रोमियां 16:18 - ओङ राजपूत

¹⁸ कांकि इसड़े लौक अम्चे प्रभु मसीह ची ना, पर आपणे ढिड्डा ची सेवा करी, ते चिकनिया चुपड़ीया बाता लारे भोले-भाले मना आले लौका नु भटकाती नाखी।

रोमियां 16:18 ပူးပေါင်းရင်းမြစ်များ

मत्ती 24:11

ते ब़ोहत सारे कूड़े भविष्यवक्‍ता उठती खड़े हुवे, ते घणा नु भरमावे।

मत्ती 24:24

कांकि कूड़े मसीह ते कूड़े भविष्यवक्‍ता उठती खड़े हुवे, ते बङे चैन्ह, ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

मत्ती 6:24

“कुई बन्दे ङोन मालिका ची सेवा ना कर सग़ी, कांकि ओ हेके लारे बैर ते ङुजे लारे प्रेम राखी, जा हेके लारे मिड़ला रिही ते ङुजे नु तोच्छ जाणी। तम्ही नरीकार ते धन ङुंहु ची सेवा ना कर सग़ा।

मत्ती 7:15

“कूड़े भविष्यवक्‍ता कनु चौकस रिहा, जिसे भेङा चे रूपा मां तम्चे गोढु आवी पर बादा मां वे, फाड़ने आले भेड़िये जिसड़े छी।

यूहन्‍ना 12:26

अगर कुई माई सेवा करने चाहवे तां माये भांसु टुरणे पड़ी, जिठे मैं छै, उठे माया दास वी हुवी। अगर कुई माई सेवा करे तां माया ब़ा ओचा कद्दर करी।

रोमियां 14:18

जको कुई ये रीति लारे मसीह ची सेवा करे, ऊं नरीकारा नु भावे ते इन्साने ओचा कद्दर करी।

रोमियां 16:19

तम्ची आज्ञा मनणे ची चर्चा सारा लौका मां फैलती गेली, ऐवास्ते मैं तम्चे बारे मां खुशी मनावे, पर मैं ईं चाहवे कि तम्ही भलाई चे वास्ते ब़ुध्दिमान पर बुराई चे वास्ते भोले बणले रिहा।

2 कुरिन्थियां 11:3

पर मैं ङरे कि जिंवे नाग़ा ने आपणी चलाकी लारे हवा नु भरमाती ङिले, कङी इसड़े ना हो कि तम्चे मन मसीह चे प्रति पवित्रता ते भग़ती कनु भटकती ना जाओ।

2 कुरिन्थियां 2:17

अम्ही वां ब़ोहता आलीकर कोनी, जको आपणे फायदे वास्ते नरीकारा चे वचना मां मिलावट करी। पर अम्ही मन ची सच्‍चाई लारे, ते नरीकारा चे तरफु ते नरीकारा नु मौजुद जाणती कर मसीह मां ब़ोलु।

2 कुरिन्थियां 4:2

पर अम्ही लज़्ज़ा चे गुप्त कामा नु त्याग़ती ङिले, ते ना ही चतराई लारे टुरु, ते ना ही नरीकारा चे वचना मां मिलावट करु, पर सच्‍चाई नु उजागर करु, नरीकारा चे सामणे हर हेक इन्सान चे विवेक मां आपणी भलाई ब़िसाणु।

गलातियां 1:10

हमा मैं का बन्दा नु मने जा नरीकारा नु का मैं बन्दा नु खौश करना चाहवे? अगर मैं बन्दा नु खौश करने चाहवें तां ईशु मसीह चा दास ना हुवीया।

फिलिप्पियां 2:21

कांकि सब आपणे स्वार्थ चे बारे मां सोची, ना कि ईशु मसीह चे कामा चे बारे मां।

फिलिप्पियां 3:19

वांचा नाश वांची नियत छै। वांचे ढेड्ड ही ईश्‍वर छै। वे लज़्ज़ा ची बाता उपर घमण्ड करी, ते धरती चे बाता उपर मन लाली रिही।

कुलुस्सियां 2:4

ईं मैं ऐवास्ते किहे, कि कुई बन्दे तम्हानु लुभावणे आलीया बाता कनु धोक्‍का ना ङियो।

कुलुस्सियां 3:24

कांकि तम्हानु पता छै कि ऐ बदले मां तम्हानु प्रतिफल मां इनाम मिली, प्रभु जको मसीह छै तम्ही ओची सेवा करा वी।

2 थिस्सलुनीकियां 2:10

ते नाश हुवणे आला चे वास्ते अधर्म चे सारे तरीके चे धोक्‍के लारे हुवी, ते वे नाश हुवी पले कांकि वाने सच्‍चाई चे प्यारा नु कोनी मनले, जाये कनु वांचा उद्धार हुवणा तां।

1 तीमुथियुस 6:5

ते वा बन्दा मां बेकार मां लड़ाई झग़ड़े पैदा हुवी, जाई ब़ुध्दि बिगड़ती गेली, ते वे सच्‍चाई कनु दूर हटती गेले, जको समझी कि भग़ती कमाई चा मार्ग़ छै।

याकूब 1:1

नरीकारा चा ते प्रभु ईशु मसीह चा दास याकूब चे तरफु वां ब़ारहा गोत्रा नु जको खिंडती-पुंडती रिही पले वानु नमस्कार पुज़ो।

2 पतरस 2:3

वे लोभ ची वजह कनु बाता घड़ती कर तम्हानु आपणे फायदे चा जरिया बणावे, ते जको ङण्ड ची आज्ञा वांचे उपर हुती चुकली ओचे आणे मां देर कोनी वांचा विनाश कङी ऊंघी ना।

यहूदा 1:1

हा चिठ्ठी यहूदा चे तरफु जको ईशु मसीह चा दास ते याकूब चा भऊ छै, वां हकारले आला चे नांवे लिखली गेली, जको नरीकार ब़ा चे प्यारे ते ईशु मसीह चे वास्ते सम्भालती कर राखले गेले।

यहूदा 1:12

ईं मतलबी लौक तम्चे प्रेम-भोज मां तम्चे लारे खई-पी। वे नुकसान करने आली चट्टानी आलीकर छी जको समुन्दरा मां लुकलीया रिही। याहनु सेर्फ आपणे ही स्वार्थ ची ही चिन्ता रिहे। वे बिना पाणीया चे बदल छी, जानु हवा उङारती जाये। वे पतझड़ चे इसड़े पेड़ छी, जाये फल ना लाग़ी, ते जको ङोन वारी मरती चुकले ते ज़हड़े कनु उखड़ती चुकले।

यहूदा 1:16

ये वे छी, जको कुड़कुड़ाते रिही, ते सदा खोट काढ़ते रिही, ते आपणी ही बुरी इच्छा चे मुताबिक टुरी, ते आपणे मुँहा लारे घमण्ड चा बाता करी, ते आपणी भलाई वास्ते नेरा ची चापलूसी करी।

प्रकाशितवाक्य 1:1

ईशु मसीह चा प्रकाशितवाक्य, जको ओनु नरीकारा ने ऐवास्ते ङिला कि आपणे दासा नु वे बाता, जाये जल्दी हुवणे जरुरी छै ङिखाणो। ओणे आपणे स्वर्ग़दूत नु भेज़ती कर ओचे जरिये आपणे दास यूहन्‍ना नु बावड़ले,