रोमियां 16:2 - ओङ राजपूत

² तम्हानु जिसड़े कि नरीकारा चे लौका नु करने चाही छै, यूंही विनु प्रभु मां ग्रहण करा, ते जिसी कुई बाते मां विनु तम्चे कनु सहायता ची जरुरत हो, विची सहायता करा, कांकि खौद्द विणे कईयां ची सेवा करली ते माई वी सहायक हुली।

रोमियां 16:2 ပူးပေါင်းရင်းမြစ်များ

मत्ती 25:40

“तब राजा वानु उत्तर ङी, ‘मैं तम्हानु सच्‍च किहे पला कि तम्ही जको माये यां छोटे कनु छोटे भावां महु कुई हेके लारे करले, ऊं माये ही लारे करले।’

प्रेरितां चे काम 9:13

पर हनन्याह ने उत्तर ङिला, “हे प्रभु, मैं ऐ इन्साना चे बारे मां घणा कनु सुणले कि ऐणे यरुशलेम मां दुधे पवित्र लौका लारे बङीया-बङीया बुराईया करलीया,

प्रेरितां चे काम 9:15

पर प्रभु ने ओनु केहले, “तु चाह्‍ला जा, कांकि हा तां नेरीया जातिया ते वांचे राजे ते इस्राएलीया चे सामणे माये नां उजागर करने वास्ते माये चुणले आले जन छै।

प्रेरितां चे काम 9:36

याफा मां तबीता नांवा ची हेक विश्‍वासनी रेहती, जानु यूनानी भाषा मां दोरकास किही जाया मतलब हरणी हुवे। वा ब़ोहत सारे भले-भले काम ते दान करती रेहती।

प्रेरितां चे काम 9:39

बल्ति पतरस ऊठती कर वांचे लारे हुती पला, ते जिसे बेले पुज़ती गेला, तां वे ओनु चौब़ारे उपर गेहती गेले। ते सारीया बांढीया रोतीया हुलीया ओचे लारे आती भिलीया रेहलीया ते जको चोले ते ओढ़णी दोरकास ने वांचे लारे रेहते हुले बणाले हुते, ङिखाणु लाग़लीया।

प्रेरितां चे काम 9:41

ओणे हाथ ङिती कर विनु उठाणले ते प्रभु चे लौका नु ते बांढीया नु हकारती कर विनु जीती जाग़ती ङिखाणती ङिले।

रोमियां 15:7

ऐवास्ते, जिसड़े मसीह ने वी नरीकारा ची महिमा चे वास्ते तम्हानु ग्रहण करले, यूंही तम्ही वी हेके-ङुजे नु ग्रहण करा।

रोमियां 16:15

फिलुलुगुस ते यूलिया ते नेर्युस ते ओची ब़ेहण, ते उलुम्पास ते वांचे लारे चे सारे नरीकार चे लौका नु नमस्कार।

रोमियां 16:23

गयुस जको माई ते कलीसिया चा अतिथि-सत्कार करने आला छै ओचा तम्हानु नमस्कार। इरास्तुस जको शहरा चा भण्डारी छै, ते भऊ क्वारतुस चा तम्हानु नमस्कार।

रोमियां 16:6

मरियम नु जेह्णे तम्चे वास्ते घणी मेहनत करली, नमस्कार।

रोमियां 16:9

उरबानुस नु, जको मसीह मां अम्चा भईवाल छै, ते माये प्यारे इस्तखुस नु नमस्कार।

इफिसियां 5:3

जिंवे नरीकारा चे पवित्र लौका चे योग्य छै, यूंही तम्चे मां व्यभिचार ते किसी तरह चे अशुद्ध काम जा लोभ ची चर्चा तक ना हो।

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

फिलिप्पियां 2:29

ऐवास्ते तम्ही प्रभु मां ओचे लारे घणी खुशी लारे ओचा स्वागत करा, ते इसड़ा बन्दा चा ज्यादा कनु ज्यादा कद्दर करले करा।

कुलुस्सियां 4:10

अरिस्तर्खुस जको माये लारे कैदी छै, ते मरकुस जको बरनबास चा भऊ लाग़े वांचा ङुंहु चा तम्हानु नमस्कार। मरकुस जाये बारे मां तम्हानु आज्ञा मिड़ली हुती कि अगर ओ तम्चे गोढु आती जाये, तां ओची आच्छी इज्जत करजा

1 तीमुथियुस 2:10

पर भले कामा चे लारे, कांकि नरीकारा ची भग़ती ग्रहण करने आलीया असतरीया नु ईं वाजिब वी छै।

2 तीमुथियुस 1:18

प्रभु करो, कि आखरी ङिओ ओचे उपर प्रभु ची दया हो। ते जको-जको सेवा ओणे इफिसुस मां करली वानु वी तु आच्छी तरह जाणती गे।

तीतुस 2:3

यूं करती ब़ुढ़ीया असतरीया चा चाल-चलन पवित्र लौका आलीकर हो, वे दोष लावणे आलीया ते पियक्‍कड़ ना हो, पर आच्छीया बाता सिखावणे आलीया हो।

फिलेमोन 1:12

मैं ओनु ही जको माये कालजे चे टुकड़े छै ऊं मैं दुधे सनु भेज़े पला।

फिलेमोन 1:17

अगर तु मनु भईवाला आलीकर मनी ते ओनु वी माये आलीकर समझ।

2 यूहन्‍ना 1:10

अगर कुई बन्दे तम्चे गोढु आवे ते सच्‍ची शिक्षा ना ङी, ओनु ना तां घरा मां आऊं ङिया ते ना नमस्कार करा।