रोमियां 2:29 - ओङ राजपूत

²⁹ सच्‍चा यहूदी ओही छै, जको मना कनु यहूदी छै। ते सच्‍चा खतना ओही छै, जको आत्मा चे जरिये दिला चा हुवे, ना कि लिखली आली व्यवस्था चा। इसड़े ची बढ़ाई इन्साना चे तरफु कोनी पर नरीकारा ची ओर कनु करली जाये।

रोमियां 2:29 ပူးပေါင်းရင်းမြစ်များ

लूका 11:39

प्रभु ने ओनु केहले, “हे फरीसी, तम्ही मुंगर ते थाली नु उपर-उपर कनु तां मांझा, पर तम्चे भीतर अन्धेर ते दुष्टता भरली पली।

लूका 17:21

ते लौक ईं नी किही, ‘ङेखा, इठे छै!’ जा, ‘उठे छै!’ कांकि नरीकारा चा राज़ तम्चे बीच मां छै।”

यूहन्‍ना 12:43

कांकि लौका ची वाह-वाह वानु नरीकारा ची प्रशंसा कनु ज्यादा प्यारी लाग़ती।

यूहन्‍ना 4:23

पर ओ समय आवे पला बल्कि हमा वी छै, जाये मां सच्‍ची अराधना करने आले ब़ा ची अराधना आत्मा ते सच्‍चाई लारे करी, कांकि नरीकार आपणे वास्ते इसड़े ही अराधना करने आला नु सोधे।

यूहन्‍ना 5:44

तम्ही माये मां विश्‍वास किवें कर सग़ा? कांकि तम्ही तां आपस मां हेके ङुजे चा कद्दर चाहवा ते ओ कद्दर नु तां ना ङेखा जको सेर्फ नरीकारा कनु आवे।

रोमियां 14:17

कांकि नरीकारा चा राज़ खाणे-पीणे कोनी छै, पर धार्मिकता ते शान्ति ते वा खुशी छै जको पवित्र आत्मा लारे हुवे।

रोमियां 2:27

ते ऊं इन्सान जाया शरीरिक रूपा कनु बिना खतने चे रेहले, अगर ऊं व्यवस्था नु पुरी करे, तां का तनु जको लिखली आली व्यवस्था मिड़ली ते खतना करले जाणे उपर वी व्यवस्था नु ना मनी, का दोषी नी ठहरावी?

रोमियां 3:1

बल्ति यहूदी हुवणे ची का बढ़ाई, जा खतने चा का फायदा?

रोमियां 7:6

पर जाये बन्धन मां अम्ही हुते ओचे वास्ते मरती कर, हमा व्यवस्था कनु छुटती गेले कि, लिखली आली पुराणी व्यवस्था उपर कोनी, बल्कि नरीकारा ची आत्मा ची नवीं रीति उपर सेवा करु वी।

1 कुरिन्थियां 4:5

ऐवास्ते जब तक प्रभु ना आती जाओ, समय कनु पेहले कुई बाते चा न्यां ना करा, वे ही तां अन्धकार चीया लुकलीया बाता छी, जको सोज़ले मां ङिखाणी, ते मना चे मकसद प्रकट करी। तब नरीकारा चे तरफु हर-हेक ची बढ़ाई हुवी।

1 कुरिन्थियां 7:19

ना खतना कोच्छ छै ते ना खतनारहित। पर नरीकारा चीया आज्ञा नु मनणे ही सब कोच्छ छै।

2 कुरिन्थियां 10:18

कांकि जको आपणी बढ़ाई खौद्द करे, वा ना मनीजी, पर जाई बढ़ाई प्रभु करे, वा ही ग्रहण करली जई।

2 कुरिन्थियां 3:6

ओणे अम्हानु नवें वायदे चे सेवक हुवणे चे लायक वी बणाले। हा वायदा लिखली आली व्यवस्था चा कोनी पर पवित्र आत्मा चा छै। कांकि लिखली आली व्यवस्था मौत नु पैदा करे, पर पवित्र आत्मा जीवन ङिये।

फिलिप्पियां 3:3

कांकि सच्‍चे खतने आले तां अम्ही ही छिऊं जको नरीकारा ची आत्मा ची अगुवाई लारे उपासना करु, ते मसीह ईशु उपर गर्व करु, ते शरीरा चे खतने जिसड़ी बाता पर भरोसा ना राखु।

1 थिस्सलुनीकियां 2:4

पर जिसड़ा नरीकारा ने अम्हानु काबिल ठहराती सुसमाचार सोंपला, अम्ही यूंही वर्णन करु, ते ऐचे मां बन्दा नु ना, पर नरीकारा नु, जको अम्चे मना नु परखे, खौश करने चे वास्ते प्रचार करु।

1 पतरस 3:4

बल्कि तम्चा सिंगार तां तम्चे मना चा भीतरी व्यक्‍तित्व हुवणा चाही छै जको मुलायम ते शान्त चे अविनाशी सुन्दरता लारे मिड़ला आला हो। नरीकारा ची नजरी मां जको ब़ोहत ही कीमती हो।