रोमियां 15:14 - ओङ राजपूत

¹⁴ हे माये भऊ, मैं आप वी खौद्द तम्चे बारे मां पक्‍के ही जाणे कि, तम्ही आप ही भलाई लारे भरीले आले छिवा ते ज्ञान मां भरपूर छिवा ताकि हेके-ङुजे नु समझा सग़ा।

रोमियां 15:14 ပူးပေါင်းရင်းမြစ်များ

1 कुरिन्थियां 1:5

कांकि ओचे मां हुती कर तम्ही हर बाते मां यानि ब़ोलणे ते सारे ज्ञान मां मजबूत करले गेले,

1 कुरिन्थियां 12:8

कांकि हेक नु पवित्र आत्मा चे जरिये ब़ुध्दि चा बाता ङिलीया जई ते ङुजे नु पवित्र आत्मा चे अनुसार ज्ञान चा बाता।

1 कुरिन्थियां 13:2

ते अगर मैं भविष्यवाणी कर सग़े, ते सारे भेद ते सब तरह चे ज्ञान नु समझे, ते माया विश्‍वास इसड़ा मजबूत हो कि माये वचना लारे पहाड़ आपणी जग़हा कनु हटती जाओ, पर प्रेम ना राखे, तां मैं कोच्छ वी कोनी।

1 कुरिन्थियां 8:1

हमा मूर्तिया नु चढ़ाली आली चीजा चे बारे मां जाणु कि, “अम्हा सब नु ज्ञान छै।” ज्ञान अम्हानु घमण्डी बणावे पर प्रेम लारे बढोतरी हुवे।

1 कुरिन्थियां 8:10

अगर काया विवेक कमजोर छै ते ऊं तम्चे जिसड़े ज्ञानी इन्सान नु मूर्तिया चे मन्दरा मां चढ़ावा खाते ङेखती गिहो तां का ओनु वी मूर्ति नु चढ़ाली चीजा खाणे ची हिम्मत नी मिली?

1 कुरिन्थियां 8:7

पर सब नु हा ज्ञान कोनी। पर कई लौक हमा तक मूर्ति नु ईश्‍वर समझती कर बलि ची चीज नु खई, तां वे सोची अम्ही अशुद्ध हुती गेले कांकि वांचा विवेक कमजोर छै।

2 कुरिन्थियां 8:7

पर जिंवे हर बाते मां यानिकि विश्‍वास, वचन, ज्ञान ते हर-तरहा ची कोशिस मां, ते ओ प्रेम मां, जको अम्चे लारे राखा, बधते जावा पले, यूहीं ऐ दान चे कामा मां वी बधते जावा।

इफिसियां 5:9

हर तरह ची निर्दोषीता भलाई ते सच्‍चाई मां सोज़ले चे फल छी।

फिलिप्पियां 1:11

धार्मिकता चे आच्छे गोण जको ईशु मसीह कनु मिले ओचे लारे तम्ही भरीले रिहा जाये कनु नरीकारा ची महिमा ते स्तुति हुती रिहो।

फिलिप्पियां 1:7

माया हा विचार तम्चे वास्ते ठीक छै, कांकि तम्ही माये दिला मां बसती गेले, ते माई कैद मां ते सुसमाचार चे वास्ते उत्तर ते प्रमाण ङेणे मां तम्ही सारे माये लारे अनुग्रह मां भईवाल छिवा।

कुलुस्सियां 3:16

मसीह चे वचन नु आपणे दिला मां गहराई लारे बसु ङिया ते सेद्ध ज्ञान समेत हेके ङुजे नु सिखावा ते चितावा, ते आपणे-आपणे मना मां अनुग्रह चे लारे नरीकारा चे वास्ते भज़न ते स्तुतिगान ते आत्मिक गीत गावा।

1 थिस्सलुनीकियां 5:11

यूंही हेके ङुजे नु शान्ति ङिया, ते हेके ङुजे चे धार्मिक विश्‍वास ची बढ़ोतरी चे वजह बणा, तां तम्ही इसड़े करा वी हुवा।

1 थिस्सलुनीकियां 5:14

ते ओ माये भऊ ते ब़ेहणीया, अम्ही तम्हानु समझाऊं पले कि तम्चे मां जको आलसी छी वानु समझावा, कायरा ची हिम्मत ब़न्धावा, कमजोरा नु सम्भाला, सारा बन्दा ची सहन करा।

2 थिस्सलुनीकियां 1:11

ऐवास्ते अम्ही सदा तम्चे वास्ते हर ङिओ प्राथना करु वी, कि अम्चा नरीकार तम्हानु ऐ ब़ुलाहट चे योग्य समझो, ते भलाई ची हर हेक इच्छा, ते विश्‍वास चे हर हेक कामा नु सामर्थ लारे पूरा करो।

2 तीमुथियुस 1:5

ते मनु दुधे ओ निष्कपट विश्‍वास ची याद आवे, कि जको पेहले दुधी नानी लोइस, ते दुधी आई यूनीके मां हुती, ते मनु पक्‍का पता लाग़ला कि, तम्चे मां वी छै।

फिलेमोन 1:21

दुधे आज्ञाकारी हुवणे उपर भरोसा राखती कर मैं हा चिठ्ठी तनु लिखे पला मनु पता छै कि जको कोच्छ तनु मैं किहे ओकनु तु ज्यादा करे।

इब्रानियां 5:12

समय चे अनुसार तां तम्हानु गुरु हुती जाणे चाही हुते, तां वी ईं जरुरी छै कि कुई तम्हानु दुबारा नरीकारा चे वचना ची शुरु ची शिक्षा बल्ति कनु सिखाओ। तम्ही तां इसड़े हुती गेले कि तम्हानु अन्‍न चे बदले हमा तक ङूध ही चाही छै।

इब्रानियां 6:9

पर हे प्यारे, हालांकि अम्ही ये बाता किहुं, तां वी तम्चे बारे मां अम्ही याकनु आच्छीया होर उद्धार आलीया बाता चा भरोसा करु।

2 पतरस 1:12

ऐवास्ते तम्ही ये बाता जाणा, ते जको सच्‍चा वचन तम्हानु मिड़ला आला छै, ओचे मां बणले रिहा, तां वी मैं तम्हानु यां बाता चा चैता ङिवाणे वास्ते सदा तियार रिही।

1 यूहन्‍ना 2:21

मैं तम्हानु ऐवास्ते कोनी लिखले कि तम्ही सच्‍चाई नु ना जाणते, तम्ही सच्‍चाई नु जाणा, ते हा वी जाणा कि जिठे सच्‍चाई छै ओठे कूड़ कोनी।