रोमियां 15:18 - ओङ राजपूत

¹⁸ कांकि वां बाता नु छोड़ती कर मनु नेरी कुई बात केहणे ची हिम्मत कोनी, जको मसीह ने नेरीया जातिया नु नरीकारा ची अधीनता स्वीकार करने वास्ते माये वचन, ते कर्म,

रोमियां 15:18 ပူးပေါင်းရင်းမြစ်များ

मत्ती 25:16

ते जानु पाँच घड़े मिड़ले हुते, ओणे तुरन्त जती कर वांचे लारे लेन-देन करला, ते ओणे पाँच घड़े नेरे कमाले।

मरकुस 16:20

ईशु चे चैला ने हर जग़हा जती प्रचार करला। ते प्रभु वांचे लारे काम करता रेहला, ते वां चैन्हा चे जरिये जको लारे-लारे हुवी पलते, वचना नु दृढ करता रेहला। आमीन।

प्रेरितां चे काम 14:27

ओठे पुज़ती कर वाणे कलीसिया नु भेले करले ते वानु बावड़ले कि, “नरीकारा ने अम्चे लारे हुती कर किसड़ी बङी-बङी कामे करली, ते नेरीया जातिया चे वास्ते विश्‍वास चे दरवाजे खोलती नाखले।”

प्रेरितां चे काम 15:12

तब सारी सभा चोप-चाप हुती कर बरनबास ते पौलुस ची सुणु लाग़ली, कि नरीकारा ने वांचे जरिये नेरीया जातिया मां किसड़े-किसड़े बङे चैन्ह, ते अचम्भे ची कामे ङिखाणली।

प्रेरितां चे काम 15:4

जिसे बेले वे यरुशलेम पुज़ले, ते विश्‍वासी ते प्रेरित ते कलीसिया चे अग़ुवे वानु बङी खुशी लारे मिड़ले, ते वाणे बावड़ले कि नरीकारा ने वांचे लारे हुती कर किसड़ी बङी-बङी कामे करली।

प्रेरितां चे काम 21:19

स्वागत चे बाद पौलुस ने हेक-हेक करती कर वे सारीया बाता बावड़नीया शुरु करती ङिलीया, जको काम नरीकारा ने ओची सेवकाई चे जरिये नेरीया जातिया मां करले हुते।

प्रेरितां चे काम 26:20

बल्ति मैं सबकनु पेहले दमिश्क शहरा मां, ते ऐचे बाद यरुशलेम मां रेहणे आला नु, ते सारे यहूदिया प्रदेस मां, ते नेरीया जातिया नु समझाता रेहला, कि मन फिरावा ते नरीकारा सनु फिरती कर मन फिराव चे लायक काम करा।

रोमियां 1:5

ओचे जरिये अम्हानु अनुग्रह ते प्रेरिताई मिड़ली कि ओचे नांवा ची वजह सब नेरीया जातिया चे लौक विश्‍वास करती कर ओची मनो।

रोमियां 16:26

पर हमा प्रकट हुती कर सनातन नरीकारा ची आज्ञा लारे भविष्यवक्‍ता चीया किताबा चे जरिये सब जातिया नु बावड़ला गेला कि वे विश्‍वासा लारे आज्ञा मनणे आले हुती जाओ।

रोमियां 6:17

पर नरीकारा चा धन्यवाद हो कि, तम्ही जको पापा चे दास हुते, हमा आपणे सारे मना लारे ओ उपदेश नु मनणे आले हुती गेले, जको तम्हानु सोंपला गेला हुता।

2 कुरिन्थियां 11:31

अम्चे प्रभु ईशु मसीह ब़ा नरीकार जको हमेशा तक धन्‍न छै, आप खौद्द ग़वाह छै कि मैं कूड़ कोनी मारे पला।

2 कुरिन्थियां 12:6

अगर मैं घमण्ड करने चाहवे वी तां मूर्ख नी बणी, कांकि सच्‍च ब़ोली, तां वी रुकती जाये, इसड़े ना हो कि, जिसड़े कुई मनु ङेखे, जा ते बल्ति माये कनु सुणे, मनु ओचे कनु बढ़ती कर समझे।

2 कुरिन्थियां 3:5

ईं कोनी कि, अम्ही आपणे आप कनु ऐस लायक छिऊं कि, आपणे तरफु कुई बाते चा विचार कर सग़ु, पर अम्ची योग्यता नरीकारा ची ओर कनु छै।

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

गलातियां 2:8

नरीकारा ने पतरस नु हेक प्रेरित चे रुप मां काम करने ची ताकत ङिली हुती, पतरस यहूदी लौका वास्ते हेक प्रेरित छै, नरीकारा ने मनु वी हेक प्रेरित चे रुप मां काम करने ची ताकत ङिली, पर मैं वां लौका चा प्रेरित छै जको नेरीया जातिया छी,

कुलुस्सियां 3:17

वचना मां जा कामा मां जको कोच्छ वी करा सब प्रभु ईशु चे नांवा लारे करा, ते ओचे जरिये नरीकार ब़ा चा धन्यवाद करा।

2 थिस्सलुनीकियां 2:17

तम्चे मना मां शान्ति ङियो, ते तम्हानु हर हेक आच्छे काम, ते वचन मां पक्‍के करो।

इब्रानियां 11:8

विश्‍वासा लारे ही अब्राहम जिसे बेले हकारला गेला तां आज्ञा मनती कर इसड़ी जग़हा निकलती गेला जानु विरासत मां गेहणे आला हुता ते ईं ना जाणता, कि ओ किठे जाये पला, तां वी निकलती गेला।

इब्रानियां 5:9

ते सेद्ध बणती कर ओ खौद्द वां सब वास्ते जको ओची आज्ञा चा पालन करी अनन्त काल वास्ते उद्धार ची वजह बणती गेला।

याकूब 1:22

पर वचना उपर चलणे आले बणा, ते सेर्फ सुणने आले ही ना जको आपणे आप नु धोक्‍का ङी।

1 यूहन्‍ना 3:18

हे माई प्यारी ब़ाले, अम्ही प्रेम सेर्फ वचन ते जुबानी ही कनु ना करु, पर काम ते सच्‍चाई चे जरिये वी प्रेम करु।

यहूदा 1:9

पर प्रधान स्वर्ग़दूत मीकाईल तक ने जब मूसा ची लाश चे बारे मां शैताना लारे वाद-विवाद करे पलता, तां ओनु बुरे-भले वी ना केहती कर दोष लावणे ची वी हिम्मत कोनी करली, सेर्फ इतने केहले, “प्रभु तनु फटकार ङियो।”