रोमियां 16:26 - ओङ राजपूत

²⁶ पर हमा प्रकट हुती कर सनातन नरीकारा ची आज्ञा लारे भविष्यवक्‍ता चीया किताबा चे जरिये सब जातिया नु बावड़ला गेला कि वे विश्‍वासा लारे आज्ञा मनणे आले हुती जाओ।

रोमियां 16:26 ပူးပေါင်းရင်းမြစ်များ

मरकुस 16:15

ते ओणे वानु केहले, “तम्ही सारे संसारा मां जती कर ते सारी सृष्टि चे लौका नु सुसमाचार प्रचार करा।

प्रेरितां चे काम 10:43

ओची सारे भविष्यवक्‍ता ग़वाही ङी कि जको कुई ओचे उपर विश्‍वास करी, ओनु ओचे नांवा चे जरिये पापा ची माफी मिली।”

प्रेरितां चे काम 6:7

ते नरीकारा चा वचन फैलता गेला ते यरुशलेम मां चैला ची गिणती ब़ोहत बधती गेली ते याजका चा हेक बङा समाज ऐ मत्त नु मनणे आला हुती गेला।

रोमियां 1:2

जाई नरीकारा ने पेहले कनु ही आपणे भविष्यवक्‍ता चे जरिये पवित्रशास्त्रा मां,

रोमियां 1:20

जिसे बेले कनु संसारा ची रचना हुली, नरीकारा चे अणङेखले गोण, ते हमेशा ची शक्‍ति, ते नरीकारा चा सुभाव, साफ-साफ ङिसे ते सृष्टि चे जरिये नरीकारा नु जाणले वी जाये। ऐवास्ते लौका कनु कुई बहाना कोनी।

रोमियां 1:5

ओचे जरिये अम्हानु अनुग्रह ते प्रेरिताई मिड़ली कि ओचे नांवा ची वजह सब नेरीया जातिया चे लौक विश्‍वास करती कर ओची मनो।

रोमियां 15:18

कांकि वां बाता नु छोड़ती कर मनु नेरी कुई बात केहणे ची हिम्मत कोनी, जको मसीह ने नेरीया जातिया नु नरीकारा ची अधीनता स्वीकार करने वास्ते माये वचन, ते कर्म,

रोमियां 15:4

जितनीया बाता पेहले कनु लिखलीया गेलीया वे अम्ची ही शिक्षा चे वास्ते लिखलीया गेलीया, ताकि अम्ही सब्र ते पवित्रशास्त्रा ची हिम्मत चे जरिये आस राखु।

रोमियां 3:21

पर हमा बिना व्यवस्था, नरीकारा ची धार्मिकता उजागर हुली, जाई ग़वाही व्यवस्था ते भविष्यवक्‍ता ङी,

गलातियां 3:8

पवित्रशास्त्रा ने पेहले ही जाणती कर कि नरीकारा ने नेरीया जातिया नु विश्‍वास लारे ही धर्मी ठहरावी, पेहले कनु अब्राहम नु सुसमाचार सुणाती ङिला कि दुधे मां सारीया जातिया आशीष पावे।

इफिसियां 1:9

कांकि ओणे आपणी इच्छा चा भेद, ओ बेले कामा चे अनुसार अम्चे उपर उजागर करला, जानु ओणे आपणे आप मां मसीह मां तय करती गेलते।

इफिसियां 2:20

तम्ही हेक इसड़े घर छिवा, जको प्रेरित ते भविष्यवक्‍ता ची नीम उपर बणले आले छिवा जाया कूणे चा पत्थर खौद्द ईशु मसीह ही छै।

कुलुस्सियां 1:26

यानि ओ भेदा नु समय ते पीढ़ीया कनु गुप्त राखले, पर हमा ओचे वां पवित्र लौका उपर प्रकट हुला।

1 तीमुथियुस 1:17

हमा सनातन राजा यानिकि अविनाशी, अणङेखले, हेको नरीकारा चा आदर ते महिमा युगानयुग हुती रिहो। आमीन।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

2 तीमुथियुस 1:10

पर हमा अम्चे उद्धार करने आला ईशु मसीह चे प्रकट हुवणे चे जरिये प्रकाशित हुला, जेह्णे मौत चा नाश करला, ते जीवन ते अमरता नु ओ सुसमाचार चे जरिये प्रकाशमान करती ङिला।

इब्रानियां 13:8

मसीह ईशु, काल ते आज़ ते युग-युग हेक जिसड़ा छै।

इब्रानियां 9:14

तां मसीह चे लुहीं, जेह्णे आपणे आप नु अनन्त आत्मा चे जरिये खौद्द नु नरीकारा चे सामणे निर्दोष बलि चे रूपा मां भेंट करती ङिले, जीते नरीकारा ची सेवा वास्ते तम्चे विवेक नु मरले आले कामा कनु शोद्ध किवें नी करी?

1 यूहन्‍ना 5:20

तां हा वी अम्ही जाणु कि, नरीकारा चा पूत आती गेला ते ओणे अम्हानु हा समझ ङिली, कि अम्ही ओ सच्‍च नु पिछाणु, ते अम्ही ओचे मां जको सच्‍चाई छै, यानिकि ओचे पूत ईशु मसीह चे लारे रिहुं, सच्‍चा नरीकार ते अनन्त जीवन हाओ छै।

प्रकाशितवाक्य 1:17

जिसे बेले मैं ओनु ङेखले तां ओचे पग़्ग़ा उपर मुड़दे आलीकर ढेती पला। ओणे माये उपर आपणा सज़्ज़ा हाथ मेहलती कर केहले, “ना ङर। मैं पेहला ते आखरी छै।

प्रकाशितवाक्य 19:10

ते मैं ओनु ङण्डवत करने चे वास्ते ओचे पग़्ग़ा मां ढेला, ओणे मनु केहले, ङेख, “इसड़े ना कर, मैं दुधा ते दुधे भावां चे लारे चा दास छै, जको ईशु ची ग़वाही ङेणे उपर मजबूत छै, नरीकारा नु ही ङण्डवत कर, कांकि ईशु ची ग़वाही भविष्यवाणी ची आत्मा छै।”