रोमियां 14:18 - ओङ राजपूत

¹⁸ जको कुई ये रीति लारे मसीह ची सेवा करे, ऊं नरीकारा नु भावे ते इन्साने ओचा कद्दर करी।

रोमियां 14:18 ပူးပေါင်းရင်းမြစ်များ

मरकुस 13:34

हा ओ इन्साना ची दशा छै, जको प्रदेस जते बेले आपणे घर छोड़ती जाये ते आपणे दासा नु अधिकार ङियो, ते हर हेक नु ओचे काम बावड़ती ङियो, ते द्वारपाल नु जाग़ते रेहणे ची आज्ञा ङियो।

यूहन्‍ना 12:26

अगर कुई माई सेवा करने चाहवे तां माये भांसु टुरणे पड़ी, जिठे मैं छै, उठे माया दास वी हुवी। अगर कुई माई सेवा करे तां माया ब़ा ओचा कद्दर करी।

प्रेरितां चे काम 10:35

बल्कि हर जाति मां जको ओकनु ङरे ते धर्मा चे काम करे ऊं ओनु भाते रिहे।

रोमियां 12:11

मेहनत करने मां आलसी ना बणा, आत्मा मां जोश लारे भरीती कर प्रभु ची सेवा करा।

रोमियां 14:4

तु कूण छी जको ङुजे चे सेवक उपर दोष लावी? ओचे मजबूत रेहणे जा ढेती जाणे ओचे मालिका कनु ही सम्बन्ध राखे। बल्कि ओ मजबूत ही करला जई, कांकि प्रभु ओनु मजबूत कर सग़े।

रोमियां 16:18

कांकि इसड़े लौक अम्चे प्रभु मसीह ची ना, पर आपणे ढिड्डा ची सेवा करी, ते चिकनिया चुपड़ीया बाता लारे भोले-भाले मना आले लौका नु भटकाती नाखी।

रोमियां 6:22

पर हमा पाप कनु आजाद हुती कर ते नरीकारा चे दास बणती कर तम्हानु फल मिड़ला जाये कनु पवित्रता हांसिल हुवे, ते ओचा अन्त, अनन्त जीवन छै।

1 कुरिन्थियां 7:22

कांकि जको दास ची दशा मां प्रभु मां हकारला गेला ओ प्रभु चा आजाद करला गेला छै। यूंही जको आजाद ची दशा मां हकारला गेला ओ मसीह चा दास छै।

2 कुरिन्थियां 4:2

पर अम्ही लज़्ज़ा चे गुप्त कामा नु त्याग़ती ङिले, ते ना ही चतराई लारे टुरु, ते ना ही नरीकारा चे वचना मां मिलावट करु, पर सच्‍चाई नु उजागर करु, नरीकारा चे सामणे हर हेक इन्सान चे विवेक मां आपणी भलाई ब़िसाणु।

2 कुरिन्थियां 5:11

ऐवास्ते प्रभु चा भय मनती कर अम्ही लौका नु समझाऊं ते नरीकारा चे सामणे अम्चा हाल प्रकट छै, ते माई आस हा छै कि, तम्चे विवेक ने वी ऐनू जाणती गेले वी।

2 कुरिन्थियां 5:9

ऐवास्ते अम्चे मना ची बङी इच्छा हा छै कि, चाहे अम्ही शरीरा मां रिहुं, चाहे अम्ही ना रिहुं पर अम्ही ओनु भाते रिहुं।

2 कुरिन्थियां 6:4

पर हर बाते मां नरीकारा चे सेवका आलीकर आपणे आप नु आच्छे सेद्ध करते रिहुं, बङी हिम्मती लारे, क्लेशा लारे, कठिनाई लारे, संकटा लारे,

2 कुरिन्थियां 8:21

कांकि जको बाता सेर्फ प्रभु ची नजरी मां ना, पर इन्साना ची नजरी मां वी भलीया छी, अम्ही ओची फिक्र करु।

फिलिप्पियां 4:18

माये कनु ब़ोहत कोच्छ छै, इपफ्रुदीतुस चे हाथु जको दान तम्ही भेज़ला हुता ओनु मैं गेहती कर ब़ोहत खौश छै, ओ दान जको दिला आली महक ओर मनणे लायक बलिदान छै जाकनु नरीकार खौश हुती जाये।

फिलिप्पियां 4:8

हे भऊ ते ब़ेहणीया, जको-जको बाता सच्‍च छी, ते जको-जको बाता आदरमान चा छी, ते जको-जको बाता वाजिब छी। ते जको-जको पवित्र छी,ते जको-जको बाता सुहावनीया छी, ते जको-जको बाता मन भावनीया छी। यानि जको सदगुण ते प्रशंसा चीया बाता छी, वांचे उपर ध्यान लाले करा।

कुलुस्सियां 3:24

कांकि तम्हानु पता छै कि ऐ बदले मां तम्हानु प्रतिफल मां इनाम मिली, प्रभु जको मसीह छै तम्ही ओची सेवा करा वी।

1 तीमुथियुस 2:3

ईं अम्चे उद्धारकर्ता नरीकारा नु आच्छे लाग़े ते भावे वी।

1 तीमुथियुस 5:4

ते अगर कुई बांढी ची ब़ाले-ब़च्‍ची जा ङोहत्रे पोत्रे हो, तां वे सारा महु पेहले आपणे ही घराणे चे लारे भग़ती चा बर्ताव करो, ते आपणे आई-ब़ा ची सेवा करती कर वांचा बदला चुकाओ, कांकि ईं नरीकारा नु भावे।

1 पतरस 2:12

नेरीया जातिया मां तम्चा चाल-चलन भला हो, ऐवास्ते कि जिसीया जिसीया बाता मां वे तम्हानु बदनाम करी, वे तम्चे भले कामा नु ङेखती कर, प्रभु चे आणे चे ङिओ वे नरीकारा ची महिमा करो।

1 पतरस 2:20

पर अगर गन्दे कामा चे वजह तम्हानु कोटले मारले जाये, ते तम्ही ओनु सहन करा तां ते ऐचे मां बढ़ाई ची का बात छै? अगर तम्हानु तम्चे आच्छे कामा चे वास्ते सताले जाये तां नरीकारा चे सामणे बढ़ाई चे लायक छै।

1 पतरस 2:5

तम्ही वी आप जीते पत्थरा आलीकर आत्मिक घर बणते जावा पले, जाये कनु याजका चा पवित्र समाज बणती कर, इसड़े आत्मिक बलिदान चढ़ावा, जको ईशु मसीह चे जरिये नरीकारा नु ग्रहण हो।

1 पतरस 3:16

ते आपणे विवेक नु वी शोद्ध राखा, ऐवास्ते कि जिसीया बाता चे बारे मां वे जको मसीह मां तम्चे आच्छे चाल-चलन चा अपमान करी, शर्मसार हो।