रोमियां 14:21 - ओङ राजपूत

²¹ भले तां ईं छै कि, तु ना तां मांस खा, ते ना ही दाखरस पी, ते ना ही नेरे कहीं कर, जाये कनु दुधे भावां नु ठोकर लाग़ो।

रोमियां 14:21 ပူးပေါင်းရင်းမြစ်များ

मत्ती 13:21

पर आपणे भीतर ज़हड़ ना राखणे ची वजह कनु वे थोड़े ही ङिहां चे छी। ते जिसे बेले वचना ची वजह कनु वांचे उपर क्लेश जा परेशानी आवे, तां वे तुरन्त ठोकर खाती जई।

मत्ती 16:23

ईशु ने मुड़ती कर पतरस नु केहले, “हे शैतान, माये सामणे कनु दूर हो! तु माये वास्ते ठोकर ची वजह छी। कांकि तु नरीकारा चीया बाता उपर ना, पर तु इन्साना चीया बाता उपर मन लावी।”

रोमियां 14:13

ऐवास्ते उग़ते कनु अम्ही हेके-ङुजे उपर दोष ना लाऊं, पर तम्ही ईं ठानती गिहा कि कुई वी आपणे भावां चे सामणे ठेस जा ठोकर खाणे ची वजह ना मेहलो।

रोमियां 14:17

कांकि नरीकारा चा राज़ खाणे-पीणे कोनी छै, पर धार्मिकता ते शान्ति ते वा खुशी छै जको पवित्र आत्मा लारे हुवे।

1 कुरिन्थियां 8:13

ऐवास्ते अगर खाणे काये वास्ते ठोकर ची वजह बणे, तां मैं मीट चे खाणे कङी वी नी खई, कि मैं आपणे भावां ची ठोकर ची वजह बणे।

1 कुरिन्थियां 8:9

पर चौकस रिहा। इसड़े ना हो कि तम्ची हा आजादी किठी कमजोरा वास्ते ठोकर ची वजह ना बणती जाओ।

फिलिप्पियां 1:10

इठे तक कि तम्ही आच्छीया महु आच्छीया बाता नु प्रिय जाणा ते मसीह आणे चे ङिओ तक सच्‍चे, पवित्र, ते बिना कसूरा चे बणले रिहा, ते ठोकर ना खावा,

इब्रानियां 12:13

ते आपणे पग़्ग़ा वास्ते सिधे मार्ग़ बणावा, कि लंगड़ा, अपंग ना हुती जाओ, पर भला चंगा हुती जाओ।

प्रकाशितवाक्य 2:14

पर मनु दुधे विरोध मां कोच्छ बाता केहणीया, कांकि दुधे इठे कोच्छ इसड़े छी, जको बिलाम ची शिक्षा नु मनी, जेह्णे बालाक नु इस्राएलीया चे आग़ु ठोकर ची वजह राखणे सिखाले कि वे मूर्तिया उपर चढ़ालीया गेलीया चीजा खाओ, ते व्यभिचार करो।