कि हा वी अब्राहम चा हेक पूत छै।

यूहन्‍ना 3:33

जेह्णे ओची ग़वाही ग्रहण करती गेली ओणे ये बाते उपर छाप लाली कि नरीकार सच्‍चा छै।

यूहन्‍ना 3:36

जको पूता उपर विश्‍वास करे अनन्त जीवन ओचा छै, पर जको पूता नु ना मनी ओह जीवन नु नी ङेखी, पर नरीकार चा गुस्सा ओचे उपर रिहे।

यूहन्‍ना 6:35

बल्ति ईशु ने वानु केहले, “मैं ही जीवन ची रोटी छै। जको माये गोढु आवे ऊं कङी भुक्‍के नी रिही, ते जको माये उपर विश्‍वास राखी ऊं कङी तरसेले आले नी रिही।

यूहन्‍ना 6:40

कांकि हाओ माये ब़ा नरीकारा ची मर्जी छै हर हेक बन्दे जको पूता नु ङेखे ते विश्‍वास करी ते ओनु अनन्त जीवन मिली, ते अन्त चा ङिहां मां मैं ओनु जीते करती ङिही।”

यूहन्‍ना 6:47

“मैं सच्‍च किहे पला, कि जको माये उपर विश्‍वास करी, अनन्त जीवन वांचा छै।

यूहन्‍ना 8:33

वाणे ईशु नु उत्तर ङिला, “अम्ही तां अब्राहम चे वंशा महु छिऊं ते कङी काये गुलाम कोनी हुले। बल्ति तु किवें किही कि, ‘तम्ही आजाद हुती जावा?’ ”

रोमियां 10:11

कांकि पवित्रशास्त्र ईं किहे, “जको कुई ओचे उपर विश्‍वास करी, ऊं शर्मिन्दे नी हुवी।”

रोमियां 10:4

मसीह ने व्यवस्था चा अन्त करला ताकि हर-हेक जको विश्‍वास करे, नरीकारा चे वास्ते धार्मिक हो।

रोमियां 10:6

पर जको धार्मिकता विश्‍वासा लारे छै, वा यूं किहे कि, “तु आपणे मना मां ईं ना किहो कि, ‘स्वर्ग़ा उपर कूण चढ़ी?’ ” यानिकि, मसीह नु धरती उपर तले उतारने वास्ते।

रोमियां 3:22

यानिकि नरीकारा ची वा धार्मिकता जको वां सब वास्ते छै, जको मसीह ईशु उपर विश्‍वास करी, वां सब विश्‍वास करने आला वास्ते बिना कुई भेद-भाव लारे छै।

रोमियां 3:26

बल्कि ऐ समय ओची धार्मिकता प्रकट हो, कि जाये मां ओ आप ही धर्मी ठहरो, ते जको ईशु उपर विश्‍वास करे, ओचा वी धर्मी ठहराणे आला हो।

रोमियां 3:30

कांकि हेक ही नरीकार छै, जको खतना आला नु विश्‍वास लारे ते खतनारहित नु वी विश्‍वास चे जरिये धर्मी ठहरावी।

रोमियां 4:10

तां ओ किवें गिणला गेला? का खतने कनु पेहले जा खतने कनु बाद? खतने चे बाद ना, पर खतने हुवणे कनु पेहले।

रोमियां 9:30

तां अम्ही का किहुं? ईं कि नेरीया जातिया ने जको धार्मिकता ची खोज ना करी, धार्मिकता हांसिल करली यानिकि वे धार्मिकता नु जको विश्‍वास लारे छै।

रोमियां 9:33

जिसड़े कि पवित्रशास्त्रा मां लिखले पले, “ङेखा, मैं सिय्योन मां ठोकर खाणे चा पत्थर, जको ठोकर खाणे ची चट्टान छै मेहले पला। ते जको ओचे उपर विश्‍वास करी, ऊं शर्मिन्दे नी हुवी।”

रोमियां 9:6

पर हा कोनी कि, नरीकारा चा वचन टलती गेला, ऐवास्ते कि जको इस्राएल चे वंश छी, वे सारे इस्राएली कोनी।

2 कुरिन्थियां 1:22

ओही नरीकारा ने अम्चे उपर मौहर वी लाती ङिली, ते बयाने मां पवित्र आत्मा नु अम्चे दिला मां ङिला।

गलातियां 3:22

पर पवित्रशास्त्र मां लिखले आले छै कि हा पूरा संसार पाप चा गुलाम छै जिंवे ओ वायदा जको विश्‍वास लारे ईशु मसीह मां छै, नरीकारा मां सेर्फ विश्‍वास करने आला नु ङिये।

गलातियां 3:29

अगर तम्ही मसीह चे छिवा तां तम्ही अब्राहम चे वंशज वी छिवा। जको वायदा नरीकारा ने अब्राहम लारे करला हुता ओह वायदे चे वारिस वी छिवा।

गलातियां 3:7

तम्ही ईं जाणती गिहा कि भरोसा करने आले ही अब्राहम ची ऊलाद्ध किहवाली,

गलातियां 5:5

पर अम्ही विश्‍वास चे वजह नरीकारा चे सामणे निर्दोष बणने ची आस राखु। पवित्र आत्मा ची सहायता लारे अम्ही ऐची बाट ङेखु भिले।

गलातियां 6:16

ते जितने ये रीति उपर चले वांचे उपर, ते नरीकारा चे इस्राएल चे लौका उपर शान्ति ते दया हुती रिहो,

इफिसियां 1:13

ते जिसे बेले तम्ही सच्‍चाई चा वचन सुणला ओ तम्चे उद्धार चा सुसमाचार हुता, जिसे ईशु मसीह उपर तम्ही विश्‍वास करला ते वायदा करले आले पवित्र आत्मा ची छाप लाली।

इफिसियां 4:30

ते नरीकारा ची पवित्र आत्मा नु ङुखी ना करा, जाये कनु तम्चे उपर छुटकारे चे ङिओ वास्ते छाप ङिली गेली छै,

फिलिप्पियां 3:9

ते ओचे मां ही लाभे माई वे धार्मिकता ची वजह कनु ना जको व्यवस्था चे विधान उपर टिकली हुती, बल्कि वे धार्मिकता ची वजह कनु जको मसीह मां विश्‍वास ची वजह कनु मिले, जको नरीकारा कनु मिले ते जाया अधार विश्‍वास छै।

इब्रानियां 11:7

विश्‍वासा लारे ही नूह ने वां बाता चे बारे मां जको ओ बेले कोनी ङिसी पलतीया, चितावनी मिलणे उपर भग़ती लारे आपणे घराणे चे बचाव वास्ते जहाज बणाला। ऐचा नतीजा हा हुला कि संसारा दोषी ठहराला गेला ते नूह धार्मिकता चा वारिस हुला, जको विश्‍वासा लारे हुवे।

2 पतरस 1:1

शमौन पतरस चे तरफु जको ईशु मसीह चा दास छै ते प्रेरित छै, हा चिठ्ठी वां लौका चे नांवे जेह्णे अम्चे नरीकार ते उद्धारकर्ता ईशु मसीह ची धार्मिकता चे जरिये अम्चे आलीकर ब़ोहत कीमती विश्‍वास गेहला।

प्रकाशितवाक्य 9:4

ते वानु केहले गेले, कि ना धरती चे खड़ा नु, ना कुई सावली नु, ना कुई दरख्ता नु नुकसान पुचाओ, हेको वां इन्साना नु जाये मत्थे उपर नरीकारा ची मौहर कोनी।