रोमियां 15:5 - ओङ राजपूत

⁵ ते सब्र, ते हिम्मत चा दाता नरीकार तम्हानु हा वरदान ङियो, कि मसीह ईशु चे अनुसार आपस मां हेक मन रिहा,

रोमियां 15:5 ပူးပေါင်းရင်းမြစ်များ

प्रेरितां चे काम 4:32

ते विश्‍वास करने आली कलीसिया हेक चेत्त ते हेक मन चीया हुतीया इठे तक कि कुई वी आपणी जायजात आपणी ना केहते, पर सब कोच्छ साझे चे हुते।

रोमियां 12:16

आपस मां हेक जिसड़े मन राखा, घमण्डी ना हुवा, पर दीन-ङुखिया लारे मेल-मिलाप राखा, ते आपणी नजरी मां आपणे-आप नु ब़ुध्दिमान ना समझा।

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

रोमियां 15:3

कांकि मसीह ने आपणे आप नु खौश कोनी करले, जिंवे पवित्रशास्त्रा मां लिखले पले, “दुधी निन्दा करने आला ची निन्दा माये उपर आती पली।”

1 कुरिन्थियां 1:10

हे माई ब़ेहणी ते भऊ, आपणे प्रभु ईशु मसीह चे नांवा मां माई तम्चे कनु बिनती छै कि तम्ची आपस मां हेक बात हो ते तम्चे मां फूट ना हो, पर हेक मन ते हेक ही मत्त हुती कर मिड़ले रिहा।

2 कुरिन्थियां 13:11

हमा, हे माये भऊ, तम्ही खौश रिहा। सेद्ध बणते जावा, तसल्‍ली राखा, हेक मन राखा, मेल-मिलाप लारे रिहा, ते प्रेम ते शान्ति चा दाता नरीकार तम्चे लारे रिही।

2 कुरिन्थियां 7:6

पर नरीकार, जको दीन-ङुखिया नु तसल्‍ली ङिये, तीतुस नु इठे भेज़ती कर अम्ची हिम्मत ब़न्धवाली,

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

फिलिप्पियां 2:2

तां माई हा खुशी पुरी करा के हेक मन रिहा, ते हेक ही प्रेम, हेक चेत्त, हेक ही मन्सा राखा।

फिलिप्पियां 3:16

पर याद राखा कि ऐवास्ते जिसी सच्‍चाई तक अम्ही पुज़ले, ओचे अनुसार दस्तुरा लारे चलु।

फिलिप्पियां 4:2

मैं यहूदिया ते संतुखे कनु बिनती करे पला के तम्ही प्रभु मां हेक समान विचार बणाली राखा।

1 पतरस 3:20

जेह्णे ओ गुजरले समय मां आज्ञा कोनी मनली, जिसे बेले नरीकार नूह चे ङिहां मां सब्र राखती रुकला रेहला, ते ओ जहाज बणे पलता, जाये मां ब़ेसती कर थोड़े लौक यानि सेर्फ आठ जींये पाणीया कनु बचती गेली।

1 पतरस 3:8

ऐचा मतलब हा छै कि तम्ही सारे चे सारे हेक मन हुती कर, दयालु, ते भाईचारे ची प्रीति राखणे आले, ते दयावन्त ते नर्म बणा।

2 पतरस 3:15

ते अम्चे प्रभु ची तसल्‍ली नु उद्धार समझा जिंवे अम्चे प्यारे भऊ पौलुस ने वी ओ ज्ञान चे अनुसार जको ओनु नरीकारा ची ओर कनु मिड़ला, तम्हानु लिखले।

2 पतरस 3:9

प्रभु आपणे वायदे चे बारे मां देर ना करी जिसड़ी देर कोच्छ लौक समझे पर तम्चे बारे मां तसल्‍ली करे, ते ना चाहवी कि कुई नाश हो बल्कि ईं कि सब नु मन फिरावणे चा मौका मिलो।