रोमियां 14:19 - ओङ राजपूत

¹⁹ ऐवास्ते अम्ही वां बाता ची कोशिस करु, जाये लारे शान्ति मिलो ते हेके-ङुजे ची आत्मिक बढोतरी हो।

रोमियां 14:19 ပူးပေါင်းရင်းမြစ်များ

मत्ती 5:9

धन्‍न छी वे, जको मेल कराणे आले छी, कांकि वे नरीकारा चे पूत किहवावे।

मरकुस 9:50

“लूण आच्छे छै, पर अगर लूणा चा स्वाद बिगड़ती जाये तां बल्ति किसी चीजे लारे नमकीन करले जई? “आपणे मां लूण राखा ते हेके ङुजे लारे प्यारा लारे रिहा।”

रोमियां 12:18

जिठे तक हो सग़े, तम्ही सब इन्साना लारे मेल-मिलाप राखा।

रोमियां 15:2

अम्चे महु हर-हेक नु विश्‍वासीया नु ओची भलाई वास्ते खौश करा, कि वांची आत्मिक बढोतरी हो।

1 कुरिन्थियां 10:23

मैं सब करने वास्ते आजाद छै पर सब कोच्छ भलाई वास्ते ना हुवी। मैं कोच्छ वी करने वास्ते आजाद छै पर सारीया चीजा लारे बढोतरी ना हुवी।

1 कुरिन्थियां 10:33

ठीक जिंवे मैं वी सब बाता मां सब नु खौश राखे ते मैं आपणे भले ची ना। पर ङुजा चे भले चा ध्यान राखे कि वे उद्धार गे सग़ो।

1 कुरिन्थियां 14:26

ऐवास्ते हे माये भऊ, का करने चाही छै? जिसे बेले तम्ही भेले हुवा, हर-हेक चे दिला मां भज़न, जा उपदेश, जा नेरीया भाषा, जा दर्शन, जा नेरीया भाषा चा मतलब बावड़ना रिहे सब कोच्छ आत्मिक बढोतरी वास्ते हुवणे चाही छै।

1 कुरिन्थियां 14:3

पर वे जको भविष्यवाणी करे, लौका ची आत्मिक बढोतरी शाबासी ते सब्रा नु उग़ते बधावे।

1 कुरिन्थियां 14:4

वे जको नेरीया भाषा मां बाता करे, वे आपणी बढोतरी करी। पर जको भविष्यवाणीया करी, ओ कलीसिया ची बढोतरी करी।

1 कुरिन्थियां 14:5

मैं चाहवे कि तम्ही सारे नेरीया भाषा मां बाता करा, पर ज्यादा ईं चाहवे कि भविष्यवाणीया करा कांकि अगर नेरीया भाषा ब़ोलणे आले चा कुई अनुवाद ना करो, तां भविष्यवाणी चा फायदा कलीसिया ची बढोतरी वास्ते ओकनु बढ़ती कर छै।

1 कुरिन्थियां 7:15

पर जको मर्द विश्‍वास ना करी, अगर ओ अलग़ हो तां अलग़ हुं ङिया। इसड़ी दशा मां कुई भऊ जा ब़ेहण ब़झले आले कोनी पर नरीकारा ने तां अम्हानु मेल-मिलाप वास्ते हकारले छै।

1 कुरिन्थियां 8:1

हमा मूर्तिया नु चढ़ाली आली चीजा चे बारे मां जाणु कि, “अम्हा सब नु ज्ञान छै।” ज्ञान अम्हानु घमण्डी बणावे पर प्रेम लारे बढोतरी हुवे।

2 कुरिन्थियां 12:19

तम्ही हालि तक समझते पले वा, कि अम्ही तम्चे सामणे सफाई ङिऊं पले। इसड़े कोनी। अम्ही तां नरीकारा नु मौजुद जाणती कर मसीह मां ब़ोलु। ते हे प्यारे, जको कोच्छ अम्ही किहुं ते करु ऊं तम्ची बढ़ोतरी वास्ते ही किहुं।

2 कुरिन्थियां 13:11

हमा, हे माये भऊ, तम्ही खौश रिहा। सेद्ध बणते जावा, तसल्‍ली राखा, हेक मन राखा, मेल-मिलाप लारे रिहा, ते प्रेम ते शान्ति चा दाता नरीकार तम्चे लारे रिही।

इफिसियां 4:12

ओणे इसड़े करले कि नरीकारा चे पवित्र लौक सेवा करने चे लायक बणो ताकि मसीह ची देह जको कलीसिया छै विनु मजबूत करो।

इफिसियां 4:29

कोच्छ गन्दी बात ना ब़ोला जको ब़ोला आच्छे ब़ोला ते जको नेरा वास्ते आशीष ची वजह हो।

1 तीमुथियुस 1:4

ते वे इसड़ीया मनघड़न्त कहाणीया ते बेअन्त पीढ़ीया उपर मन ना लावा, जाये कनु लड़ाई-झगडे़ हुवी, ते नरीकारा ची वा इच्छा चे अनुसार कोनी, जको विश्‍वास लारे ही पुरी हो सग़े, यूंही ही मैं बल्ति किहे पला।

2 तीमुथियुस 2:22

जवानी ची बुरी लालसा कनु दूर रेह वा सारा चे लारे जको शोद्ध मना लारे प्रभु नु हकारी। वांचे लारे धर्म चा जीवन, विश्‍वास, प्रेम ते शान्ति चा पीछा कर।

इब्रानियां 12:14

सारा लारे शान्ति बणाली राखा ते वे पवित्रता ची खोज मां रिहा, जाये बिना कुई वी प्रभु नु ङेख ना सग़ी।

1 पतरस 3:11

ऊं बुराई चा साथ छोड़ती ङियो, ते भलाई चा ही बाता करो। ऊं मेल-मिलाप नु सोधो, ते ओचा जत्तन करना चाही छै।