रोमियां 15:6 - ओङ राजपूत

⁶ ताकि तम्ही हेक मन ते हेक ही अवाज हुती कर अम्चे प्रभु ईशु मसीह चे ब़ा नरीकारा ची स्तुति करा।

रोमियां 15:6 ပူးပေါင်းရင်းမြစ်များ

यूहन्‍ना 20:17

ईशु ने विनु केहले, “मनु हाथ ना ला, कांकि मैं हालि तक ब़ा नरीकारा सनु उपर कोनी गेला। पर माये भावां कनु जती कर वानु केहती ङे कि, ‘मैं आपणे ब़ा ते तम्चे ब़ा, आपणे नरीकार ते तम्चे नरीकारा चे गोढु उपर जाये पला।’ ”

प्रेरितां चे काम 4:24

ईं सुणती कर वाणे हेक चेत्त हुती कर ऊंची अवाजी मां नरीकारा नु केहले, “हे स्वामी, तु ओही छी जेह्णे स्वर्ग़ ते धरती ते समुन्दर ते जको कोच्छ वांचे मां छी बणाले।

प्रेरितां चे काम 4:32

ते विश्‍वास करने आली कलीसिया हेक चेत्त ते हेक मन चीया हुतीया इठे तक कि कुई वी आपणी जायजात आपणी ना केहते, पर सब कोच्छ साझे चे हुते।

2 कुरिन्थियां 1:3

अम्चे प्रभु ईशु मसीह चा ब़ा नरीकार चा धन्यवाद हो, जको दया चा ब़ा, ते हर-तरीके ची तसल्‍ली ङेणे आला नरीकार छै।

2 कुरिन्थियां 11:31

अम्चे प्रभु ईशु मसीह ब़ा नरीकार जको हमेशा तक धन्‍न छै, आप खौद्द ग़वाह छै कि मैं कूड़ कोनी मारे पला।

इफिसियां 1:17

कि अम्चे प्रभु ईशु मसीह चा नरीकार जको महिमा चा ब़ा छै, तम्हानु आपणी पिछाण मां ज्ञान ते सोज़ले ची आत्मा ङियो,

इफिसियां 1:3

अम्चे प्रभु ईशु मसीह चा नरीकार ते ब़ा चा धन्यवाद हो, ओणे अम्हानु स्वर्ग़ा मां ईशु मसीह चे तरफु हर तरह ची आत्मिक आशीष ङिली।

कुलुस्सियां 1:3

अम्ही तम्चे वास्ते नेत्त प्राथना करती कर आपणे प्रभु ईशु मसीह चे ब़ा यानि नरीकारा चा धन्यवाद करु वी।

1 पतरस 1:3

अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला।

प्रकाशितवाक्य 1:6

ते अम्हानु हेक राज़ ते आपणे ब़ा नरीकारा चे वास्ते याजक वी बणाती ङिले, ओची महिमा ते पराक्रम युगानयुग हुती रिहो। आमीन।