रोमियां 16:20 - ओङ राजपूत

²⁰ शान्ति चा नरीकार शैताना नु तम्चे पग़्ग़ा तले जल्दी कुचलवाती ङी। अम्चे प्रभु ईशु मसीह चा अनुग्रह तम्चे उपर हुता रिहो।

रोमियां 16:20 ပူးပေါင်းရင်းမြစ်များ

मत्ती 4:10

बल्ति ईशु ने केहले, “शैतान, दूर हुती जा! कांकि पवित्रशास्त्रा मां लिखले पले, ‘तु प्रभु आपणे नरीकारा नु प्रणाम कर, ते सेर्फ ओची ही उपासना कर।’ ”

लूका 10:19

ङेखा, मैं तम्हानु नाग़ ते बिच्छुवा नु लताड़ने चा, ते दुश्मना ची सारी सामर्थ चे उपर अधिकार ङिला, ते कुई चीजी लारे तम्हानु कुई नुकसान नी हुवी।

रोमियां 15:33

शान्ति चा नरीकार तम्चे सारा चे लारे रिहो। आमीन।

रोमियां 16:23

गयुस जको माई ते कलीसिया चा अतिथि-सत्कार करने आला छै ओचा तम्हानु नमस्कार। इरास्तुस जको शहरा चा भण्डारी छै, ते भऊ क्वारतुस चा तम्हानु नमस्कार।

रोमियां 16:24

अम्चे प्रभु ईशु मसीह चा अनुग्रह तम्चे उपर हुता रिहो। आमीन।

रोमियां 8:37

पर यां सब बाता मां अम्ही ओचे जरिये जेह्णे अम्चे लारे प्रेम करला, विजेता कनु वी बढ़ती कर छै।

1 कुरिन्थियां 16:23

प्रभु ईशु चा अनुग्रह तम्चे उपर हुता रिहो।

2 कुरिन्थियां 13:14

प्रभु ईशु मसीह चा अनुग्रह ते नरीकारा चा प्रेम ते पवित्र आत्मा ची सहभागिता तम्चे सब लारे हुती रिहो। आमीन।

गलातियां 6:18

हे माये भऊ, अम्चे प्रभु ईशु मसीह चा अनुग्रह तम्ची आत्मा चे लारे सदा रिहो। आमीन।

फिलिप्पियां 4:23

अम्चे प्रभु ईशु मसीह चा अनुग्रह तम्ची आत्मा चे लारे रिहो।

1 थिस्सलुनीकियां 5:28

अम्चे प्रभु ईशु मसीह चा अनुग्रह तम्चे उपर हुता रिहो।आमीन।

2 थिस्सलुनीकियां 3:18

अम्चे प्रभु ईशु मसीह चा अनुग्रह तम्चे सारा उपर हुता रिहो। आमीन।

2 तीमुथियुस 4:22

प्रभु दुधी आत्मा चे लारे रिहो, तम्चे उपर नरीकारा चा अनुग्रह हुता रिहो।

फिलेमोन 1:25

अम्चे प्रभु ईशु मसीह चा अनुग्रह तम्ची आत्मा उपर हुता रिहो। आमीन।

1 यूहन्‍ना 3:8

जको कुई पाप करे ऊं शैताना ची ओर कनु छै, कांकि शैतान शुरु कनु पाप करता आला। नरीकारा चा पूत ऐवास्ते प्रकट हुला कि शैताना चे कामा नु नाश करो।

प्रकाशितवाक्य 12:10

बल्ति मैं स्वर्ग़ा कनु हा बङा शब्द कानु केहते हुले सुणला कि, “हमा अम्चे नरीकार चा उद्धार, ते सामर्थ, ते राज़, ते ओचे मसीह चा अधिकार उजागर हुला, कांकि अम्चे भावां उपर दोष लावणे आला, जको रात-ङिओ अम्चे नरीकारा चे सामणे वांचे उपर दोष लाता रेहता, तले भुकाती ङिला गेला।

प्रकाशितवाक्य 22:21

प्रभु ईशु चा अनुग्रह, पवित्र लौका चे लारे रिहो। आमीन।