रोमियां 3:20 - ओङ राजपूत

²⁰ व्यवस्था चे कामा लारे कुई वी इन्सान नरीकारा चे सामणे धर्मी ना ठहरी, कांकि सेर्फ व्यवस्था चे जरिये पापा ची पिछाण हुवे।

रोमियां 3:20 ပူးပေါင်းရင်းမြစ်များ

प्रेरितां चे काम 13:39

ते जिसीया बाता लारे तम्ही मूसा ची व्यवस्था चे जरिये बेकसूर ना ठहरले, ऐवास्ते ईशु उपर हर हेक जणा जको विश्‍वास करने आला छै ओही निर्दोष ठहरी।

रोमियां 2:13

कांकि नरीकारा ची नजरी मां, व्यवस्था नु सुणने आले धर्मी कोनी, पर व्यवस्था उपर चलणे आले धर्मी ठहराले जाये।

रोमियां 3:28

ऐवास्ते अम्ही ये नतीजे उपर पुज़ु पले कि, बन्दे व्यवस्था चे कामा लारे ना, पर विश्‍वास लारे धर्मी ठहरे।

रोमियां 4:13

नरीकारा ने हा वायदा करला हुता कि अब्राहम संसारा चा वारिस हुवी, हा वायदा ओनु ते ओचे वंश नु व्यवस्था चे जरिये कोनी मिड़ला, पर विश्‍वास ची धार्मिकता चे जरिये मिड़ला हुता।

रोमियां 4:15

कांकि व्यवस्था तां नरीकारा चा क्रोध पैदा करे। जिठे व्यवस्था कोनी ओठे विचा उलंघन वी कोनी।

रोमियां 5:13

कांकि व्यवस्था ङिले जाणे तक पाप संसारा मां तां हुता, पर जिठे व्यवस्था कोनी, ओठे पाप गिणला ना जता।

रोमियां 5:20

व्यवस्था, आधे मां आती गेली कि अपराध ब़ोहत हो, पर जिठे पाप ब़ोहत हुला, ओठे नरीकारा चा अनुग्रह ओचे कनु वी कहीं ज्यादा हुला।

रोमियां 7:11

कांकि पाप ने मौका सोती कर आज्ञा चे जरिये मनु बहकाले, ते ओचे ही जरिये मनु मारती वी नाखले।

रोमियां 9:32

ऐवास्ते नी पोज़ सग़ले, कांकि वे विश्‍वासा लारे कोनी, पर कर्मा लारे ओची खोज करते रेहते, वाणे ओ ठोकर चे पत्थरा उपर ठोकर खाली।

1 कुरिन्थियां 15:56

मौत चा ङंग पाप छै, ते पाप ची ताकत व्यवस्था छै।

गलातियां 2:16

बल्ति वी ईं जाणु कि कुई बन्दी मूसा चे व्यवस्था चा पालन करने ची वजह कनु धर्मी ना हो सग़ी बल्कि सेर्फ ईशु मसीह पर विश्‍वास करने लारे धर्मी बणाले जाये अम्ही ऐवास्ते ईशु मसीह पर विश्‍वास करला ताकि ऐ विश्‍वास ची वजह कनु अम्ही धर्मी हुती जहु ना कि व्यवस्था चा पालन करने ची वजह कनु। कांकि व्यवस्था चा पालन करने लारे कुई वी बन्दे धर्मी ना बण सग़ी।

गलातियां 2:19

मैं तां व्यवस्था चे लारे व्यवस्था वास्ते मरती गेला, ताकि नरीकारा चे वास्ते जिंवे।

गलातियां 5:4

तम्ही जको वी व्यवस्था लारे धर्मी जुड़ने चाहवा मसीह कनु अलग़ हुती जावा, ते नरीकारा चा अनुग्रह कनु दूर हटती जावा।

इब्रानियां 7:19

कांकि व्यवस्था ने कुई बाते ची सिद्धि कोनी करली ते विची जग़हा उपर हेक इसड़ी उत्तम आस मेहली गेली जाये जरिये अम्ही नरीकारा चे गोढु जा सग़ु।