रोमियां 15:26 - ओङ राजपूत

²⁶ कांकि मकिदुनिया ते अखाया प्रदेस चे लौका नु ईं आच्छे लाग़ले कि, यरुशलेम चे नरीकारा चे लौक जको कंगाल छी वांचे वास्ते कोच्छ चंद ङिहें।

रोमियां 15:26 ပူးပေါင်းရင်းမြစ်များ

मत्ती 25:40

“तब राजा वानु उत्तर ङी, ‘मैं तम्हानु सच्‍च किहे पला कि तम्ही जको माये यां छोटे कनु छोटे भावां महु कुई हेके लारे करले, ऊं माये ही लारे करले।’

मत्ती 26:11

कंगाल तां तम्चे लारे सदा रिही, पर मैं तम्चे लारे सदा नी रिही।

लूका 14:13

पर जब तु भोज़ करी, तां कंगाल, टुन्डे, लंगड़े, ते अन्धा नु हकार।

लूका 6:20

तब ओणे आपणे चैला ची तरफ ङेखती कर केहले, “धन्‍न छिवा तम्ही जको दीन छिवा, कांकि नरीकारा चा राज़ तम्चा छै।

प्रेरितां चे काम 16:12

ते उठु कनु अम्ही फिलिप्पी शहर पुज़ले, जको मकिदुनिया इलाके चा खास शहर छै, ते जको रोमियां ची बस्ती छै, ते अम्ही ओ शहरा मां कोच्छ ङिहां तक रेहले।

प्रेरितां चे काम 16:9

ओठे राती नु पौलुस ने हेके खाबा मां ङेखले कि हेक मकिदुनिया इलाके चा हेक जवान भिला आला, ओकनु हा विनती करे पला कि, “मकिदुनिया मां आती कर अम्ची सहायता कर।”

प्रेरितां चे काम 18:12

जिसे बेले गल्‍लियो अखाया प्रदेस चा राज्यपाल हुता, ते ओ बेले यहूदी लौक ऐका करती कर पौलुस चे विरोध हुती गेले, ते ओनु पकड़ती कर न्यां आसण चे सामणे खड़े करती ते किहुं लाग़ले कि,

प्रेरितां चे काम 19:21

जिसे बेले ये बाता हुती चुकलीया, ते पौलुस ने आत्मा मां ईं ठानले कि मकिदुनिया ते अखाया कनु हुती कर यरुशलेम सनु जाये, ते केहले, “ओठे जाणे चे बाद मनु रोम नु वी ङेखणे जरुरी छै।”

प्रेरितां चे काम 9:13

पर हनन्याह ने उत्तर ङिला, “हे प्रभु, मैं ऐ इन्साना चे बारे मां घणा कनु सुणले कि ऐणे यरुशलेम मां दुधे पवित्र लौका लारे बङीया-बङीया बुराईया करलीया,

1 कुरिन्थियां 16:15

हे माये भऊ, तम्ही स्तिफनास चे घराणे नु जाणा कि ओ अखाया प्रदेस चा पेहला फल छै, ते नरीकारा चे लौका ची सेवा वास्ते तियार रिहे।

1 कुरिन्थियां 16:5

ते मैं मकिदुनिया हुती कर तम्चे गोढु आवी, कांकि मनु मकिदुनिया हुती कर जाणे जरुरी छै।

2 कुरिन्थियां 1:16

ते तम्चे गोढु हुती कर मैं मकिदुनिया सनु जाये, ते मकिदुनिया कनु आते बेले तम्चे गोढु आवे ते तम्ही मनु यहूदिया प्रदेस सनु कोच्छ दूरी तक पुचावा।

2 कुरिन्थियां 11:9

ते जब मैं तम्चे लारे हुता, ते मनु कमी पेशी हुली तां मैं काये उपर बोझ कोनी नाखला, कांकि भावां ने मकिदुनिया कनु आती कर माई जरुरता नु पुरे करले। मैं हर बाते मां आपणे आप नु तम्चे उपर बोझ हुवणे कनु रोकले, ते रोकली वी रिही।

2 कुरिन्थियां 2:13

ते माये मना मां चैन कोनी मिड़ला, कांकि मैं आपणे भऊ तीतुस नु कोनी ङेखले। ऐवास्ते मैं उठले लौका कनु विदा हुती कर मकिदुनिया प्रदेस सनु चाह्‍ला गेला।

2 कुरिन्थियां 7:5

कांकि जिसे बेले अम्ही मकिदुनिया मां आले, तां वी अम्चे शरीरा नु आराम कोनी मिड़ला, पर अम्ही चऊं पासु क्लेश भोग़ु, ब़ाहरु लड़ाईया हुतीया, ते दिला मां ङर हुता।

2 कुरिन्थियां 9:12

कांकि ऐ दान ची सेवा नु पुरे करने लारे, ना सेर्फ नरीकारा चे लौका चा कमीया पुरीया हुवी, पर लौका ची ओर कनु नरीकारा चा ब़ोहत धन्यवाद हुवे।

2 कुरिन्थियां 9:2

कांकि मैं तम्चे मना ची तियारी नु जाणे, जाई वजह कनु मैं तम्चे बारे मां मकिदुनिया चे सामणे घमण्ड ङिखाणे, कि अखाया इलाके चे लौक हेक साला कनु तियार छी, ते तम्चे जोश ने घणा नु उभारले वी।

2 कुरिन्थियां 9:4

इसड़े ना हो कि, मकिदुनिया चे रेहणे आले माये लारे आओ, ते तम्हानु तियार ना ङेखो, ते का जाणे, ऐ भरोसे ची वजह कनु अम्हानु शर्मिन्दे हुवणे पड़ी, तम्हानु तां होर वी ज्यादा शर्मिन्दा हुवणे पड़ी।

फिलिप्पियां 4:15

हे फिलिप्पी, तम्ही वी जाणा कि सुसमाचार प्रचार चे शुरु मां, जिसे बेले मैं मकिदुनिया कनु विदा हुला, तब तम्हानु छोड़ती नेरी कुई कलीसिया ने लेन-देन चे बारे मां माई सहायता कोनी करली।

1 थिस्सलुनीकियां 1:7

इठे तक कि मकिदुनिया ते अखया देश चे सारे विश्‍वास करने आला लौका वास्ते तम्ही नमुना बणले।

1 थिस्सलुनीकियां 1:8

कांकि तम्चे इठु ना बल्कि मकिदुनिया ते अखया मां प्रभु चा वचन सुणाला गेला, पर तम्चे विश्‍वास ची जको नरीकारा उपर छै, ऐवास्ते हर जग़हा इसड़ी चर्चा फैलती गेली। कि अम्हानु केहणे ची जरुरत कोनी।

1 थिस्सलुनीकियां 4:10

ते सारे मकिदुनिया चे सब भावां लारे इसड़े करा वी हुवा, पर हे माये भऊ ते ब़ेहणीया! अम्ही तम्हानु समझाऊं, कि नेरे वी प्रेम मां बधते जावा।

1 तीमुथियुस 1:3

जिंवे मैं तनु मकिदुनिया सनु जते बेले, तनु समझाले हुते, कि इफिसुस मां रेहती कर लौका नु हा आज्ञा ङे कि, कूड़ी शिक्षा ना ङे।

फिलेमोन 1:5

कांकि मैं पवित्र लौका वास्ते दुधे ओह प्रेम ते ईशु मसीह मां दुधे विश्‍वास चे बारे मां सुणे।