रोमियां 15:16 - ओङ राजपूत

¹⁶ कि मैं नेरीया जातिया वास्ते मसीह ईशु चा सेवक हुती कर नरीकारा चे सुसमाचार ची सेवा हेक याजक चे समान करे, जाये कनु नेरीया जातिया चे मनती गिहा कि भेंट चढ़ाले जाणे, पवित्र आत्मा लारे पवित्र बणती कर ग्रहण करला जाये।

रोमियां 15:16 ပူးပေါင်းရင်းမြစ်များ

प्रेरितां चे काम 13:2

जिसे बेले वे उपवास मां प्राथना करी पलते ले, ते पवित्र आत्मा ने वानु केहले, “माये वास्ते बरनबास ते शाऊल नु वे सेवा वास्ते अलग़ करा जाये वास्ते मैं वानु हकारले।”

प्रेरितां चे काम 20:24

पर मैं आपणे प्राणा नु कहीं वी ना समझी कि आपणे प्राणा नु प्यारे जाणे, बल्ति ईं कि मैं आपणी दोड़ नु, ते वे सेवा नु पुरी करे, जको मैं नरीकारा चे अनुग्रह चे सुसमाचार ची ग़वाही ङेणे चे वास्ते प्रभु ईशु ने जको मनु ङिली।

प्रेरितां चे काम 20:32

“ते हमा मैं तम्हानु नरीकारा नु, ते ओचे अनुग्रह चे वचना नु सोंपती ङिये पला, जको तम्ची बढ़ोतरी कर सग़ी, ते सारे पवित्र करले गेले लौका मां सहभागी हुती ते विरासत ङे सग़े।

प्रेरितां चे काम 22:21

“ते प्रभु ने मनु केहले कि, ‘चाह्‍ला जा, कांकि मैं तनु नेरीया जातिया मां दूर-दूर तक भेज़ी।’ ”

प्रेरितां चे काम 9:15

पर प्रभु ने ओनु केहले, “तु चाह्‍ला जा, कांकि हा तां नेरीया जातिया ते वांचे राजे ते इस्राएलीया चे सामणे माये नां उजागर करने वास्ते माये चुणले आले जन छै।

रोमियां 1:1

हा चिठ्ठी रोमियां ची कलीसिया वास्ते लिखली गेली पौलुस चे तरफु जको ईशु मसीह चा दास छै ते प्रेरित हुवणे चे वास्ते हकारला गेला ते नरीकारा चे ओ सुसमाचार वास्ते अलग़ करला गेला छै।

रोमियां 11:13

मैं हमा तम्हानु ये बाता किहे पला, जको नेरीया जातिया छिवा। हमा, जबकि मैं नेरीया जातिया वास्ते प्रेरित छै, तां मैं आपणी सेवकाई मां पुरी कोशिस करे,

रोमियां 15:18

कांकि वां बाता नु छोड़ती कर मनु नेरी कुई बात केहणे ची हिम्मत कोनी, जको मसीह ने नेरीया जातिया नु नरीकारा ची अधीनता स्वीकार करने वास्ते माये वचन, ते कर्म,

रोमियां 15:19

ते चैन्ह ते अदभोत कामा ची सामर्थ लारे, ते पवित्र आत्मा ची सामर्थ लारे माये ही जरिये करले गेले। इठे तक मैं यरुशलेम कनु लाती कर चऊं पासु ते इल्‍लुरिकुम तक मसीह चे सुसमाचार चा पूरा-पूरा प्रचार करला।

रोमियां 15:20

पर माये मना ची इच्छा हा छै कि, जिठे-जिठे मसीह चे नां कोनी गेहले गेले, उठी सुसमाचार सुणावे, इसड़े ना हो, कि ङुजे ची नीम उपर घर बणावे।

रोमियां 15:29

ते मैं जाणे, कि जिसे बेले मैं तम्चे गोढु आवी, तां मसीह ची पुरी आशीष चे लारे आवी।

रोमियां 5:5

ते आस अम्हानु निराश ना हुं ङी, कांकि पवित्र आत्मा जको अम्हानु ङिला गेला ओचे जरिये नरीकारा चा प्रेम अम्चे मना मां नाखला गेला।

1 कुरिन्थियां 3:5

अपुल्‍लोस कूण छै? ते पौलुस कूण छै? सेर्फ सेवक, जाये जरिये तम्हा लौका ने विश्‍वास करला, हर-हेक ने प्रभु चे जरिये सोंपली गेली जिम्मेवारी नु निभाले।

1 कुरिन्थियां 4:1

सही तां ईं हुवी कि अम्हानु मसीह ईशु चा भण्डारी हेकमात्र समझले जाओ, जानु नरीकारा चे भेदा ची जिम्मेवारी सोंपली गेली छै,

1 कुरिन्थियां 6:19

का तम्ही ना जाणा कि तम्चे शरीर पवित्र आत्मा चा मन्दर छै जको तम्चे भीतर बसला आला छै ते तम्हानु नरीकारा चे तरफु मिड़ला आला छै? तम्हानु तम्चे उपर अधिकार कोनी।

2 कुरिन्थियां 11:23

का वे ही मसीह चे सेवक छी? मैं पाग़ला आलीकर किहे मैं वांचे कनु बधती कर छै। ज्यादा मेहनत करने मां, बार-बार कैद हुवणे मां, कोड़े खाणे मां, बार-बार मौत चे जोखिम चवणे मां।

2 कुरिन्थियां 5:20

ऐवास्ते अम्ही मसीह चे राजदूत छिऊं, मनाकि नरीकार अम्चे जरिये समझावे। अम्ही मसीह चे तरफु बिनती करु, कि नरीकारा चे लारे मेल-मिलाप करती गिहा।

2 कुरिन्थियां 8:5

ते जिसड़ी अम्ही आस करली हुती, वाणे ओकनु बढ़ती कर करले। सबकनु पेहले प्रभु वास्ते, बल्ति नरीकारा ची इच्छा लारे अम्चे वास्ते, आपणे आप नु समर्पित करती ङिले।

गलातियां 3:5

जको नरीकार तम्हानु पवित्र आत्मा चा दान करे ते सामर्थ चे काम करे का ओ व्यवस्था चे कामा लारे जा सुसमाचार चे विश्‍वास इसड़े करे?

इफिसियां 2:18

कांकि मसीह चे वजह हेको ही पवित्र आत्मा मां अम्ही ङोनी यहूदी, नेरीया जातिया ची पोंहच ब़ा नरीकारा तक हुवे।

इफिसियां 2:22

मसीह मां तम्ही वी हेक प्राथनाघर बणती जावा जाये मां नरीकार वी पवित्र आत्मा चे जरिये रिहुं लाग़ो।

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

फिलिप्पियां 2:17

अगर मनु तम्चे विश्‍वास रूपी बलिदान ते सेवा चे लारे आपणे लुहीं वी बाहणे पड़ो, तां वी मैं खौश छै, ते तम्चे सारा लारे मैं खुशी मनावी।

फिलिप्पियां 4:18

माये कनु ब़ोहत कोच्छ छै, इपफ्रुदीतुस चे हाथु जको दान तम्ही भेज़ला हुता ओनु मैं गेहती कर ब़ोहत खौश छै, ओ दान जको दिला आली महक ओर मनणे लायक बलिदान छै जाकनु नरीकार खौश हुती जाये।

1 थिस्सलुनीकियां 2:2

बल्कि तम्ही आप जाणा, कि पेहले-पेहले फिलिप्पी मां ङोख चवणे ते जुलम सेहणे पर वी अम्चे नरीकारा ने अम्हानु इसड़ी हिम्मत ङिली, कि अम्ही नरीकारा चा सुसमाचार तकड़ा विरोध हुते हुले वी तम्हानु सुणाऊं।

1 थिस्सलुनीकियां 2:9

कांकि, हे माये भऊ ते ब़ेहणीया, तम्ही अम्ची मेहनत ते ङुखा नु याद राखा, कि अम्ही ऐवास्ते रात-ङिओ काम धन्धा करते हुले तम्चे महु काये उपर वी बोझ कोनी बणने ची इच्छा लारे तम्हानु नरीकारा चा सुसमाचार प्रचार सुणाला।

1 थिस्सलुनीकियां 5:23

शान्ति चा नरीकार आप ही तम्हानु पुरी रीति लारे पवित्र करो, ते तम्ची आत्मा ते प्राण ते शरीर अम्चे प्रभु ईशु मसीह चे आणे तक पुरी रीति लारे निर्दोष सुरक्षित रिहो।

1 तीमुथियुस 1:11

हा खरा उपदेश, हाओ परमधन्य नरीकारा ची महिमा चे ओ सुसमाचार चे अनुसार, जको मनु सोंपला गेला।

1 तीमुथियुस 2:7

मैं सच्‍च किहे पला, कूड़ कोनी मारे पला, कि मैं ऐह मकसद लारे प्रचारक ते प्रेरित ते नेरीया जातिया चे वास्ते विश्‍वास ते सच्‍चाई चा उपदेशक ठहराला गेला।

2 तीमुथियुस 1:11

जाये वास्ते मैं प्रचारक, ते प्रेरित, ते उपदेशक वी ठहरला।

इब्रानियां 13:16

भलाई करने ते चीजा चा आपस मां मिलती कर बाटणे ना छोड़ा कांकि ये इसड़े बलिदान छै, जको नरीकारा नु खौश करे।

1 पतरस 1:12

वांचे उपर ईं वी उजागर करले गेले, कि वे आपणी कोनी बल्कि तम्ची सेवा करने चे वास्ते ये बाता किही पलते ले, जाया समाचार तम्हानु हमा वांचे जरिये मिड़ला जेह्णे पवित्र आत्मा चे जरिये जको स्वर्ग़ा कनु भेज़ला गेला तम्हानु सुसमाचार सुणाला, जा बाता नु जाणने चे वास्ते तां स्वर्ग़दूत वी तरसते रिही।

1 पतरस 2:5

तम्ही वी आप जीते पत्थरा आलीकर आत्मिक घर बणते जावा पले, जाये कनु याजका चा पवित्र समाज बणती कर, इसड़े आत्मिक बलिदान चढ़ावा, जको ईशु मसीह चे जरिये नरीकारा नु ग्रहण हो।